الاخبار الطازة . كل ما تقدم تزيد لذاذة

وقع في إيدي جورنال الأخبار بتاريخ 7 سبتمبر 1992 وطبعاً

الجورنال أصفر وحالته حالة (أكيد أصل ده عمره 18 سنة) سنة 1992
أيام ما كان الجورنال لسه بربع جنيه و بيتكون من 14 صفحة

فقط لا غير!

المشكلة إني مش فاكر عن سنة 1992 إلا أهم حادثين هامين في

تاريخ البشرية المصرية.. ألا وهما زلزال سنة 92 الشهير و..

دخولي أول مرة مسرح في حياتي وحضوري لمسرحية الواد سيد

الشغال!!



بصراحة كان لازم أتشد لهذه القطعة الأثرية الرائعة وأشيلها كمان

على جنب! قلت أقرأ العناوين كده أبكت بيها نفسي! وإكتشفت إن

قراري كان كوميدي بعض الشيئ.. عشان بعد أول 3 عناوين مش

عارف ليه إفتكرت الإيميلات اللي بتتوزع عن نسخة من جورنال

عام 2111 واللي عناوين أخبارها بتبدأ بمنشيت "موت مهند أخيراً

في الحلقة الـ 17 ألف" و "الشحرورة تبحث عن عريس مجدداً"

ولا ننسى المنشيت الهام لخبر "انقطاع الكهرباء مجدداً وللمرة الثانية

على التوالي في خلال 20 سنة عن سكان المريخ" وكل الأخبار

الوهمية دي.. مش هطول عليكم بقى و الآن مع أهم عناوين نشرة

الأخبار...

* استمرار مفاوضات السلام العربية الإسرائيلية هو انتصار

لسياسة مصر

* بحث إلغاء أعمال السنة للحد من الدروس الخصوصية

* 350 مليون جنيه زيادة في حصيلة الضرائب

* 50 مليون جنيه قرضاً ميسراً لإصدار سندات ضمان

الصادرات

* التنديد بممارسات الصرب في البوسنة

* الحاصلون على 50% لا مكان لهم في الجامعات الخاصة

* علماء مصر: تجاربنا طورت صناعة القطن والورق والحديد

والأسمنت

* أول يوليو 1982 هو بداية عهد التنمية والمسيرة

الاقتصادية الصحيحة

* استثمار طاقات الشباب في برامج التنمية

* الفراولة المصرية في مؤتمر دولي أمريكي

فاصل إعلاني ونعود

* للســـ8ـــنة: الواد سيد الشغال على مسرح السلام بمصطفى

كامل

* للإســ6ــبوع: أضخم فيلم غنائي استعراضي بجميع دور

العرض.. أيس كريم في جليم

* إيريال دولي للتليفزيون يلتقط إرسال 65 محطة

* لعب مبتكرة لطفلك: كتكوت بالزمبلك وسيارة بالزمبلك

والسارينه

* نظارة ريبان تقليد بـ22 جنيها

* شريط فيديو 3 ساعات بـ10 جنيه

* شركة بيع المصنوعات المصرية: استكمالاً لمسيرة النجاح،

اليوم نبدأ الأسبوع الأخير.. البواقي والفضل بخصومات تفوق

الأوكازيون

* شركة عمر أفندي: يبدأ اليوم الأسبوع الأخير لتخفيضات

البواقي والفضل بذات نسب الأوكازيون التي تصل إلى 60%

عدنا.. والآن نستكمل عناوين الأخبار

* ضبط 45 رشاشاً ومئات الأسلحة البيضاء بأسيوط

* أمين المخزن اختلس أدوية وأجهزة بـ 50 ألـــف جــــنـــيـــه

* حفظ الدعوى ضد سهير ذكي

* أخبار القرية: 16 محطة جديدة لتوفير مياه الشرب النقية

لقرى المنيا

والان مع اسعار سوق النقد واهم العملات


دولار أمريكي

بيع 332,9

شراء 330,6

جنيه إسترليني

بيع 664,8

شراء 656,5

ين ياباني

بيع 270,7

شراء 267,4

دينار كويتي

بيع 1126,3

شراء 1112,4

ريال سعودي

بيع 88,9

شراء 87,8

انتهت عناوين الأخبار والآن مع التحليل الفني لهذه المباراة مع

المحلل الرياضي أحمد حمودة

تثبت هذه المباراة عدة نقاط طبقية وسيكلوجية غاية في الأهمية

أهمها:

* إن في عام 1992 كان المصريين يطلقون على الدش

"إيريال"

* إن الفراولة المصرية طول عمرها حلوة ومكسرة الدنيا وهو

ده اللي فالحين فيه!

* إن مقياس عملية تنمية الذكاء في الطفل المصري منذ عام 1992

كان يتحدد بوجود "زمبلك" في لعبته أو لأ!!

* إن محافظة المينا في عام 1992 كانت ولا تزال قرية

صغيرة وبتشرب على طول مية نضيفة (هنبدأ الحسد والقر بقى!)

* إن إحنا اللي عملنا في نفسنا كده.. فماذا يكون حال بلد

ووطن وشعب ليس سوى.. شعب بواقي وفضل؟!

منـــــــــــــــــــــــقول

الاخبار كانها من خمسين سنة ولذيذة فعلا

وفى ايامها كانت اخبار طبيعية لكن دلوقتى

ممكن نعتبرها نكت وعجبنى الايريال اللى

بيجيب 65يعنى مكانوش يعرفوا يقولوا

دش او طبق . شكرا ايمن

سعيد

شكرا علي مروك الكريم بالموضوع

والاخبار لذيذة فعلا وتشعر انها من عشرات السنين

لكن للاسف الشديد بعض الاخبار كأنها اخباراليوم

وكأن هذه السنين لم تمر كالاخبار

* استمرار مفاوضات السلام العربية الإسرائيلية هو انتصار

لسياسة مصر

* بحث إلغاء أعمال السنة للحد من الدروس الخصوصية