كل جديد ومتميز وحصرى تجدونه هنا فى ومضات السها
كل جديد ومتميز وحصرى تجدونه هنا فى ومضات السها
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


واحـــــة الإبــداع والفــن والتــألق
 
الرئيسيةأحدث الصورالتسجيلدخول
قناتنا الجديده  Support

 

 قناتنا الجديده

اذهب الى الأسفل 
كاتب الموضوعرسالة
عبد الفتاح عبد الشافي
المراقب العام للمنتدي
عبد الفتاح عبد الشافي


عدد المساهمات : 11453
العمر : 63
الموقع : قطر

قناتنا الجديده  Empty
مُساهمةموضوع: قناتنا الجديده    قناتنا الجديده  Icon_minitimeالأحد سبتمبر 06, 2015 10:57 am

قناتنا الجديده ..( خارج المسابقه )
***
**
*

يَ سفينه ماشيه فوق مياه البحر عدّى
واعبُري بسلام وهدّى
وارفعي علم المحبه
واضربي تعظيم سلام
علي ارض مصر الطيبه جوا القنال
اصل اللي حفروا طريق مرورك
وأمّنوا من الغدر خوفك
دول شباب ارض المحبّه
وبالموده
والوئام قدروا يخلوا الضلمه نور
بالحكمه والقلب الصبور
بالجرأه والقلب الجسور
قدروا يصفوا الميه تحتك
م العَكَار
اصلهم نسل لجدود
وقفوا بشجاعه للتَتَار
يوم ما حبوا يركِّعوا كل الشعوب

إياكي تنسي ان مصر اللي انتي ماشيه ف ارضها
جوا قنالها وبحرها
هيا اللي حفرتها بايديها
من غير معونه امريكيه
او بنك دولي يجور عليها
دول شباب عرفوا الحكايه
وبالمثابره
عرفوا معناها المؤامره
حتي قبل ما تِبتدِي
عرفوا العدو من الصديق م المُعتدي
طردوا فلول ونظام قديم
وبثورتين في تَلات سنين
وقالوا احنا بس هـ نِنتِخِي
برجال يكونوا مُخلصين
ملايين لمصر مضحيين
ملايين متتعدش جابوها
عشان قنالهم يحفروها

عدي وانسي يا سفينه
كل هم وكل غم
اصل تحت الميه دم
بس لازم وانتي ماشيه
تعزفيلنا سلام جديد
اصل تحت الحفر شافوا
بندقيه قديمه نايمه
وجمبها دم الشهيد
مالي الوريد
وف بدلته
حاضن سلاحه بلهفِتُهْ
زي العريس
حاضن عروسه يوم زفافه ودخلِتُهْ

عدي وامشي يا سفينه
واعملي كتفاً سلاح
ارض الكفاح
ارض البراح
بقنالها شالتلك حمولك
حاضناكي من عرضك لطولك
لاجل ما تبصي بعيونك
وتلجمي العالم بقولك
ان مصر ماهيش كلام
مصر هيا الالتزام والاحترام
ورجال يحطوا ألف بوسه
فوق جبينك
لما حفرولك طريقك

تحت رمل الحفر شافوا
كسره تايهه من رغيف
كانت ف إيد عاشق ترابك
رماها من ايده وجالك
ماسك سلاحه والقلم
وقلبه كان مليان امل
انه يلاقي جمب شطك
جندي عاش حر وشريف
وبايده فيه مليون رغيف

روحي وامشي يا سفينه
واوقفي علي كل مينا
واحكي للعالم حكايه
ان دي هيا البدايه
ان دي هيا البدايه
******************

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
7
الرجوع الى أعلى الصفحة اذهب الى الأسفل
 
قناتنا الجديده
الرجوع الى أعلى الصفحة 
صفحة 1 من اصل 1
 مواضيع مماثلة
-
» قناتنا الجديده
» مصر....الجديده..مقال اعجبني

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: