كل جديد ومتميز وحصرى تجدونه هنا فى ومضات السها


واحـــــة الإبــداع والفــن والتــألق
 
الرئيسيةالتسجيلدخول

شاطر | 
 

 ابو البنات \ عبد الفتاح عبد الشافى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زهرة بنت ساحة الطيب
...........
...........
avatar

عدد المساهمات : 26069
العمر : 37

مُساهمةموضوع: ابو البنات عبد الفتاح عبد الشافى   السبت يناير 17, 2015 12:53 pm

[ندعوك للتسجيل في المنتدى أو التعريف بنفسك لمعاينة هذه الصورة]

بيقولوا إني أبو البنات
وم الخليفه مليش ولاد
عايروني بيكم
ونا قِبِلتها مِن سُكات

بس فيه ف القلب غصّه
والوجع ف النفس لِسّه
مش هخلي حِكايتي قِصّه
وعمري منسي لِلممات

مش معترض علي حكم ربي
بنات.......... !! وماله
مَنَا..... بَربّي
لا ف يوم شكيت
ولا كان بودي
ولا عمري نادم ع اللي فات
إيه ذنبهم بس البنات ؟

سامعينّي زين يا حْبَيّبَات
وانتي يا ست البنات
إنتي الوحيده ف وسطهم
وانتي اللي باقيه منهم
عقبال ماشوفك زيهم
متهنيه ومعاكي بيت
وتكوني ست ستهم

أخواتي بيعايروني بيكم

انه مفيش بينكم ولد
وإن ضهري ها يتحني
وميبقليش حتي سند

وابقي ماضي كان وفات

بس دا مش قصدهم
اخواتي واعرف طبعهم
عاوزين يقسموا ثروتي
والحجه اني ابو البنات

ونا نويت والنيه خير
إني لأخلف ظنهم
وانه مايورث ثروتي
إلا خليفتي من البنات

وهشترط في قسمتي
شوية حاجات

كل واحده تحب ابوها كد كيف
هيكون نصيبها م الميراث
حُرّ ونضيف

بس تقولولي بالكلام
حبكم لي يسوي كام؟

وسمعت قول بنتي الكبيره
والتانيه حكاويها كتيره
والثالثه قفلت بُقّها

قولي ياغاليه وريحيني
إنتي اللي فيهم نِنّ عيني
بتحبي ابوكي كد ايه
ما تسمّعِيني ؟

قالت وف عنيها الملام
والدمعه محبوسه بآلام
إن كان ده شرط ف قسمتك
مش عاوزه شئ من ثروتك
وانت عارفني بالتمام
وان حبك جوا قلبي
ما يتوصفشي بالكلام

وابن عمي خلاص هسيبه
ورحمة امي اللي ماتت
وكانشي حد زيّهـــا
وب عيوني شفتها
ودموعها بالّه خدها
ابداً ما كون أنا من نصيبه

ياما عايروها كَتير
بكلام يقطّع قلبها
وكلام يمزّق كِبدها
ومكان لهاش غيرك نصير

وحياتك إنتَ ما فيه كلام
وشوقك انه ..يا جيك غلام
ونَفَسَكْ انت.. اللي معانا
زفيره كان... ولا شهيق
وحيات كلامهم والمعايره
إننا ملناش شقيق

لكون لك ف الدنيا الولد
وف محنتك
أبقيَ.... السند

نامي يامّا متقلقيش
ياما ولاد ملهاش عدد
فاسدين ويمشوا بِغِيُّهم
والفاتحه حتي لأهلهم
ما بتتقريش

إرتاحي يامّا

وانت يابا
بلاش نكد
إنتم كفايه ربتونا
والخلفه صالحه استحمدوه
خلفتوا بنتين
والولد

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://wamadat.forumegypt.net
عبد الفتاح عبد الشافي
مؤسس المنتدى
مؤسس المنتدى
avatar

عدد المساهمات : 11454
العمر : 57
الموقع : قطر

مُساهمةموضوع: رد: ابو البنات \ عبد الفتاح عبد الشافى   الثلاثاء يناير 20, 2015 9:01 pm

حقيقي كسل مني واستحق
ان اعاقب عليه من اسرة السها
التمس العذر من ابوحسام وكذلك
السيده زهره
علي عدم زيارتي للمنتدي منذ
فتره ...وشاكر جدا لك زهره
علي نقل القصيده الي هنا
وافر التقدير والاحترام لكما
..........

_________________
[ندعوك للتسجيل في المنتدى أو التعريف بنفسك لمعاينة هذا الرابط]
***ما ندمت علي شئ ندمي علي يوم*** ***غـــــــــربت شمـــــــــــــــــــسه نقص فيه اجلـــــــي***ولم يزد فيه عمــلي***
الرجوع الى أعلى الصفحة اذهب الى الأسفل
 
ابو البنات \ عبد الفتاح عبد الشافى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: