دور الاخوان في ثورة يوليو

انا طبعا قريت المقال ده سابقا وكل انسان له رأيه لكن نسمع كلام

شاهد هام فى الموضوع وهو احد الضباط الاحرار اللواء جمال حماد

محافظ كفر الشيخ ومحافظ المنوفية سابقا :



انا لست مع الاخوان او ضدهم لكن لا يجب ان ننكر ان للأخوان دورا

فعليا فى الحياة السياسية فى مصر لا يجب ان ننكره او نتناساه رغم

اخطائهم التى لا حصر لها . وكاتب المقال بنى فكرته كلها على مقولة

مرشد الاخوان لشباب الجماعة قائلا : " اذهبوا واعكفوا علىتلاوة القرآن الكريم " .

وده غير طبيعى بالمرة طيب ما الرئيس السادات عمل رحلات حج وعمرة

للضباط فى الوقت اللى كان فيه بيحضر لحرب اكتوبر يبقى ليست كل التصريحات

تعبر عن الحقيقة لذا ففكرة المقال تحطمه بالكامل . شكرا ابوجمال على الطرح القيم

وليتنا نفتح ملف الاخوان بما لهم ما عليهم كما يجب ان نفتح ملف دور الدول العربية

فى حرب اكتوبر لانه دور منسى تماما .

لا .................الله يسلمك

السادات لما عمل رحلات حج وعمره

للضباط قبل حرب اكتوبر كان بهدف التمويه

علي اسرائيل حتي تعتقد ان مصر لن تدخل حربا علي الاقل في التاريخ القريب

اي انها خدعه عسكريه ...اما الاعتكاف في المساجد الذي نادي به المرشد

كان ذلك اثناء الجهاد ضد الاحتلال الانجليزي الذي كان موجودا بمصر

ويملي قراراته علي الملك والسرايا....لذلك ليست هناك مقارنه بين الموقفين

انا لا انكر ان هناك دورا للاخوان في ثورة يوليو ولكن الدور لم يكن وطنيا

ولكن كان من اجل الاستحواذ علي السلطه فقط ليس الا...مع اني لا اريد ان

ادخل في نقاشات مع او ضد الاخوان ولكن اتيت بالمقال لاقول لمن يدعي

ان هناك دورا للاخوان في ثورة يوليو ان دورهم دور من اجل مصلحه شخصيه

واذا كان علي جمال حماد انا رايت شهادته كامله علي الجزيره من كام سنه في برنامج

شاهد علي العصر ...ومش محتاج اني افتح المقطع واشوفه ...ياراجل فيه حد يقول

علي الضباط الاحرار انهم كانوا بيهربوا حشيش من لبنان في وقت كانت فيه

البلد كلها شادة طوارئ ؟؟؟ وفي معارك مستمره سواء مع اسرائيل او مع الذين يريدون

تحطيم انجازات الثوره

ممكن اجيب لك برضه واحد منشق عن الاخوان وشوفه بيقول ايه عنهم

ويجب علينا ان نحكم عقولنا ...هاهم الاخوان تحقق لهم ما ارادوا

والايام بيننا اذا كنا من اهل الدنيا
............

انا طبعا مش متعمق فى القراءة عن دور الاخوان

علشان كده مش هجادل فيه لكن انا مش شايف ان

الاخوان تحقق لهم ما أرادوا لانهم مش بيحكموا البلد

ولا هيحكموها فى يوم من الايام . الحاكم الفعلى لمصر

هو المجلس العسكرى ودى قلتها قبل نتيجة الانتخابات

ومُصر عليها وسواءا كان مرسى الرئيس او حتى

احمد شفيق مكانش هيحكم وزى ما كان مجلس الشعب

منزوع الصلاحيات الرئيس كمان منزوع الصلاحيات

لكن الغريب فى الامر ان الجميع بيقولوا ان الاخوان

المسلمين مش بيهمهم غير مصلحتهم وبس . حد يجيب

لى اى حزب فى العالم مش بتكون الاولوية عنده لشخصه

ثم لبلده . لو كان فيه حد بيفكر فى بلده فعلا كان كل

واحد هرب من المسئولية وتركها لغيره لكن للأسف

الجميع فى مصر وخارجها يبحث عن مصالح شخصية

سواءا الاخوان أو غيرهم . انا مؤمن ايمان كامل ان

الاخوان مصلحتهم فوق كل شىء زى ما أنا مؤمن ايمان

كامل ان أى حزب أو مذهب فى مصر مصلحته هى

الاولى ويأتى بعد ذلك أى شىء . الاخوان مش ملايكة

بس برضه هما مش شياطين

طيب وليه نجيب اراء اخرين فى وجود رأى الزعيم
اذا وجد الماء بطل التيمم
طيب ما الخطاب الخاص بجمال عبد الناصر الذى تكلم فيه عنهم
قال دورهم كان ايه بالظبط
والراجل حكى احداثا تتكرر الآن ونراها بأعيننا ومنا من ينكرها ايضا وكأنه لا يستطيع الرؤيا
شكرا ابو جمال

كل رؤساء مصر السابقين اجمعوا

علي راي عبد الناصر

وكذلك الكثير من اراء المفكرين والادباء

والصحفيين ..هل كل هؤلاء خطأ

والاخوان وحدهم صح؟؟

وعبد الناصر كانت ليه صلحه شخصيه برضه ؟؟

هناك ناس كتير وطنيين وتهمهم مصلحة البلد قبل مصالحهم الشخصيه

وموجودين ومنهم من ضحي بنفسه فداء للاوطان

عبد الفتاح عبد الشافي كتب:

كل رؤساء مصر السابقين اجمعوا

علي راي عبد الناصر

وكذلك الكثير من اراء المفكرين والادباء

والصحفيين ..هل كل هؤلاء خطأ

والاخوان وحدهم صح؟؟

مين قال ان الاخوان وحدهم صح ؟ انا مقلتش كده ولا هقول

بس اللى انا شايفه ان الاخوان صح من وجهة نظرهم والرؤساء

صح من وجهة نظرهم . كل واحد شايف مصلحة البلد من وجهة

نظره ولو رجعنا للتاريخ كويس هنلاقى ان الرؤساء التلاته استعانوا

بالاخوان وخدوا غرضهم منهم وبعد كده قالوا لهم بس دوركم انتهى

لحد كده . الرئيس عبدالناصر استعان بهم وكونه انتقدهم ده طبيعى

بس سؤال بسيط بأى حق يطلب المرشد من الرئيس عبدالناصر انه

يحجب النساء ؟ مش المفروض الرئيس عبدالناصر كان قاله بأى حق

تطلب الطلب ده يا متخاذل ياللى مساعدتش الثورة ؟؟؟ ياللى معملتش

أى حاجة معانا ده انت معندكش دم .... ده الرد الطبيعى اللى المفروض

الرئيس يرده لو هو شايف ان الناس دى مكانش لها دور . صراع الرئيس

جمال عبدالناصر مع الاخوان هو نفس الصراع القائم حاليا . الاخوان

قالوا للضباط الاحرار خلاص كده دوركم انتهى مش باقى غير انه يتعمل

انتخابات وتتسلم السلطة لمدنين ومن هنا كان العداء بين كلا الطرفين

اما الرئيس السادات فكلنا نعلم علاقته بالاخوان وكيف كانت ؟ اما الرئيس

مبارك فمش محتاج اسرد علاقته بالاخوان لان الشعب قال كلمته فى

الرئيس نفسه . فى النهاية اتمنى ان نقرأ الجانب السيىء ولكن لا يجب

ان ننسى الدور الايجابى لانه مفيش حد ملهوش دور ايجابى حتى لو كان

اسمه الاخوان المسلمين اللى انا نفسى مكنتش اعرف عنهم سوى انهم

قتلة ومجرمين وفقط وده اللى الاعلام نجح فى توصيله لنا جميعا . انا

شايف ان الاخوان لهم مالهم وعليهم ما عليهم زى اى انسان زى اى رئيس

من الرؤساء اللى فاتوا زى محمد مرسى اللى هيكون عليه اكتر ماله

بكتير جدا بس ده مسكين عذره معاه

عبد الفتاح عبد الشافي كتب:

وعبد الناصر كانت ليه صلحه شخصيه برضه ؟؟

هناك ناس كتير وطنيين وتهمهم مصلحة البلد قبل مصالحهم الشخصيه

وموجودين ومنهم من ضحي بنفسه فداء للاوطان

طيب وهو الرئيس محمد نجيب كانت ايه مصلحته لما طلب بارثاء حياة

ديموقراطية فى البلد وتسليم السلطة للمدنين ؟ وليه تم اقالته من منصبه ؟

اسئلة كتيرة محتاجة لاجابة علشان نشوف الصورة بالكامل .

يا ابو جمال
اللى قرا واللى سمع غير اللى شاف
اللى قرا هيقول تزييف لحقائق وتاريخ
واللى سمع هيقول اعلام مضلل
لكن اللى شاف بأم عينه فكر الناس دى ومنهجة حياتهم وتفكيرهم
ومشاكلهم اللى بتحصل فى كافة المجالات واشياء لا نفتريها عليهم
نجد ان وكأنه استنساخ فى العقول والفكر المادى البحت
هنقول ايه ولا ايه كفايه عليهم التاريخ هيقول ويقول كتير قوى

انا راسي وجعتني

يابني انت مش عاوز تفهمني ليه

انا مقلتش انهم ملهمش دور

لكن فيه فرق بين الدور الوطني لمصلحة بلد

والدورمن اجل مصلحه شخصيه ...وشتان بين الموقفين والدورين

نعلم جميعا ان الجيش انتمائه لمصر فقط وليس لاي حزب سياسي

اما الاخرين فانتماءاتهم لمصلحة احزابهم بل لمصلحة تتعدي حدود الوطن والدوله

لانهم تنظيم دولي ...ليتهم كان تنظيمهم تنظيم وطني يمثل مصر

والولاء فيه يكون لمصر فقط وليس لاطراف اخري خارج الحدود

كان يازين ما فرحنا

طيب علي راي زهره

اقرا مشاكلهم مع عبد الناصر ومشاكلهم مع العسكر اليوم

هتلاقيها صورة بالكربون بس عبد الناصر سحب البساط من تحت رجليهم قبل ما يحطوا رجلهم عليه اصلا

لذلك كان العداء مع عبد الناصر لان مطالبهم متنفعش في وقت كان فيه عبد الناصر عاوز

يبني بلد ..مينفعش انا اكون بعمل خط اسفلت في الصحراء وانت تقول لي لا اعمل اشارات مرور الاول

طيب مش لما يكمل الطريق الاول ونبنوا حواليه مساكن وبيوت للناس الاول

وبعدين نفكروا في تنظيمهم باشارات المرور
............

طيب علشان راسك وجعتك نكتفى بهذا القدر يا ابوجمال

والاختلاف فى الرأى ظاهرة صحية جدا ده رأيى ومع

ذلك يظل اصرارى على ان الجيش بشر وبيغلط

وعبدالناصر رحمه الله الذى لا يعلم مدى حبى له سوى

الله ايضا كان يُخطىء والاخوان ايضا الذى يعلم الله

وحده انهم لا يهمونى كجماعة ولكنى ارى اضطهاد

غير عادى لهم وكأنهم سيلتهمون البلد ولا يوجد من

يدافع عنهم بيننا وهذا لايجوز وكان لابد ان يكون هناك

من يتحدث بلسان الطرف الاخر حتى لو لم ينتمى اليه

ولكن لابد ان تكون هناك وجهة نظر مضادة حتى تستمر

الحياة وختى نشعر ان هناك مصداقية فيما يُطرح يعنى

مثلا عندك خطاب مرسى كل واحد بيقراه على هواه

ومش معقولة انا هطلب من مرسى انه يشكر الرئيس

عبدالناصر او يعلن تأييده لثورة يوليو ده مستحيل طبعا

لانه من وجهة نظره انه الجيش خانهم فى الثورة دى

يجب ان نقرأ الامور بقليل من العقلانية والله اعلم

لا زلت اقول ان الايام بيننا

اذا كنا من اهل الدنيا
...........

يتحرقوا بجاز جميعا انا ما يعنينى ان مصر تستقر

وفقط واتمنى التوفيق لاى انسان يعمل من اجل مصر

حتى لوكان اخوانى بس المصيبة ان فيه ناس بتقول

لو الاصلاح على يد الاخوان يبقى مش عاوزينه

ودول اللى بجد ربنا يشفيهم .

لا طبعا وانا اوافقك الراي

في هذا ..لو الاخوان ساروا علي طريق الاصلاح الذي نتمناه

ويتمناه الشعب المصري من عوده حقوقنا وكرامتنا وسيادتنا وريادتنا

وانتشار العدل بيننا بحرية ومعيشة كريمه تفينا ذل السؤال

للصديق قبل العدو ببناء نهضه مصريه شامله

لا والله واستغفر الله العظيم مما سأقول

انا هصلي لهم ركعتين

سامحني يارب
..........