كل جديد ومتميز وحصرى تجدونه هنا فى ومضات السها


واحـــــة الإبــداع والفــن والتــألق
 
الرئيسيةالتسجيلدخول

شاطر | 
 

 لحن الحرية / قيثارة امل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زهرة بنت ساحة الطيب
...........
...........
avatar

عدد المساهمات : 26069
العمر : 37

مُساهمةموضوع: لحن الحرية / قيثارة امل   الإثنين يناير 05, 2015 10:53 am

لحن الحرية..........
=======
جايبة الصبر دة كله منين
والحنية وطيبة قلبك
كله منين
لما القلب فى قربك يبكى
زىّ بعادك
وانتى تلومى عالصابرين
صبرك باب مفتوح لعذابك
وانتى صبية فى عز شبابك
جرحك علم على احبابك
من ورا قلبك داعية علينا
لاجل عذابك كان بايدينا
لما ضناكى مات بايدينا
شهدك زي عذابك .. مُر
كاسك دايما جرعة خل
======
دية افتتاحية لمشهد غامض
...................................
ست الحسن الحافظة مقامها
واقفة وثابتة
بس دموعها فلتت منها
وقعت دمعة فى كاس البيرة
كان فى ايديها بتنسى عذبها
ضحكة ف ضحكة ولمت توبها
لاجل ما تستر عينها الباكية
بس شافوها بعين الغل
وهى بتبكى
قالو عليها الضعف صحابها
وقفت ثابتة وقالت لا
بصوا وشوفوا الف كتاب
كاتبه تاريخى
بس عينيكم صابها الجهل
حتى لو ابكى .. توبى نظيف
قلبى عفيف
والدور ع اللى بُكاه م الخوف
او تانيب لضمير مش صح
ضحكو عليها وقالو غبية
ردت قالت......
قبل ما تضحك ضحكة عليا
بص وشوف بتكلم مين
يابنى انا مصر
بص بحسرة جوه كتابى
مهما كبرت فى عز شبابى
ولا شعرة فى جبينى ابيضت
سمعو الصوت قامو وقفوا ثبات
شاورت بس بايدها بهية
الف سلام ليا وتحية
وقفوا وبصوا بعين الحسرة
بس الغل فى عينهم نطرة
ودة كان مشهد فعلا غامض
======
مشهد تانى فى سنيما اسكوب
كان فى بداية الفلم .. الفارس
واقف حارس
جوه المعبد شاف كليوباترا
بتوبها الابيض
بص بدهشة شوية لعينها
كان كحلها راسم تفاصيلها
حاجة تشوفها تقول الله
سبحان من ابداع او صور
حتشبسوت فى المعبد واقفة
من اخلاقها الكل اتعلم
معنى الحكمة
وطيبة النية
كان لابوها تحتموس كلمة
ان الخير للحق رفيق
صبحت ذكرى بس اكيد
الكل بيشهد بالفكرة
ف كل حكاية
ودة كان مشهد بس حقيقى
مشهد ثابت للمستقبل
==============
مشهد تالت للحرية
مش تمثل او فكرية غبية
دول رجالة وقامو بثورة
ثاروا ع الجهل
طالبوا مطالب للحرية
يشهد ليها الكون دة بحاله
انها كانت طيبة نية
كتبوا شهادة بحسن سلوكهم
ورد وفتح قبل اوانه
ودة مش جهل
خلص المشهد فعلا بدرى
بدل فجاة اللبس فى ثانية
واقفة بهية فى وش الكاميرا
مسكة كمنجة بتعزف لحن
قاموا سموه .. لحن الحرية
ودة كان مشهد بس صغير

_________________
الرجوع الى أعلى الصفحة اذهب الى الأسفل
http://wamadat.forumegypt.net
 
لحن الحرية / قيثارة امل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: الشعر العربي والزجل-
انتقل الى: