كل جديد ومتميز وحصرى تجدونه هنا فى ومضات السها
كل جديد ومتميز وحصرى تجدونه هنا فى ومضات السها
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


واحـــــة الإبــداع والفــن والتــألق
 
الرئيسيةأحدث الصورالتسجيلدخول
وردة واحده Support

 

 وردة واحده

اذهب الى الأسفل 
كاتب الموضوعرسالة
عبد الفتاح عبد الشافي
المراقب العام للمنتدي
عبد الفتاح عبد الشافي


عدد المساهمات : 11453
العمر : 63
الموقع : قطر

وردة واحده Empty
مُساهمةموضوع: وردة واحده   وردة واحده Icon_minitimeالسبت مارس 25, 2017 1:00 pm

وردة واحده ..
***
**
*
إتملَيَ قلبي بورود والأصل هِيّا وردة
واحده ..
والدماء اللّي ف اذينه أو بطينه معايا
شاهده ..
هيّا كانت بذرو واحده ..
يوم ما خدتها من كلامك ..
كنتي قاصده ؟...
ولّا كانت هيّـا زلّه من لسانك ؟
كل اللّي فاكره من ساعتها ان انا من بين كلامك 
خدتها ...
وبوريدي زرعتها ...
وبدم طازه انا رويتها وصنتها ..
وبين خلايا دم حمرا ودم بيضا حفظتها ..
واما كِبرِتْ ! شفت منها ريحه حلوه ..
سمعت منها عــزف غنـــوه ..
وبلساني نطقتهـــــا ..
عاوزه إيه إثبات أقول لِكْ ؟
عاوزإيه تاني أجيب لِكْ ؟ 
من دفا ولّا حنان !!!؟
نفسي يوم أقطع ف قلبي حته من أيام زمان ..
وتكون مكان ..
مش مهم تكون ف شارع او ف حاره ..
المهم تكوني جاره ..
وافتح لي فيه دكان تجاره ..
ونشتغل انا وانتي شُــــركَا
نجيب بضاعه جديده نوفي ..
مهيش حلاوه ولّا تُوفِــــي ..
لأ .. بضاعه فيها بركه ..
وكمان نبيعها بالميزان ...
خمسه كيلو... صبر للّي ... قلبه عاشق 
واللّي مقهور.. أوقتين شفقه وحنان ...
وبكيل زمــان ..
واللّي قلبه خلاص ماطالشِــي ..
عشره كيلو كلام ويمشي ..
لجل سِرُّه ..يبقيَ قاعد جوّا مِنّه
وتاني مرّه ما يحاولشِــي ..
واللّي زعلان من حبيبُه ..
نص كيلو م الصراحــــه ..
وجرامين من مخ شاعــر 
أو نهاية قصة كانت للحبيب فيها سماحه ..
والحساب بردك يجيبُه ..
والمكاسب تبقيَ كوم.. ولا تنتهيش ..
والمحبه تبقيَ دوم ..ولا تتنسيش ..
بس فيه في العقل حاجه شاغله بالي ..
الورود الماليه قلبي ليه حزينه ولونها 
رايح !؟
وليه دموعها علي الخدود نازل 
وسارح !؟
عطش لدم ييكون نشف جوّا ف وريدي !!؟
ماهو غصب عني ...مش بإيدي !
ولّا انا اتعديت حــــدودي !؟
إنتي فرحانه لكلامي .. ولّا حزنانه لوجودي ؟
ولّا ليكي رأي تاني ف الكلام ده ؟
قولي حتي كلمه واحــده ..
والمسيح والعضره مريم 
والرسول والبيت وزمزم 
هيّا أصلاً وردة واحــده ..
*******

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
 
وردة واحده
الرجوع الى أعلى الصفحة 
صفحة 1 من اصل 1
 مواضيع مماثلة
-
» فى قنا الجيش والشعب ايد واحده
» وردة الحديقه
» من اجمل ما غنت وردة
» وردة الصحراء
» وردة النـــار

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: