امرأة تسأل سيدنا داوود

جاءت امراه الى داوود عليه السلام

قالت: يا نبي الله ....ا ربك...!!! ظالم أم عادل ؟

فقال داود: ويحك يا امرأة هو العدل الذي لا يجور،

ثم قال لها ما قصتك

قالت: أنا أرملة عندي ثلاث بنات أقوم عليهن من غزل يدي

فلما كان أمس شدّدت غزلي في خرقة حمراء

و أردت أن أذهب إلى السوق لأبيعه و أبلّغ به أطفالي

فإذا أنا بطائر قد انقض عليّ و أخذ الخرقة و الغزل و ذهب،

و بقيت حزينة لاأملك شيئاً أبلّغ به أطفالي

فبينما المرأة مع داود عليه السلام في الكلام

إذا بالباب يطرق على داود فأذن له بالدخول

وإذا بعشرة من التجار كل واحد بيده : مائة دينار

فقالوا يا نبي الله أعطها لمستحقها.

فقال لهم داود عليه السلام: ما كان سبب حملكم هذا المال

قالوا يا نبي الله كنا في مركب فهاجت علينا الريح و أشرفنا

على الغرق فإذا بطائر قد ألقى علينا خرقة حمراء و فيها

غزل فسدّدنا به عيب المركب فهانت علينا الريح و انسد

العيب و نذرنا لله أن يتصدّق كل واحد منا بمائة دينار

و هذا المال بين يديك فتصدق به على من أردت،

فالتفت داود- عليه السلام- إلى المرأة و قال لها:ـ

رب يتجر لكِ في البر والبحر و تجعلينه ظالمًا،

و أعطاها الألف دينار و قال: أنفقيها على أطفالك

منقــــــــــــــــول

موضوع غريب جدا انا لسة بقرا الموضوع ده على انه

حصل مع السيدة نفيسة واقراه دلوقتى على انه حدث مع

سيدنا داوود طيب يهما اصدق؟ .الله اعلم

انا متفق مع سعيد لاني متذكر ان هذه القصه
كانت للسيده نفيسه وقرأتها ايضا في احدي مجلدات
التفسير للشيخ الشعرواي رحمه الله
ارسوا علي حال واتفقوا لاني برشح رأي سعيد لاني متأكد منه
شوفلك حل يا ايمن

وانا قرأتها فى مجلد قديم عن سيدنا داوود

للاسف الشديد رواة الاثر والتاريخ كانوا كثيرا ما يتخبطون ويحرفون من الحكاية مائة اخرى

وعلشان المطابع كانت مش مصرية قبل جمال عبد الناصر كان بيشوبها شىء من الاسرائيليات اصلهم كانوا شغالين بهمة شديدة

فى موضوع تحريف الكتب ده علشان كده ممكن نشك فى قصة سيدنا داود

شكرا ايمن

كده سعيد وابو حسام قروا القصة عن السيدة نفيسة

وانا وام شروق قريناها عن سيدنا داوود

يبقي خلاص تعادل

وشكرا علي مروركم الكريم

لا مش تعادل طبعا
عمرها ماتكون تعادل
وللذكر حظ الانثيين ؟؟؟
انت بتحسب عددنا انا وسعيد 2
وانت وزهرة 1 ونصف ياريس
يبقي مش تعادل

والله كنت عارفك هتقول الكلام ده يا ابو حسام

بس انا هخلي ام شرو ق هي اللي ترد عليك

انا مش هقول حاجة

ولا تقدر ترد اصلا
ايه هتجادلوا في الحق ولا ايه
الصح مايزعلش حد وانا مش بتكسف من حد حتي لو كانت اختي الاكبر مني
وهي عارفه كدا كويس هههههه
وكلهم هنا عارفين ان حماده مش بيتكسف ويقول الحق لو علي رقبته
انا وسعيد قلنالك اللي عارفينه
واجب عليك انت وزهرة انكم تصححوا المعلومات بتاعتكم ياريس الاول
وهات راجل تاني معاك علشان تكتمل الشهاده وبعدها نقول الحق مع مين

يا ابو حسام

الارجح انها تكون مع سيدنا داوود لانه نبي وممكن يحصل

معاه موقف كده كمعجزة ليه وبعدين هي مش شهادة

محمكمة علشان تبقي ام شروق بنص انت قريت كتاب وهي قرت

كتاب ولا ايه ؟

بقولك ايه الصح صح ولابد ان يتبع علي رأي عمنا الشيخ
ياسين التهامي انا معنديش كوسه هنا ياريس
اعتقد ان حبيبي المرحوم الشيخ الشعراوي لاجدال علي ماقاله لنا
اتأكد من معلوماتك انت وزهرة

يا ابو حسام انا علشان

انا ميدخلش دماغي ان حكاية زي كده لو حصلت

تحصل غير مع نبي فيا ريت تقولي الشعرواي جاب

الحكاية دي من فين بالظبط وتقطع الشك باليقين

طيب يا ناصح انا هسأل مولانا ازاي ؟؟
انت عاوز تبعتني اروح اقابله يعني ولا ايه ؟؟؟
هههههههههههه
عندك الاجزاء بتاعت التفسير بتاعته ماليه المكتبات
انا هحاول اسهل عليك الامور واجيبلك رقم المجلد

ليه اكيد مولانا عرف الموضوع ده من كتاب قراه

او نقله عن احد السلف والا هيكون عرفه ازاي يعني

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ياعم استني وخد حقك ناشف
اتقل عليا وخدلك ربع في رغيف وانا هجيبلك الزوبد بتاعت الموضوع دلوقتي

مانا قولت الكلام ده من الاول وانت اللي قولتلي

يعني هروح لمولانا ؟ علشان اعرف ما ترسونا

علي بر

زهرة بنت ساحة الطيب كتب:: وانا قرأتها فى مجلد قديم عن سيدنا داوود

للاسف الشديد رواة الاثر والتاريخ كانوا كثيرا ما يتخبطون ويحرفون من الحكاية مائة اخرى

وعلشان المطابع كانت مش مصرية قبل جمال عبد الناصر كان بيشوبها شىء من الاسرائيليات اصلهم كانوا شغالين بهمة شديدة

فى موضوع تحريف الكتب ده علشان كده ممكن نشك فى قصة سيدنا داود

شكرا ايمن

لو رجعتم الكلام اللى انا قلته كويس

مكانش هيدور الحوار الطويل ده

وايمن يعتبرنى الشاهد الثانى معاه

وحماده يعتبرنى نصف صوت كأنى رايحه ادلى بشهادتى فى المحكمة

الحكاية وما فيها ببساطه شديدة ان الاسرائيليات قالت ان الحكايه تخص سيدنا داود

والشيعه قالوا انها تخص السيده نفيسه

بقى سهل جدااا دلوقت سرد احداث من قصة واحده على مائة حد تبع الميول

والشيخ الشعراوى قراها فى الاثر على انها للسيدة نفيسة ومعروف ان الشيخ الشعراوى من العاشقين للسيدة نفيسة رضى الله عنها

يعنى مش هيكدب خبر والحكاية فى مجملها بتتكلم عن الثقة فى الله الرزاق والاعتماد عليه يعنى محتوى غير ضار

سواء كان حصل مع سيدنا داود او السيدة نفيسة فالفائدة فى المحتوى يا جدعاااان

رفعت الجلسة

وللعلم وتصديق علي كلام زهرة المجلد يحتوي رقم 32 من كتاب التفسير
ومن الاخر يا ايمن زهرة خافت من اخوك حماده وقامت اهي بعمل اللازم خصيصا لك
علشان تعرف اني مبهزرش ههههه
والعين الحمراء ليها دور كبير جدا

ام شرو ق بتقول انها قرت في المجلد ان القصة عن سيدنا داوود

وانت يا ابو حسام بتقول ان الصفحة رقم 32 يعني انت متفق معانا

علي كده يا ابو حسام امال فين زبد الموضوع اللي قولتلي عليه

لا شفت زبد ولا حتي فول

الحقيقة انا مشفتش عين حمرا

انا شفت عين زرقا بتاعة يونيفيرسال

انا وضحت الموضوع اعمل ايه تانى

يا ايمن فعلا لو عملت بحث هتبص تلاقى الحكايه منسوبه لسيدنا داود

وتبص تلاقى مواقع الشيعه جايبينها على السيدة نفيسة

وسواء كد=ه او كده التراث مليان بمتشابهات

ناخدج منها ما يوائم تفكيرنا وتصديقنا ونترك ما ننكره

سيبك من عبقر

انا عملت بحث عن الموضوع ولقيت انه منسوب لسيدنا داوود

وانا نشرت الموضوع للعبرة بغض النظرعن صاحب الموقف

وانا اللي قصدت اوصله مفهوم لو علمتم الغيب لا خترتم الواقع

وبعدين طالما الشيعة بيقولوا السيدة نفيسة والاثر بيقول سيدنا

داوود نمشي ورا الشيعة برده ؟

لا يا ايمن مقصدش

الاثر بقول لك بوجه عام بغض النظر عن الموضوع ده

فيه مدسوسات اسرائيلية ......الكلام دا فى الكتب القديمة قبل المطابع الوطنية

انما هى القصة طبعا لا ضرر فيها سواء كانت حدثت هنا او هناك نأخذها درسا فى حسن التوكل والثقة بالرزاق