بنت حوّا!!!!

موضوع: بنت حوّا!!!! الأحد أكتوبر 02, 2011 10:03 am

بنت حوّا
...............
ومشيت خطاوي ف دنيتي
والسكه كانت سكتي
والبسمه كانت ع الكفوف
فيها السلام ميّات ألوف
تتمني لو حتي تشوف
لحظة سعاده وفرحتي

بس الوجوه كانت غريبه
وليها افعالها العجيبه
يوم بتيجي
ويوم تروح
ويم بتبكي
ويوم تنوح
ويوم تغازل الوجه الصبوح
وكأنها الليل والسواد
أو كأنه الفجر عاد
أصلها ملهاش ..معاد
وحكاويها تلقاها
عجيبه

كلها متناقضات
الفرحه في عنيها أهات
والاهه تلقاها السكات
وان فَكّرِت يم في الهوا
تلقاها بتعد الساعات

وتمشي ف المزارع والغيطان
الخضره والميّيه في عنيها
والهوي يهفهف عليها
وتسمع من بعيد صوت السواقي
أمل بسيط....هوّ اللّي باقي
كأنه جاي يبكي عليهابعد ماراح الحنان

بعد ماراح الوفا
والطبع كان هوّ الجفا
جايه تسلم بالايدين
وترجّع الشوق بالعينين
وف قلبها لسه أمل
وكأنها ماسكه ..قلم
وورقه دبلانه ورقِيقه
جايباها من أزمان ..بعيده
وكل حرف بتنقشه
هيرجع لها ماضي السنين
طيب منين؟؟؟؟؟

ونا اللّي ياما ناديت عليكي
وقلبي حطيتوا ...بأيديكي
والشعر قولته والكلام
وفارقني من يومها المنام
لجل ضحكه من ..عنيكي
لجل تحضني ..ايديكي

لجل احس بفرحتك فوق السحاب
وساعتها احس بدنيتي
واعرف طريقي ...وخطوتي
وافرّح القلب اللّي ..داب
أو ينسي حتي يوم ..عذاب

بعد صدّك بعد يأسي
بعد ماراح الامل
عني وغاب
بعد تنهيده ودمعه
بعد نار ف القلب والعه
بعد ما
جف اللعاب
دنتي ياما كسرتي نفسي
انتي ليه دايما بتنسي؟؟
انتي مش شهد
الرضاب

ولا هتغيري في الكون زرّه
لوكان علي قلبي اللّي
حبّك
أو كان علي الزمن اللّي
ردّك
اقدر.....ادوسهم
ودموعي لو نزلت..ابوسهم
عشان حبايبي وعرّفوني
انه فيه في الكون...حالات
بتنسي دايما اللّي ...فات
زي حالتك
زي صدك
زي تجاريحي وهمسك
بس هواسيهم عيونيحتي لو في القلب
جمره

حتي لو كل النسا هيقلّدوكي
مش هحنّ لحّوا تاني
مش هطرطق للكلام دايما وداني
حتي لو ف الشرع بنتي
وكنتـ نا اصلا ابوكي

أو كنتي غايه م الغايات
انتي حاله
بس غير كل الحالات
ونا تعبت من الاهات
انسي بقي
كل اللي فات
انسي بقي كل اللي فاااااااااااات
....................................
عبد الفتاح
..............

موضوع: رد: بنت حوّا!!!! الأحد أكتوبر 02, 2011 8:52 pm

بنت حوا يتفات لها بلاد
وفى حبها تعدى بحور ووهاد
ولقربها تبنى جسور امداد
هى كده طبيعة ربنا خلقها
ويا ويله اللى وقع فى افلاكها
قلابه زى الريح مالهوش معاد
مره تلاقى نفسك معاها ملك ويا الملوك
وساعه تقول لنفسك جنيت على يا متعوس
وهى ولا هى هنا على كل ود تدوس
متقولش على مفتريه على بنات الفصيلة
انا واحده بتبغى الخير وعايزه الفصيله ترجع للفضيله
تصون وترعى الوداد وتبقى حره اصيله
تشعر باللى شريها وخيرها ليه عطياه
لا تستنى منه هديه ولا طالبه اكراميات
دا الود عمره ما يتقدر ولو بالدهب ميات

معلتش يا ابو جمال قصيدتك حركت جواى رغبه فى الرد بهذا النظم اللى على قد حاله
اعتراضا على اللى تبيع ولا تقدر وداد الناس
شكرا ابو جمال على هذاالتألق والجمال

موضوع: رد: بنت حوّا!!!! الأحد أكتوبر 02, 2011 11:33 pm

احيانا امرأة واحدة تكون كفيلة بأن تجعل الرجل يكره كل بنات حواء

فالمرأة كثيرا ما تكون كثيرة المتناقضات لدرجة يصعب معها فهمها

ولدرجة قد تكون كريهة . وهذا حال ووصف لشاعرنا لحبيبته وهويقول:

هى عكس كل المخلوقات فسعادتها حزن وحزنها سعادة

ولا يمكن فهمها بسهولة وفى اللحظة التى تشعر انها انتهت

من حياتك بعد ان ضاع الوفاء بينكما تجدها تعود تترنح

بين يديك طالبة العفو وان يعود الحب وكأن شيئا لم يحدث

رغم ان كل شىء تغير وكأنها انسان مزاجيه وانت تابع

لهواها ولكن هناك لحظة فارقة ينتهى فيها كل شىء ولا يمكن

ان يعود كما كان لذا يجب ان تنسى كل ما قد كان لكى تعرف

انها اخطأت فى حق من اعطاها قلبه وعقله وكيانه

- شكرا ابوجمال على الكلمات الرائعة والتجسيد الرائع لهذه

الكلمات لدرجة اننا نخالها حقيقة واقعة نشاهدها بأعيننا

علي كده دا ايه؟؟؟؟؟؟

دنتي افحمتيها.....لا ...لا مفتريه ولا حاجه انا عارف انك مش تبعهم

ومش بتعجبك بعض الاحيان احوالهم

شكرا زهـــــــــــره علي التفاعل الجيد

فعلا الود لايقدر باطنان الذهب

.....................................

ليس هجوما مني علي حواء

ولكن هذا واقع معاش نراه كثيرا في حياتنا

ايمانا من حواء ان الرجل دائم اللهوث ورائها

ولكن صاحبا قطع عرف وسيح دم كما يقال

مع ان هذه العينات من الرجال قليله ايضا

وليست حواء وحدها هي من تفعل ذلك حتي نكونوا منصفين

فهناك من الرجال من تكره حتي سماع اسمه

شكرا سعيد علي هذا التحليل للقصيده ومجملها

وشكرا لكلماتك الطيبه
.............