كل جديد ومتميز وحصرى تجدونه هنا فى ومضات السها


واحـــــة الإبــداع والفــن والتــألق
 
الرئيسيةالتسجيلدخول

شاطر | 
 

 كلام الشعر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الفتاح عبد الشافي
مؤسس المنتدى
مؤسس المنتدى
avatar

عدد المساهمات : 11454
العمر : 57
الموقع : قطر

مُساهمةموضوع: كلام الشعر    الأحد أبريل 09, 2017 7:41 pm

كلام الشِّــــعر
***
**
*
كلام الشعر مِخاصمني
وحرفي م القلم زعــلان
لا عارف أرضي أبياتي
ولا حروفي بقلم تتهــــان
بِقيت تعبـــــان
كأن الكلمه ف متاهــه
وساعات بتغش
وعامل نفسي ندّاهه
بَدَوّر عن حروف صادقه
ف كومة قش
تُكون تعبيـــر عن الحاصل
تقــول الحق وتواصـــل
ولا مخلوق يكدّبهــا
ولو ف النقطه أو فاصـــل
بدور عن حــروف بارعه
ونجمة صبح بدريــه
وشمس ف دنيتــي ساطعه
وجمله لسه بكريه ...
لا موجوده ف اي كتابه
ولا اتغنّت ف مزيكا
لاقالها الشعر بربابه
ولا ف نهاوند أو سيكا
ولا شافها لا جان ولا إنس
ولا بان منها حِنّيـــه
ولا نطقت بِقول أو همــس
ومِتربيّه تربيّه ....
جمله تكون مطلعتشي وراحت سوق
ولا اتكشفت لصنف رجال
ولا بصّت ف يوم من فوق
وحرفها راسي ..مِش رحّال
ورده ف قلب زهريه ...
عاوزها جمله شفافه
وفوق الحرف حاطه حجاب
مهيش مكتوبه بهيافه
وواقفه جنب عتبة باب
بتتباهي بجلابيه ...
عازها جمله بِكريـــه
تطاوع قلمي وهنيه
ولابسه م المحبه رداء
يكون ساتر النقط فيهـــا
ولا فيها لا عين ولا تاء
ولا شدّه وسكون فيها
ومن بيتها تكون عذراء
وسحر عيونها لياليها
وغناويها
ربيع وحنان
كلام الشعر مخاصمني
وحرفي م القلم زعلان
منيش ندمان
لكن صــــــــابر
لحد الجمله ما تشرّف
ويكتب قلمي الف دليل ومية برهان
كأنه بيان
يكون قايله حكيم لقمـــان
*******************

_________________
[ندعوك للتسجيل في المنتدى أو التعريف بنفسك لمعاينة هذا الرابط]
***ما ندمت علي شئ ندمي علي يوم*** ***غـــــــــربت شمـــــــــــــــــــسه نقص فيه اجلـــــــي***ولم يزد فيه عمــلي***
الرجوع الى أعلى الصفحة اذهب الى الأسفل
 
كلام الشعر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: