كل جديد ومتميز وحصرى تجدونه هنا فى ومضات السها
كل جديد ومتميز وحصرى تجدونه هنا فى ومضات السها
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


واحـــــة الإبــداع والفــن والتــألق
 
الرئيسيةأحدث الصورالتسجيلدخول
أم الشهيد Support

 :: منتدى الادب والفنون واقلام الاعضاء :: سحر الكلمات لشاعر الومضات
 

 أم الشهيد

اذهب الى الأسفل 
كاتب الموضوعرسالة
عبد الفتاح عبد الشافي
المراقب العام للمنتدي
عبد الفتاح عبد الشافي


عدد المساهمات : 11453
العمر : 63
الموقع : قطر

أم الشهيد Empty
مُساهمةموضوع: أم الشهيد   أم الشهيد Icon_minitimeالسبت مارس 25, 2017 12:22 pm
أم الشهــــد
***
**
*

لما قلت ف يوم مسافر قلت روح
ولملم الدم اللي سايل م الجروح
كنت عارفه انك بطل تحمي الوطن
جيتني جثة مرفرفه فوق منها روح

والناس تبارك لي أنا أم الشهيد
والدمعه شايفاها في عنيهم من بعيد
كنت حاسة ان فرحك مش مطوّل
وموتك انت لجل وطنك يبقي عيد
كنت عاوزه يكون لي منك لو حفيد
كنت عاوزه يكون سلامك إيد ف إيد
كنت عاوزه اسمع لصوتك من بعيد
لما تاجي وتناديني بلبسك الحلو الجديد
صوتك انت مني قرّب زي دمي ف الوريد

بدلة الفرح اللي عندي شايلهالك 
والقميص ابو ورده حمرا خلي بالك
يوم ما جبته قلت يامه ده لفرحي
والنهارده معاك تاخدهم فوق كفانك
الفرح انا شفته فوق منصوب عشانك
والقصور الحلوه برضه مفروشالك
والعرايس قاعده فيها ف انتظارك
بس كان نفسي أزفك واملا بالفرحه عيوني
واحضن العلم اللي لفك واداري بيه دمعه ف جفوني
غصب عني ياغالي ببكي الفراق ع القلب يصعب
بس فرحة قلبي لما 
انت لبّيت الندا
لما مصر بصوتها صرخت
فين ولادي ينقذوني
مش كتير علي مصر يابني فدا ترابها
مش كتير علي مصر انك تحمي بابها
مصر تستاهل وياما قبلك ضحّوا ليها
كل نقطة دم سالت فدا لدمعه من عنيها
فدا لدمعه من عنيها 
*****
الرجوع الى أعلى الصفحة اذهب الى الأسفل
 
أم الشهيد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: