صورة زفاف

موضوع: صورة زفاف الثلاثاء أكتوبر 18, 2011 8:59 am

رن الجرسْ
خدني الحنين لام
العيالْ
وتساوي إيه الغربه
من غير العيالْ
مين اللي قال
يا قلبي مين بس
اللي قالْ؟
إن الحنين
طول السنين بيجيبه مالْ
ارجع وأقول
رن
الجرس
يوم التلات
ما هو كل يوم بيرن
في العمر اللي فاتْ
ورقة شجر

بتهز فِرعة غربتي
وأنا قلبي طارح ذكرياتْ
صورة زفاف
متعلقة بصوة
زفاف
هو اللي يحلم بالهوى
زي اللي شاف
كل السنين بتردني
والغربة دي
كرسي اعتراف
مليون وجع
واسال سنين الورد
عن يوم الجفاف
الليل طويل

مليان اسى
والويل قتلنا باحترافْ
مش باقي من يوم الفرح
يا قلبي غير
صورة زفافْ
رن الجرس
ما تقول يا ليل
مين اللي شاف ليلة فرحنا
وحياة
قلوب متفرقة
مش باقي غير صورة زفافنا
غنينا فيك
موال طويل شايل
جراحنا
رن الجرس
وسمعت صوتها من بعيدْ
تبكي وتشكي للزمن
واحنا يا دوب
قلبين
وريد يحضن وريدْ
وكلام كتير جوا القلوب
وكأن قال الليلة
عيد
مليون حكاية
كل ليله نعيد نزيد
بيتنا القديم
والحب كان
بيضمنا
ويلمنا تحت الجريد
وتقولي
فين الحلم في البيت الجديد
وأنا
أقولها
كل الليالي ف غربتي
ما تساوي ليله في الصعيد
صورة زفاف
متعلقة
وأنا لسه هحكي عن زفافنا
عن ماسينا وجراحنا
وسمعت صوته من
بعيد
"عفوا لقد نفد الرصيد...."
الشاعر\ هشام فتحي

كلمات جميلة جدا ووصف للغربة وحالها والاشتياق

الى الاهل والاحباب ونهاية الكلام يجب ان تنتهى

بنهاية الرصيد فاللحظات الجميلة دوما ما تنتهى سريعا

شكرا ام شروق على الكلمات الرائعة والانتقاء الجميل

موضوع: رد: صورة زفاف الخميس أكتوبر 20, 2011 7:22 pm

وتبقى الذكرى بلسما
دائما فى كل الاحوال مع الاختلاف وتعدد الصور
شكرا سعيد

» فستان زفاف من الحلوى والشيكولاته
» حفل زفاف ابن عمي الأستاذ / محمد عبداللاه
» زفاف اسلامى فى كنيسة ايطالية
» حفل زفاف المهندس : محمد صلاح علي يونس
» دعوه عامه لحضور حفل زفاف اخى على عدلى