كل جديد ومتميز وحصرى تجدونه هنا فى ومضات السها
كل جديد ومتميز وحصرى تجدونه هنا فى ومضات السها
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


واحـــــة الإبــداع والفــن والتــألق
 
الرئيسيةأحدث الصورالتسجيلدخول
دويتو سيب شغلانة الظابط Support

 

 دويتو سيب شغلانة الظابط

اذهب الى الأسفل 
كاتب الموضوعرسالة
زهرة الجنوب
...........
...........
زهرة الجنوب


عدد المساهمات : 26070
العمر : 43

دويتو سيب شغلانة الظابط Empty
مُساهمةموضوع: دويتو سيب شغلانة الظابط   دويتو سيب شغلانة الظابط Icon_minitimeالأحد سبتمبر 14, 2014 7:22 pm

حـوار بين الام و ابنها الظابط
الام : أمى وشاعرة الشعب
الشاعرة زينات القليوبى
الابن :العقيد
الشاعر محمد هيكل

................................................
.

الأم :
يا واد اعقل .. كتير من " دُفعتك " ماتوا ؟!!!
كتير بإصابة بيهاتوا ؟!!!
و انا و زوجتك و بنّتوك بنترجـــــــــــــــــــــاك
تبص بعين .. علي أسماء كتير فاتوا
و سابوا عيال ما يتفاتوا
و احنا ليلاتي بدموعنــا بنستنـــــــــــــــاك ؟!!!
:
نقول يا هلتري راجــع ؟!
و انت بعيد و لا سامع ؟!
و سايب قلبنا والــــــع ؟!
:
كإن خلاص مفيش غيرك
تموت ما يحس بيك غيرك
و غيرك ع الدوام / زايط
بقولك إيه ؟ .. لو انت صحيح حبيب أمك
ما تفجعنيش يا روح أمك
و سيب شغلانة / الظابط ؟!!!
.
الإبـــن :
.
أسيب شغلانة الظابط !!!؟
ومين يا امه اللى يحرسها !؟
و يبقى غفيرها و عريسها !؟
ومين لما تقول ياللاه
يكون خدامهــا و فــارسهـا !؟
.
جرالك ايه يا وردايه !!!؟
لهو انتى بتنسي يا امايه ... !!!؟
.
تقولى هيه دى الجنة
لكن يابنى ماتتراحشي !!!
لهو انتى تزرعي الزرعه
وعايزاها ماتطرحشي !!!
.
و مين غيرك فطم قلبي
يكون أوفى عباد الله ؟
وكبرتيني أعشقها
و اشـوف الموت عشانها حياه ؟
.
الام :
.
بقيت عاشق .. لشغلانـــــــــة حماية
الأرض
ينام غيرك .. و تسهر لأجل تحمي
الأرض
و سايب أرض أبوك للغيــــــــــــر ؟!!!
تعالي ازرع .. هنـــــــــــــا في الأرض
و احمينــــــــــــــا دا احنا العرض ؟!!!
و فووووق يا ابني صباح الخير ؟!!!
عشان حاتخدلــــي / دبّورة
يموت / الحلو ف الصورة
و اعيش العمــــر مقهورة
كإن خــلاص مفيش غيرك
تموت ما يحس بيك غيرك
و غيرك ع الدوام / زايـط
بقولك إيه ؟ .. لو انت صحيح حبيب أمك
ما تقتلنيش يا كبد أمك
و سيب شغلانة / الظابط ؟!!!
.
الابن :
.
اسيبها ازاى !!!؟؟
و اسيبها لمين ... و اسيبها ليه ؟
ولما كلنا نسيبها .. هتعمـل ايه ؟
.
وليه خوفك على عمري من الايـــام ؟
و رب العمـــر لا بيغفــل و لا بينــــام
محـال أقـدر أخـون ريحتـك ولاترابهـا
ولا انتى مخلفه ولدك يا امى حـرام
.
صدقينـــى ياضـى عينـــى
البلـــــد دى ... زي دينــي
عشقهـــــا ف النني بـايـن
ممـكن أهـرب و استـخبي
بس يا امـه .... همـه حَبّـه
و هتشـوفينى ابـن خــاين
.
و انتـى علمــــتينى اجــــاهـد
و أبقى زى الشـــوك عشـانها
و ابقـى وقـــت الجـــد مــــارد
يمحى و يــــدوس اللى خانها
دا إنتـي سـر وجـــودي يا مـه
لجـل مـا ابقـى حـتّـه مِنـْـهـــا
.
الام
.
و لادها كتيـــــر .. و انا إبني ف قلبي
و حيد
خلاص يا ابني .. ما بفرحشي ف ليلة
العيد ؟!!!
بموت يا ابني و انا خايفه ما ترجعليش ؟!!!
و زوجتك واقفة مصلوبة و طول ليلها
تقول و تعيد
و بنتك نايمه مرعوبه لأبوهــــــا يغيب
عن المواعيد ؟!!!
تعالي اقعد ف وسطينـــــا
و كون ظابط علي عينينا
كفايه يا إبني تحمينــــــــا
و صدقني مفيـــــــــش غيرك ؟!
أموت / ح يشيلني مين غيرك ؟!
و انا قلبي عليك / شايـــــط ؟!!!
بقولك إيه .. يا روح قلبي و عقل أمك
أوام ارجع لحضن أمك
و سيب شغلانة الظابط ؟!!!!
.
الابن :
ولادها كتير ... ما انى عارف
و يشهد ع الغرام ... الـــدم
ولكن كــم ولـــــد فيــــــهم
حــداه ربعـــك يا أجمـــل أم
.
تـرضـى إبنــــــك
يبقى بين الناس هَـفـيَّــه ؟
وان عنيهــم يــوم
شــافونـي تــداري فـيـّـــا
ولا بنتـي تـحـس
إني عــار عليهــا
من عيــال ف المدرســــه
ذلّيـنـهـــا بيـّـــــا
.
هوه ايــه العمـر يـا امَّـــه ؟؟؟
.
هـوه إيـه العمـــر يا امـه
فـ عـُـرف راجــل عاش أصيــل !؟
لمـا بلــدُه تكون بـ عافيـه
إمــا فــــارس ...... أو عميـــل
والرجــوله او الشهـــادة
عشــانهـا .... ده أقـل القليـل
واللى باع وطنه فـ مـره
اى بيــــع ... مش مستحيــل
مستحيـــل يا امـّـه اسيـــبها
مسـتـحـيــــــــــــل .....
.

**************************
.

زينات القليوبي
محمد هيكل
الرجوع الى أعلى الصفحة اذهب الى الأسفل
https://wamadat.forumegypt.net
 
دويتو سيب شغلانة الظابط
الرجوع الى أعلى الصفحة 
صفحة 1 من اصل 1
 مواضيع مماثلة
-
» احلي دويتو
» دويتو فيه حاجة شاغلاك
» عزيزه وعبده (دويتو فكاهى للاختين خديجة & فاطمه )
» دويتو نادر مع مريم نور والقذافى ولما يجتمع الاثنين تموووت من الضحك
» فوضى فوضى وزنقة زنقة دويتو مبارك والقذافى

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: الشعر العربي والزجل-
انتقل الى: