كل جديد ومتميز وحصرى تجدونه هنا فى ومضات السها


واحـــــة الإبــداع والفــن والتــألق
 
الرئيسيةالتسجيلدخول

شاطر | 
 

 اصنع امل \ المركز الثالث فى شعر العامية

اذهب الى الأسفل 
كاتب الموضوعرسالة
زهرة الجنوب
...........
...........
avatar

عدد المساهمات : 26070
العمر : 38

مُساهمةموضوع: اصنع امل المركز الثالث فى شعر العامية    الإثنين أبريل 20, 2015 8:40 pm

قصيده بعنوان
أصنع أمل
لسه الأمانى بتترسم خطوه فى مسار
لسه العيون متشوقه لطلعة نهار
لكن الأمل
طافح ملل
حاضن بروحه الأنتحار
رافض يغير قبلتى تبقه الحياه
رافض يرمى فى سكتى طوق النجاه
رافض يدخل فى معادلة الأنصهار
لما الأمانى تحضن بدن
بنضفلهم حبة أمل
تبقه النتيجه ضي وشرار
توسع دايرة الأختيار
فانشكله فى هيئة بيوت
حيطانها حلم
تقدر تقاوم كل صوت
ينده بظلم
تقدر تعيش وسط خيوط العنكبوت
ترفض تموت
ترفض تتوه جوا سراديب الزمن
ومن كل روح دفعت التمن تصنع وطن
والزاى نشيل من الوطن طعم المرار
والزاى نشيل من البشر حب الدمار
والزاى نخلى المستحيل يوم محتمل
فكر كتييييييييير
قبل الأمانى أصنع أمل
قبل الخيال أخلق عمل
أسمع لكل الألسنه
أقرا العيون
أمسك خيوط المسأله
حاول تكون
حاول تعيش بره كهف أفلاطون
عبد اللطيف شاش


_________________
الرجوع الى أعلى الصفحة اذهب الى الأسفل
http://wamadat.forumegypt.net
 
اصنع امل \ المركز الثالث فى شعر العامية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: حصريات خاصة-
انتقل الى: