كل جديد ومتميز وحصرى تجدونه هنا فى ومضات السها


واحـــــة الإبــداع والفــن والتــألق
 
الرئيسيةالتسجيلدخول

شاطر | 
 

 حلاوتها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الفتاح عبد الشافي
مؤسس المنتدى
مؤسس المنتدى
avatar

عدد المساهمات : 11454
العمر : 57
الموقع : قطر

مُساهمةموضوع: حلاوتها    السبت مارس 25, 2017 10:21 am

حلاوتها
***

**

*

وجنب الحيطه قعدتها

وسنداها بلمتها

حيطان مايله ومسقوفه بجريد النخل

وساكنه في حنايا الخوص

خلايا النحل

عسل متصفي ومكرر

ويومها كله بتدور

علي ورده

علي زهره

علي حته من السكر

وتحمي الشهد م الطامعين

بلدغتها ولسعتها

ملكه متوجه ع الكل

وم الشبابيك ساعات بتطل

وكل الناس ف خدمتها

وانا منهم

ومن جلاس لمتها

صحيح أني أنا مفتون

وقلبي .. هواها فيه مسكون

وبحلم دوم بنظرتها

لكن برضه انا المشتاق

وبسهر ليلي بالأشواق

واعد نجوم ف غيبتها

ماهي.... ف عيوني غلاوتها

وجوا القلب.. رسمتها ورقتها

وروحي تحس.. حلاوتها وهمستها

ولو حتي ف اقاصي الكون

منين ماتكون

بشوفها بكل وجداني

وتغسل قلبي نسمتها

واتذكرها ضحكتها

كأنها جنبي ما بِعدِتْ

ولا غابت ولا اتخبّت

عليّا يوم.. ولا بتهون

أشوف ف عنيها دمعتها

ولما القي الحنين بيزيد

بغمض م الفراق عيني

والاقي طيفها بيجيني

يطمني ... يواسيني

تقول لي كلام ماهوش مكتوب

وتحكي معاي ع القسمه ..وع المكتوب

صحيح حكاويها معقوله

ومقبوله

لكن اشواقي موهوله

مع الاحساس

وتحت الراس

بلاقي مخده مبلوله

وغرقانه بميتها

وده من كتر غلاوتها

أمد الإيد بدون ما ادري

بدون ما يحسوا بيا الناس

وامسح دمعتي وحدي

وافتح عيني الاقيني

ف مكاني حي

لا عشت الدنيا

ولا فرحت عنيّ بضي

بس بشوف أثر ف شفاي

عسل صافي يكون لي دواي

سابتهولي في قعدتها

صحيح.. مش.. من محبتها

لكن احساسي مني يقول

إنه من معزتها

هتفضل هيّ فوق الروس

متنزلشي

أصل الحب مش بفلوس

ميتباعشي

ولا بالقوه والحيله ولا الكدبه

متنفعشي

نحله صحيح ومليانه بطعم الشهد

ومني قَطَعْت علي نفسي ... وعد وعهد

بإني اصون مودتها

وأرضي منها لسعتها

وتسندني حيطان مايله واسندها

مدام محسوب من العاشقين

ومن جلاس لمتها

وقعدتها

 *********

_________________
[ندعوك للتسجيل في المنتدى أو التعريف بنفسك لمعاينة هذا الرابط]
***ما ندمت علي شئ ندمي علي يوم*** ***غـــــــــربت شمـــــــــــــــــــسه نقص فيه اجلـــــــي***ولم يزد فيه عمــلي***
الرجوع الى أعلى الصفحة اذهب الى الأسفل
 
حلاوتها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: