اختلاف... هشام الجخ

يا حبيبى
هذه البداية تختلف
هذا البريق الساكن الجفنين
ما بين البداية والبداية يختلف
هذه الوجيعة حين يذكر اسمها
أو حين يعلو فى الدماء ندائها
هذه السطور تآلفت وتجملت كلماتها
كى تستحيل قصيدة
هذه القصيدة تختلف

=============

وآدى ال صار
من يومى مطلوب تحت فوق
عايش حياتى بالآختيار
من غير حصار
لا ناوى أحب
ولا غاوى أحب
ولا فاضى أحب
ولا لاقى سمرة ترجنى وتخضنى
وتصحى فيا الحبر يكتب على الورق
قلبى اتسرق
وأنا بـ أعترف
هذه الغلامة تختلف
يا .......
إنى أحببتك فى زمن ما قبل زمان الأرواح
ما قبل النهر وقبل البحر
وقبل السكر وقبل الفجر وقبل الراح
إنى أحببتك فى زمن لا يعرف
كيف تسافر فى الأوردة جراح

==================

وشايفك ها تترشعى وشفايفك
بدها تقولى " أى كادولى "
بحبك أد ما أنا مشتاقة لبلادى
بحبك أد ما أنا مشتاقة لبلادى
وأد الوادى م النوبة لحد البحر
بحبك أد يوم العيد
ولبس العيد
ورعشة جسمى وانا واقفة با أشوف النحر

================

هذا الحزن الساكن جوفى
يعرف خوفى
يحلم يوماً أن يتقيأ صبرك هذا الجسد المتعب
إنى ألهمتك أشعارى فحذارى

بحبك حب صعيدى جوانى
بحبك كيف ما سكن الليل فى صوت فيروز
وسكن الصوت فى ليل قلبى وجوانى
بحبك كيف نسيم الزرعة لما يطير
فى جو الريح وجو النيل وجوى آنى
بحبك حب حيانى
وزود شوقى للحرقه
وللقيا وللفرقه
وللدمعة ال تنزل تحرق الجوابات
وكلمة ماما مش راضية
وعندى مذاكرة مش فاضية
وزود شوقى للمواعيد وللعربيد
ومشتقالك ووحشانى
ومحتاجلك بحبك

بحبك حب كان مكسوف يبين نفسه ادامى
وجاى يطلع لى ف منامى
فى صورة جوز عيون صافية
وبنت جمالها كله سمار
وأنا شايلك عروس الدار
وضرب النار ف كف اعمامى ما بيبطلش
غريب الحلم لما يواعد النعسان وما يطولش باعته وجرت ورا زيف
وسابتله نار جوه
مسكته في إيده سيف
إختار يموت هو

يا حبيبي هذه الغلامة إن تختلف
فهو إختلافك لا إختلافي
أنت من أحببتها
ونسيت أن مسافة بين الجنوب وبينها

يا صاحبي أنت الإله
لكنها أبت أن تعصاك فيك
فعصتك في
فهو إختلافك لا إختلافي

والفرق ما بيني وبينك بإختصار
إني واحد حب ستين ألف واحدة
وإنت ستين ألف واحد حبوا واحدة

الإختلاف اللي ما بينا مش أسامي
مش في نانا أو فلانة
الإختلاف اللي ما بينا في الديانة
في إتجاه القبلة من وضع السجود
إني في غرامي فرس
وإنت في غرامك قعود
الإختلاف اللي ما بيني وبينك
إني لما بحب بخلي البت نعل
ألبسه وأبتدي بيها طوافي
وإنت حبك زي بغل
شال حبيبته وعدى بيها النهر حافي
يبقى لما نختلف تعترف
إن إختلافك عمره ما كان إختلافي