نور الشمس

موضوع: نور الشمس السبت مارس 25, 2017 1:20 pm

نور الشمس
***
**
*
وفين انتِ يانور الشمس
وفين انتَ ياضيْ نهار ...
وجعني قلبي م الضّلمه
ومن فكري بِقِيت محتار..
أنا بكتب صحيح الشـــعر
لكن شعري ما يوم عُمره يطفي النار ..
يجوز بكتب عشان ألقَيَ ف يوم الحل ..
يجوز بكتب عشان شوقي لَهيبُه يِقِلْ..
يجوز بدخل بساتينك عشان تسحرني
ريحة الفل ...
يا ست الكل ..
ياساكنه فوق قصايد الشّعر والمواويل
كلام الشّعر لمّا يُطل ..
بلاقي ف صفحتي قناديل ..
بيتين من شعر بالفصحيَ..
وكام بيت شِعر عاميه ..
وخاطره في قلبي يوم تصحيَ
أروح اكتب أنا وهِيّ...
واغنّي لوحدي عدويه ..
بِقيت عايش ومش عايش ..
لا انا موجود علي الصفحة
ولا مكتـــوب علي الهامش ..
ولا ف مِسوذّه كان إسمي
ولا في القلب متهانش ..
ولجل اعرف بقايا نفسي راحت فين ...
وإسمي لسه كما هوا .. وبيبدأ بحرف العين ..
عملت معادله حسابيه بدون أرقام
وتعطي نتيجه مضمونه بدون أوهام ..
حسبت النسبه لمشاعر تكون حيّه ..
ونبض القلب حطيته علي الاحساس
وقَسَمت الكل علي ميّه ..
وقلت العقل والانفاس
هيبقوا معادلة جبريّه ..
طرحت خصامنا م الحسبه وقلت دا مات ...
وساعات الفرح ما نسيتها
وعدّيتها عشر مرات ..
لقيت الحسبه واخداني ..
لحنين تاني ..
كأني بحل لوغاريتمات
***************
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

أعجبني

أحببته

هاهاها

واااو

أحزنني

أغضبني

» الشمس تسجد
» إذا الشمس غرقت
» تخزين ضوء الشمس
» الشمس تشبهه
» عدودة لموت نص الشمس