[ندعوك للتسجيل في المنتدى أو التعريف بنفسك لمعاينة هذه الصورة]فاهمك بتحب وقلــــــبك نار
وكلامك لي عكــــــس التيار
والفرحه بشوفها ف كلامــك
والضحكه باينه ف سلامـــك
لا بتداري ولا ليها قــــــــرار
فاهمك بتحب وقلـــــبك نار
فاهمك بتحب وبتخبـــــــي
وبتغلط مره ونا بعَـــــــــدي
والقلب افهمه لو كان محتار
فاهمك بتحب وقلــــــبك نار
فاهمك بتحـــــــب ولا بيدك
باين ف كـــــــلامك وف ردك
والحب ف طبعك يعني دمار
فاهمك بتحب وقلــــــبك نار
فاهمك مش عاوز تتكلــــــم
وكــــــــمان مش قادر تتألم
خايف م العيبه وهمس الجار
فاهمك بتحب وقلـــــــبك نار
طب ليه ماتقولها بصراحـــه؟
لاعمره حرام ولا دي وقاحـه
حريه وكل الناس احــــــــرار
فاهمك بتحب وقلــــــبك نار
اناعاذرك مني خد الفـــــايده
براكين جوايا ونار قـــــــــايده
لو ما فهمتكش أنا ابقي حمار
فاهمك بتحب وفلـــــــبك نار
لكن أنا بفهم وكلامــــــــــي
ف الحلق وكاتمه بلـــــجامي
بس اعزف منه علــــي الاوتار
عارفك بتحب وقلـــــــــبك نار
لا فضــــــول مني او اني بغار
اصلي كرامتــي ملهاش معيار
فاهـمك ماشي .. عكس التيار