كل جديد ومتميز وحصرى تجدونه هنا فى ومضات السها


واحـــــة الإبــداع والفــن والتــألق
 
الرئيسيةالتسجيلدخول

شاطر | 
 

 أم مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الفتاح عبد الشافي
مؤسس المنتدى
مؤسس المنتدى
avatar

عدد المساهمات : 11454
العمر : 57
الموقع : قطر

مُساهمةموضوع: أم مصر    السبت مارس 25, 2017 12:34 pm

أُم مصـــــر
***
**
*
لمّا تِبقيَ سماكي صافيه 
لما تبقي النفس راضيه 
يبقيَ لازم زرعك انتي يكون 
سنابل لونها خَضـــره ..
أرضك انتي أرض طاهره ..
زرعك انتي الحَبّه مِنّه كان ضروري
تكون بعَشـــرَه ..
أصلك انتي نبت طيب مؤمنه بقول
الإله ..
مِن قَنَع بنصيبه ربه من خزاينُه كان
غُناهـ ..
لا همّك المال بين إيديهم 
ولا عيونك حاسده ليهم 
مهما كان منصب وجـــاهـ ..
حتي الأذيّه يوم تجيلك من بشر
تستعيني برب قادر يرزق الدوده ف حجــر 
يحميكي هوا من الضــــرر
سبحانه لما يستجيب لعبد لُه ف الكون طاعات ..
ورفع له إيده ف وقت شِـــدّه 
الخسيس ما لقاشي حِجّه 
وجنبك انتي طب مات ..
ربك انتي له حجات 
ربك انتي له ف كل الكون آيات ..
بس إحنا نتّكِل ... وعليه تكون البشريات ..
علميهم يعني إيه معني القناعـــه ..
يعني إيه إنسان ف حالتِك ما اشتكاشي من 
مجاعـــه ..
يعني إيه معني التعفف يعني إيه نبذ 
البشاعـــه ..
علميهم إن ربك كان معاكي وم الشرور زادك
مناعـــــه ..
الكرامه عندِك انتي والشرف مَيّك وزادك ..
ومَدّةِ الإيد تقطعيها ولجلها.. أهو ربي
زادك ..
شايله حمل ولاد ولادك ..
عن رضا والنفس صافيه ..
ورغم سِنّك فيكي إنتي ألف عافيه ..
حتي ليلك في الشتا تشوفيها إنتي ليالي
دافيه ..
حتي حر الشمس عندك بتشوفيه نسمة عصاري
في النهـــار ..
أصل رزقك من حلال ما فيهوشي زره من 
غبـــار ..
علميهم يعني إيه معني الإيثــار ..
يعني إيه ماء السحاب ما يمسكيشي بدون
ما إنتي تِبعـــــديه !
يعني إيه المال يجيكي وترفضـــيه !
لجل مخاليق عايشه بينّا وانتي شايفه إن هُمّــا
أوليَ بيه ..
علميهم ان غيرك من ليالي عتمِتُه... بيشتهي
شمس النهــار ..
علميهم يعني إيه فضل الإيثار ..
علميهم يعني إيه أدب الحــوار ..
لما بتخلّي كلامك حب جارف للصغار
قبل الكبار..
لما كل الناس تقول لك إنتي أمي وبيكي
يزدادوا انبهـــار ..
إنتي أم لكل مصـــري 
أنتي أم لمصـــر ذاتها 
وهيّا فيكي من صفاتهــا 
أم ربّت ..أم عايشه 
أم لقمتها هنيــــه ..
أم برضاها غنيــــه ..
أم بالحكمه قــويه ..
لجل ما انّــك إنتي صــابره 
زرعك انتي سنابله خَضـــــره 
أصل أرضك أرض طاهـــره 
إنتي حاله .. بس نادره 
إنتي من ربي هديه ..
إنتي أم الانسانيه ... 
**********

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

_________________
[ندعوك للتسجيل في المنتدى أو التعريف بنفسك لمعاينة هذا الرابط]
***ما ندمت علي شئ ندمي علي يوم*** ***غـــــــــربت شمـــــــــــــــــــسه نقص فيه اجلـــــــي***ولم يزد فيه عمــلي***
الرجوع الى أعلى الصفحة اذهب الى الأسفل
 
أم مصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: