كل جديد ومتميز وحصرى تجدونه هنا فى ومضات السها


واحـــــة الإبــداع والفــن والتــألق
 
الرئيسيةالتسجيلدخول

شاطر | 
 

 احلام مشروعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الفتاح عبد الشافي
مؤسس المنتدى
مؤسس المنتدى
avatar

عدد المساهمات : 11454
العمر : 57
الموقع : قطر

مُساهمةموضوع: احلام مشروعة   الخميس نوفمبر 26, 2015 9:29 am

أحلام مشروعه
***
**
*
بِتِتمخطر ..
ولابسه عقدها الأخضر
وحاضنه إيدي بإيديها
وماشيه وهي تتمنظر
وشايفة الناس وبصّتها
بِِتتهامس
وتتغامز
وتتلامز
ولا بتهتم
كإنها النظره تِسعدها
وماشي جنبها ف طولها
وسايب نفسي ع الآخر
منيش شاطر
ولا مغامر
لكن عجباني خطوتها ومشيتها
ولما اسمعها همستها
بحس بحالي مِتعطّر....
مشينا ف شارع الأشواق
ناس همّاها أفكارها
وناس دايبين من الأشواق
وناس دمعتها غالباها
وناس راجعه وكأنه فراق
وناس ساكته منطقاشي
وناس بتعانق المشتاق
كأنه سوق مشاعرهم
وكله بشوقه بيعبَّر ....
خدتني الغاليه للدكاكين
وقالت لي ..
أبص معاها ع الفتارين
وهمستلي ..
وشاورتلي ...
علي واحد من الهايمين
يبص بعينه بس لفوق
ومليان قلبه حب وشوق
علي محبوبه مش أكتر ...
وقلبه عليها متفطّر ..
وساعتها ..
تُبصلّي وأبصّلها
كإنه لسانها بيقولّي
متقلقش ويطمنّي
وغافلتني
ومسكت إيدي باستها
كإنْهَا سحابه بتمطّر ...
بإيدي التانيه مسكوني
عيال بكلام يقولولي
كفايه نعاس
وقوم افطر......

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

_________________
[ندعوك للتسجيل في المنتدى أو التعريف بنفسك لمعاينة هذا الرابط]
***ما ندمت علي شئ ندمي علي يوم*** ***غـــــــــربت شمـــــــــــــــــــسه نقص فيه اجلـــــــي***ولم يزد فيه عمــلي***
الرجوع الى أعلى الصفحة اذهب الى الأسفل
 
احلام مشروعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: