دفاتر الذكري

دفاتر الذكري
***
**
*
بقلِّب مره ف دفاتري
وبقراها
حنيني خدني للذكري ونجواها
لقيت أحلاميي مكتوبه بقلم
الحبر ..
ورسمه لوجه متبسّم
ونقطة مسك بتقسّم
مابين الخد والحاجب
بتتعاجب
بشامه فيها لون السّحر
وجنبي شُفت كراسه
صورها كلها وَنَاسه
ومتباسه
بلون أحمر علي الخدّين
وتحتها م الحروف سطرين
كلام يتحس ..... ما يتقال
ولا يجيبه زمن ... لو طال
وأوراق فيها بصمتها..
لورده هيّ بعتتها
ودبلت في الورق لكن
ماراحت منها ريحتها ...
وف الكراسه فيه ورقه وحرفها مِنّها
مَتنِي ..
أصل ف يومها
سألتني ...
هشوفك كيف؟
وفوق الورقه رسمت لي ..
عيون حايره وقلب ضعيف
وف الكراسه فيه اشعار
وفيه فكره ..
كتبتها يومها للذكـــري ..
بحبك موت يا وحشـــاني
ياماليه قلــــــبي وكياني
ولو فاضــــــــل زمن تاني
هعيشه معاكي من بكره ..
مكنتش عارف الأقدار
بتتقسم علي الأعمار
يوم بنعيشه في الجنه
ويوم بنعيشه جوا النار
مكنتش اعرف القسمه
ولا المكتوب ..
ولا ياجي يوم اشوف اسمك هنا
مكتوب ..
ف كراسه ورقها اصفر...
ووشها منها متعفّر..
لذكري ف الهوي بعيده
وطلعت مني تنهيــــــــــده
من القلب اللي متدمر ..
قفلت دفاتري وراحت ..
ودمعه ف العيون لاحِت
لا لاقيه حد يمسحها
ولا قِدرِت تِأجلها
ليوم تاني يكون
بُكره ...
قفلت دفاتر الذكري ..
***************
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]

» خواطر من دفاتر مدفونه
» قراءة فى دفاتر بعض الحمير
» اقدم دفاتر تحضير مدرسين بقنا وحكايتها
» للمرة الثانية المطابع تصوّت لمرسي في 5 دفاتر كاملة بالشرقية أيضا