كل جديد ومتميز وحصرى تجدونه هنا فى ومضات السها


واحـــــة الإبــداع والفــن والتــألق
 
الرئيسيةالتسجيلدخول

شاطر | 
 

 وقلت ارحل ....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الفتاح عبد الشافي
مؤسس المنتدى
مؤسس المنتدى
avatar

عدد المساهمات : 11454
العمر : 57
الموقع : قطر

مُساهمةموضوع: وقلت ارحل ....   السبت مارس 25, 2017 2:14 pm

وقُلت ارحَـــل !
***
**
*
سنـــــين راحت
ســـــنين جايات
قمر يطلع .... وشمس تِبـــات
منيش مهتــــم ..
ولا باقي ف عروقي دم ..
ونبض القلب بقي عادي
لاهو عالي ولا هــــادي
لاجاري خال ... ولا بيسأل عليا العم 
وقلت ارحــــل
عشان أبعد عن المخاليق
وأسكن وحدي ف جزيرة بقلبي تليق 
وم الفجرية قلت أمشي
وألملم من خيوط قلبي
بقايا من كلام حبّـــي
كتبته يوم ما كنت اشتاق لغنوتها..
وكلمتها .. وهمستها .. ونظرتها ..
وأقراه كل يوم مــــــــرات 
كأنه فاتحة للأمـــــــــوات
لجل ما تهديَ أشواقي
وفرحتها ف قلبي تِبات ..
كانها دروس بذاكرها
وجاية بعد عمري ما فــات ..
ونفسي انجح
عشان تفرح 
كأني طفل واهب نفسه لدراسته
ونفسه يشوف ف كراسته
علامة( صح )والدرجات ..
بتوقيعها وقلم لونه 
يكون احمر من الوجنات ..
وانا بقلّب ف أوراقي
لقيت ورقه بها حروفي ..
ومن خوفي ..
شايلها ف ظرف كان أصفر مع صورة
لأمــــورة
وماسكه زهرة ورديه ..
ومدّاها بِحنيّه ..
كأنها عيديه وهديه ..
وهمستها تقول نغمـــــــــات ..
قعدت اتأمل الصورة وأسأل نفسي 
عن يومي ... وعن أمسي 
وعن عمري اللّي عدّيَ وفات ..
سنين راحت .. مهيش جايات
وأصبح قلبي م الأموات ..
رحيلي شئ لابد يكون
ولو يوم ف الأجل مضمون
هعيشه ف وحده 
أو في سُكــــات ..
*******************


[ندعوك للتسجيل في المنتدى أو التعريف بنفسك لمعاينة هذه الصورة]



أعجبني


أعجبني


أحببته


هاهاها


واااو


أحزنني


أغضبني

_________________
[ندعوك للتسجيل في المنتدى أو التعريف بنفسك لمعاينة هذا الرابط]
***ما ندمت علي شئ ندمي علي يوم*** ***غـــــــــربت شمـــــــــــــــــــسه نقص فيه اجلـــــــي***ولم يزد فيه عمــلي***
الرجوع الى أعلى الصفحة اذهب الى الأسفل
 
وقلت ارحل ....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: