عاشق لحوا

موضوع: عاشق لحوا السبت مارس 25, 2017 12:26 pm

عاشــق لِحــوّا
***
**
*

مُش بس انا العاشق لحوّا بدون
حـــدود ..
مُش بس انا اللّي رسم بإيده ورده حمرا
ع الخـــدود ..
مُش بس انا الحابس دموعه خلف جدران
الســـدود ..
من يـــوم قابيــل
من يوم هابيــل
وحب حــوّا مالِي أركــان الوجــود ..
حــتّي العهـــود ..
ف الحب فيها هاله من طابع قداسَه
مفهاشي حسبه تكون لفطنه أو كياسه
مفهاشي مرؤوس أو رياسه
عقلك انت وعقل حــوّا بيبقيَ واقف
والقلوب بالعهـــد حاسّــه
وداسّـــه كل مفاتيح القــــيود ..
رافضه نظرات الجحــود ..
أصل الوعـــود مافيهاشي أول ولّا تاني
فيها لجلك أفدي روحي وروحي تفديها
عشــاني
دا مش كلام مكتوب ف ورقه
موثقه
ومنسقه
زي تنسيق العقـــــود ..
وعليه يمضـــوا اتنين شهــــود ..
من تحتهم ختم الشــــــعار
حــوّا أصلها ف الزمن شمس النهار
حــوا تزرع واحنا نعشــــق
حــوا تروي لزرعهــا
وبيدّهــا تجني الثمـــار ..
يمكن أنا أحوالي نادره حبتــين ..
أصلي مش عاشق لحــوا بنظره ليّ م العنــين..
ولا عشقت لحـــوا لمّــا منها لمستني الإيدين..
أنا عِشقت لقلب حـوا يوم ماقالوا ناقصه عقل
وناقصه ديــن ..
أنا عشقت ف حــوا روحها عشان جناحها كان
مابين الضلعتــين ..
لو رفرفرت يوم ف الحشا القلب حواليها يطـوف..
إسمك انتِ ياحــوا أصله تلات حــروف
وماهوش خجــل ولا هوش كســــوف
لو سكنتي جــوا جــوف قلب الرجــال ..
أو عشانك كل آدم يطلب الإيد ف الحـــلال ..
لجل تبعدي عن شـــرور عين الحاسود..
لحل تُبقِــي منوّره كل الوجـــــود..
مش بقول لِك ..
عشقي ليكي بدون حــــدود !!..
*************

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

» عاشق يا ناس
» * عاشق *
» لكل عاشق وطن
» رثاء زوج عاشق
» خاطرة عاشق