كل جديد ومتميز وحصرى تجدونه هنا فى ومضات السها
كل جديد ومتميز وحصرى تجدونه هنا فى ومضات السها
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


واحـــــة الإبــداع والفــن والتــألق
 
الرئيسيةأحدث الصورالتسجيلدخول
أبو البنات  Support

 

 أبو البنات

اذهب الى الأسفل 
كاتب الموضوعرسالة
عبد الفتاح عبد الشافي
المراقب العام للمنتدي
عبد الفتاح عبد الشافي


عدد المساهمات : 11453
العمر : 63
الموقع : قطر

أبو البنات  Empty
مُساهمةموضوع: أبو البنات    أبو البنات  Icon_minitimeالسبت مارس 25, 2017 1:47 pm


أبو البنـــات
****
**
*

بيقولوا إني أبو البنات...
وم الخليفه مليش ولاد
عايروني بيكم
وانا قِبِلتها مِن سُكات..
بس فيه ف القلب غصّه
والوجع ف النفس لِسّه
مش هخلي حِكايتي قِصّه
وعمري مانسي لِلممات..
مش معترض علي حكم ربي
بنات.......... ؟!! وماله
مَنَا..... بَربّي
لا ف يوم شكيت
ولا كان بودي
ولا عمري نادم ع اللي فات..
إيه ذنبهم بس البنات ؟..
سامعينّي زين يا حْبَيّبَات...
وانتي يا .....ست البنات
إنتي الوحيده ف وسطهم..
وانتي اللي باقيه منّهم
عقبال ماشوفك زيهم
متهنيه ..ومعاكي بيت
وتكوني ست ستهم..
أخواتي بيعايروني بيكم
انه مفيش بينكم ولد ..
وإن ضهري ها يتحني
وميبقليش حتي ....سند ..
وابقي ماضي كان وفات ..
بس دا مش قصدهم
اخواتي واعرف طبعهم
عاوزين يقسّموا ثروتي
والحجه اني ابو البنات ..
ونا نويت والنيه خير
إني لأخلف ظنهم
وانه مايورث ثروتي
إلا خليفتي من البنات ..
وهشترط في قسمتي
شوية حاجات ...
كل واحده تحب ابوها كد كيف
هيكون نصيبها م الميراث حر ونضيف
بس تقولولي بالكلام
حبكم لي ..يسوي كام؟؟؟؟
وسمعت قول بنتي الكبيره
والتانيه حكاويها كتيره
والثالثه قفلت بُقّها
قولي ياغاليه وريحيني
إنتي اللي فيهم نِنّ عيني
بتحبي ابوكي كد ايه ؟
ما تسمّعِيني ؟
قالت وف عنيها الملام
والدمعه محبوسه بآلام
إن كان ده شرط ف قسمتك
مش عاوزه شئ من ثروتك
وانت عارفني بالتمام
وان حبك جوا قلبي
ما يتوصفشي بالكلام
وابن عمي خلاص هسيبه ..
ورحمة امي اللي ماتت ومكانشي حد زيّهـا
وانا بعيوني شفتها
ودموعها بالّه خدها .
ابداً ما كون أنا من نصيبه ...
ياما عايروها كَتير ...
بكلام يقطّع قلبها
وكلام يمزّق كِبدها
ومكان لهاش غيرك نصير...
وحياتك إنتَ ما فيه كلام
وشوقك انه ..يا جيك غلام
ونَفَسَكْ انت.. اللي معانا
زفيره كان... ولا شهيق
وحيات كلامهم والمعايره
إننا ملناش شقيق
لكون لك ف الدنيا الولد
وف محنتك
أبقيَ.... السند
نامي يامّا متقلقيش ....
ياما ولاد ملهاش عدد
فاسدين ويمشوا بِغِيُّهم
والفاتحه حتي لأهلهم
ما بتتقريش .....
إرتاحي يامّا
وانت يابا
بلاش نكد ....
افتكروا رافع للسما من غير عَمَــد
واحد إاله فردٌ صمـــد
إنتم كفايه ربتونا
والخلفه صالحه استحمدوه
خلفتوا بنتين
والولد
............

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
 
أبو البنات
الرجوع الى أعلى الصفحة 
صفحة 1 من اصل 1
 مواضيع مماثلة
-
» البنات وال.......
» ابو البنات \ عبد الفتاح عبد الشافى
» ابو البنات...يو تيوب
» قسم البنات عند الزواج
» ترجمة لغة البنات

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: