ثورة ثلاث ألوان

ثورة
تلات ألوان
ونهارها يقلب ليل
وتُهنا ف العنوان
والجرح لسة
عليل
***
... أبيض بلون الفل
منقوش ف توب الأم
اسود يا يوم
الذل
مصبوغ بلون الهم
أحمر ف قلب الكل
نازل يسيل الدم
***
مين يشتري
ثورة
زهرة شبابها اتقطف ..
والبيعة كسبانة
لو تكشفوا العورة
تلقوا
الميدان اتخطف ..
والخلق نعسانة
تسلم إيديك يا غبي
ياللي بايعت
الشيطان
لولاية الأحرار
رحت انتخبته نبي
والبيع ماهوش خسران
وطظ ف
الثوار
إغسل إيديك م الدم
نام ع الحرير وارتاح
خليت ربيعها هَم
وزمهرير
ونواح
متحاط بكل الحرس
كل السلاح طوعك
فاكر الميدان اتخرس
بتعلي ف
قلوعك
عايشين ف وهم العروش
والعرش مش باقي
ومليتوا منها الكروش
والشعب
مش لاقي
كان في زمان ثورة
حاميينها سرقوها
كان في بنات طاهرة
ساترينها
عرّوها
والحق يوم لو مات
يطلعلكم ميت شبح
ويا ترجعوا الثكنات
ياترجعوا
اللي اندبح

وليد فؤاد

كلمات جميلة جدا وشعور رائع من الشاعر وليد فؤاد

والثورة راح ضحيتها الكثير من الشهداء اللذين ضحوا

بدمائهم من اجل انجاحها ولكن القضاء يقول كلمته في هذا

الامر والمجلس العسكري ليس له الحق في التدخل في هذا

الشأن من قريب او من بعيد ولكن لا بد ان يعمل علي سرعة

عودة الحقوق الي اهلها وان تهدأ البلد ويهدأ جميع من بالشوارع

والميادين حتي تستطيع البلد ان تنهض مرة اخري لان ما يحدث

يؤخر عودة الحقوق ولا يعجل بها .

شكرا ام شروق

لا تعليق؟؟؟؟؟؟؟

انا متفق معاك يا ابوجمال على عد التعليق

ولكن هى شريحة من المجتمع لها ارائها

ولو كنا نرى انها شاذة وغريبة لكن هما

عندهم اعتقاد انه لازم نهد الجيش علشان

نبنى مصر من جديد وده مش هيحصل

مهما حصل ومش هنتكلم عن موضوع

عرى البنات علشان فيه تعليقات كتير

قلتها احسن . شكرا ام شروق على

المتابعة لكافة النماذج الشعرية

شريحة ايه بس ياراجل البلد بتولع يا سعيد

وبتنهار اقتصاديا كما قال رئيس الوزاره

محدش عاجبهم لا جيش ولا وزاره ولا حتي لو جابوا ملك من السما

برضه مش هيعجبهم....الموضوع زاد عن الحد خالص

واظن المجلس العسكري وفي بكثير من التزاماته

جاب مجلس استشاري بناء علي رغبتهم

فتح للاحزاب انها تسجل بدون رقابه

انتخابات في منتهي النزاهه

جابوا رئيس وزاره من التحرير ....بعدين ..قالوا مينفعش

المجلس العسكري غيره باجنزوري....قالوا مش نافع

ياراجل دي مبقتش ثوره ...دي هيصه ولت وعجن وخراب ودمار ع الفاضي والمليان

الواحد هينفجر
...........

معلش يا ابوجمال مطلبهم معروف الناس دى عايزة

تشارك فى الحكم وعايزين ياخدوا تمن الثورة اللى

فى وجهة نظرهم هم الاساس فى قيامها رغم ان الشعب

المصرى كله شارك فيها . طيب هما بيقولوا مش

عايزين حكم العسكر والعسكر قال معاكم لنهاية شهر

يونيو يعنى خلاص كلها 6شهور والحكاية تنتهى

عايزين ايه تانى

عاوزين يعلوا ضغطنا وخلاص
.......

ياريتها تيجى عالضغط وبس يا ابوجمال

ده مقدور عليه . البلد خلاص بقيت على

كف عفريت والظروف كل مالها ما بتزداد

سوء . ربنا يصلح الحال

» ثلاث فى ثلاث غاليات
» ثلاث ساعات في رمضان ..
» ثلاث مباريات غنائية
» رجل انجب ثلاث مرات
» شنقوه ثلاث مرات ولم يموووووت