نبطى \عامى\حلمنتيشى ...قول ولا يهمك

الفكرة جديدة

عايزين نشغل المواهب والقوافى عندنا

حتى لو هنغلط ..مش مهم

الفكرة غير مقيدة بأوزان

الفكرة كالتالى

يعرض ابيات شعرية لاحد الشعراء

والاعضاء يحرفوا الابيات او يقولوا على وزنها ما يريدون

بشكل نبطى...او حلمنتيشى ساخر

نبدأ

فاروق جويدة قال

قالت: حبيبي.. سوف تنساني
وتنسى أنني يوما
وهبتك نبض وجداني
وتعشق موجة أخرى
وتهجر دفء شطآني
وتجلس مثلما كنا
لتسمع بعض ألحاني
ولا تعنيك أحزاني
ويسقط كالمنى اسمي
وسوف يتوه عنواني
ترى.. ستقول يا عمري
بأنك كنت تهواني؟!
* * *
فقلت: هواك إيماني
ومغفرتي.. وعصياني
أتيتك والمنى عندي
بقايا بين أحضاني
ربيع مات طائره
على أنقاض بستان
رياح الحزن تعصرني
وتسخر بين وجداني
أحبك واحة هدأت
عليها كل أحزاني
أحبك نسمة تروي
لصمت الناس.. ألحاني
أحبك نشوة تسري
وتشعل نار بركاني
أحبك أنت يا أملا
كضوء الصبح يلقاني
أمات الحب عشاقا
وحبك أنت أحياني
ولو خيرت في وطن
لقلت هواك أوطاني
ولو أنساك يا عمري
حنايا القلب.. تنساني
إذا ما ضعت في درب
ففي عينيك.. عنواني

ساهله ...صح

موضوع جميل جدا يا ام شروق

وان شاء الله نشارك فيه ولو غلطنا

ولا بوظنا الشعر نأسف مقدما لشاعرنا

الكبير فاروق جويدة

لا ما الحلمنتيشى معروف انه لا يقصد الانتقاص من كبار الشعراء

دى مجرد اوزان وكلمات فقط

وانا هصيغها فى اطار كوميدى كمان

قالتي ياما خايفه ياجي يوم وتروح وتنساني

وتنسي نبض قلبي وتسيبه في الهم وحداني

وتعشق صبيه حلوه وانا في الوحده تنساني

وتعيد القعده وياها وتقولها احلي كلام تاني

وناسيني هنا وحدي غرقانه في كتر احزاني

ويروح من خيالك اكيد اسمي ورسمي وعنواني

هتقدر ياروحي في يوم تقولها اني حبيب تاني

قلتلك هواكي شغل قلبي واحلفلك بأيماني

في الهوي عشقك كأنه التوبه لعصياني

جايلك والهوي دربي وفاتح للحب احضاني

طيره وشالت بجناحها ووقعت علي ارض بستاني

الحزن جوايا بيقتلني وندمان علي ايامي

حبك في القلب علم ونساني كل احزاني

نسمة هواكي في قلبي تقول للناس الحاني

حبك والهوي زادي وهمسك يحرك كل وجداني

عيونك ف ليل العشق مصباحي تنور طريقي من تاني

الحب موت كتير عشاق وحلو كلامك رد الروح من تاني

لو خيروني الف بلاد مفيش غير حضنك لو لسه حبيبتي عاوزاني

لو نسيتك في يوم ياعمري يبقي انا ميت ومفيش رجوع تاني

مهما طال الغياب ياعمري مفيش غير قلبك اليه هعود تاني

طبعا مع كامل الاحترام والتقدير للشاعر الكبير
دي مجرد خواطر حلمنتيشيه ههههه وانا بريئ منها

طلع فى المواهب المكبوتة يا عبقر طلع

جميل جدااا

ايه رأيكم نقلل عد الابيات اللى نطرحها علشان تبقى ساهلة وخفيفة

يعنى نجيب بيتين بيتين

ونعمل عليهم تغييرات د

اللي تعملوه يمشي
وانا قاعد ومش همشي
هاتوا اشعاركم وهاتوا سلاحكم
وانا منكم مش خايف وهقول ومش همشي

كمان

دا ايه الجرءة دى

ماشى

التحدى وهات العصايا يا ولد

هات الكرباج من التلاجه يا عثمان
انتي فلاح اخرج من الارض بسرعه

طيب انت كل شويه توحى لى بفكرة اجمل من اللى قبلها

مين يقدر ينسج ابيات تعبر عن المشهد بتاع محمود المليجى فى فيلم الارض

الارض لو عطشانه نرويها بدمانا

اعملوا لنا حاجه تعبر عن المشهد

كل واحد وطريقته كده

لا انتي كدا بتهرجي ودي نجيبها ازاي دي
صعبه شويه مش كدا يا اخوانا ولا ايه
حد يرد ويعبرنا ويقول حاجه

لا مش صعب

وانا هبدأ اولكم وانظم بيتين حلمنتيشى او عامى

ونشوف

قالولي ارضك ياعوضين من الميا محرومه
وجار عليها الزمن واتبورت ومن الزراعه محرومه
قلت الارض زي العرض وصيانتها واجب وفرض
وحقها تاخده من اتخن تخين بالطول كان ولا العرض
ارضي وعرضي وقوتي وقوت عيالي وبروحي افديها
والظلم لازم ينتهي والحق يوصل اصحابه لو هموت انا فيها
اموت بس اموت راجل ومفرطش انا فيها

الأرض أرضى والعرض عرضى ومش هفرط فيه

ومهما قالوا ومهما عملوا حقى ومن واجبى اراعيه

ارويه بدمى وهو همى ومن شرايينى اسقيه

يا شدة روحى داويت جروحى وارضى رجعت وعملى لازم الاقيه

......

لو هنقلبها كوميدى هنقول

الارض لو عطشانه على البحر تجرى وتروح

فى ايدين بهية قنية مية تروح تاخدها بلا طلوع روح

والراجل ابو سويلم طلقه فى نافوخه هتحسم الموضوع

عالم جبانات متيجى غير بقلة الادب والبكا والنوح

ياعم مليجى ارضك عصية مليانه ميه

بس ارادتها هى تبات عطشان وانت مال اللى خلفوك

بزياده لخبطه بقى عكينا قوى

لا الكوميدي اجمل بصراحه يازهرة
تسلم الايادي بجد والله

لالالالالا

الحلمنتيشى له اهله وناسه

انا معترفه

انا ما على غير اجيب المشه\د او الابيات

وانتم تشغلوا نافوخكم

انا مالى يا اخويا

لا والله حلوين بجد يازهرة
مش مجامله انتي استاذه
والكل يشهدلك بكدا والنعمه

استاذة فى البتنجان بالبسوسة

ادينا بنلعب زى الاطفال

الفكرة بس فى تشغيل الدماغ والتخيل وترتيب المعانى

متجيب انت بيتين يا حماده ننظم عليهم

طيب اديني لحظه هجيب حاجه سهله خالص

أنا الصخورُ: دموعي في الأسى حُممٌ ......... كانت تُترجمُ آهاتي وأشجاني

كثرُ المآسي وعمق الجرح زَحْزحني ............ فألفِظُ النارَ تنفيساً لأحزاني

ساهلة جداا

منك للى كلت ودن زوجها

انا الجهول كلامى فى الورى حكم كانت تترجم غبائى وزلاتى

كتر الفطير ولحم الطير الهمنى فصرت تنبلا فى الورا متبولا

» وانظر للياميش كالنسر من علِ\حلمنتيشى
» برنامج حلمنتيشى /لعمرو قطامش متجدد
» يا شاعر قول ولا يهمك
» محمد فؤاد -ولا يهمك