ضع عنوانا لهذه القصة

ضع عنوانا لهذه القصة
ــــــــــــــــــــــــــــــــــــــ

فى قجر يوم الخامس والعشرين من شهر يناير عام الفين واحدى عشر استيقظ الملازم ايمن عباس على صراخ زوجته حبيبة من شدة الالم
ايمن : " فى خوف ورعب " ايه مالك فيه ايه
حبيبة: " وهى تتالم " باينى هاولد .. اااه
فيسرع ايمن يرتدى ملابسه فى عجلة وسط صراخ زوجته ثم يقوم بمساعدتها لارتداء ملابسها
وبعدها ذهب الى عم محمود صاحب تاكسى وهو رجل تجاوز الخمسين سنة بثلاث سنوات من عمره والذى يسكن بالشقة المجاورة له والذى قام بدوره بارتداء ملابسه وحمل الملازم ايمن وزوجته فى سيارته الاجرة " التاكسى " متوجها الى المستشفى وسط تالم حبيبة وبالمستشفى دار هذا الحديث بين عم محمود والملازم ايمن
عم محمود : معلش يا ابنى ربنا يقومهالك بالسلامة وتشيل ابنك على ايدك .
ايمن : " مهموما " يارب ياعم محمود ..نفسى اشوفه واملى عينى منه
عم محمود : هاتشوفه وتملى عينك منه وتجوزه هو واخواته
ايمن : " وتظهر علامات الضيق على وجهه اكثر " اخواته ياعم محمود .. ياااااااه مشوار طويل ياترى مين
يعيش
عم محمود : ليه بتقول كدة يا ابنى .. الدنيا واسعة قدامك
ايمن : اللى زينا ياعم محمود شايل روحه على كفه .. بيطلع الصبح ويا عالم هايرجع تانى ولا لاء
عم محمود : كل ده على ادا الحال يابنى . واهو ربك ساترها .. اه بالحق نسيت اقولك كل سنة وانت طيب مش
النهاردة عيدكم عيد الشرطة
ايمن : اه ياعم محمود وانت طيب .. والحمد لله ان الطلق جالها النهاردة علشان انا اجا.....زة " يرن هاتفه
المحمول " ايوة يا افندم .. تحت امرك يا افندم .. بس بس " يقاطعه الصوت الخارج من المحمول "
ص المحمول : بس ايه .. لازم تجمع فى الادارة دلوقتى
ايمن : حاضر يا افندم " لعم محمود " عم محمود انا لازم امشى دلوقتى طالبينى فى الادارة
عم محمود : يا ابنى مش النهاردة اجازة رسمية
ايمن : ايوة بس مش عارف فيه ايه عايزينى ضرورى
عم محمود : طب هاتسيب مراتك كدة .. وابنك اللى جاى على وش الدنيا
ايمن : البركة فيك ياعم محمود " اخرج مبلغ مالى من جيبه " خد دول حاسب المستشفى وجيبلهم طلباتهم
انت عارف ياعم محمود احنا مالناش غيرك
عم محمود : " مندهشا " يابنى ربنا كبير .. لا حول ولا قوة الا بالله .
واستعد ايمن للرحيل وفى خروجه القى نظرة على الحجرة التى بها زوجته ثم تابع خروجه
وفى الادارة وجد ايمن ان الكل مستعد لحدوث اى طوارئ وكانهم يعلمون ما يحدث فى هذا اليوم لكن العجب كل العجب ان الكل مجهز سلاحه وبه ذحيرة حية وهذا بحدث لاول مرة فسأل عن السبب فوجد ان هناك اوامر من وزير الداخلية حبيب العادلى باطلاق النار على المتظاهرين اذا تجاوز التظاهر عن السلمية وكانت هذه الكلمات بمثابة صاعقة على ايمن فتوجه لمرؤسه محدثا اياه
ايمن : يا افندم ازاى ده يحصل هانضرب اهالينا .. هانموت اخواتنا بايدينا ده مستحيل
رئيسه : والله يا ايمن انا ما عنديش كلام اقوله غير ان انفذ الاوامر
ايمن : والاوامر دى جات من مين وليه اللى هايمشى فى الشارع ده ممكن يكون ابنك او ابن اختك او اخت حضرتك نفسها نقتلهم او المدام بتاعة حضرتك
رئيسه : " بعصبية " انا نبهت عليهم ما ينزلوش خالص النهاردة
ايمن : طب ليه يا افندم
رئيسه : دى اوامر يا ايمن ولازم تتنفذ
ايمن : انا اسف يا افندم انا عن نفسى مش هاقدر انفذ الاوامر دى وتقدر حضرتك تحولنى للتحقيق او للمحاكمة العسكرية
رئيسه : " يمسكه من كتفيه " يا ابنى افهم انت عارف قد ايه ان انا بحبك ومش عايزك تخسر مستقبلك ودى هوجة وهاتعدى .. ويمكن ما يحصلش حاجة
ايمن : ولو حصل انا مستقبلى مش على حساب دم الضحايا والابرياء انا هاخرج بس مش علشان احمى السلطة لاء .. انا هاخرج علشان احمى الناس مننا " توجه خارجا "
رئيسه : يا معتز
معتز " يدخل " تحت امرك يا افندم
رئيسه : الصبح طلع جهز قواتك وخليهم على اتم استعداد
معتز : كلنا جاهزين يا افندم .. اى اوامر تانية
رئيسه : اه .. ايمن .. لو خالف الاوامر اقتلوه
واشرقت شمس الثوارة وتعالت الهتافات ومر اليوم الاول بسلام وايمن مازال موجودا بجانب ميدان التحرير لان المتظاهرين مازالو موجودين وما ان اصبح اليوم التالى حتى حدث شئ عجيب راى مهتز حشدا اكبر من الذى كان بالامس شخصيات غريبة فابلغ رئيسه بذلك رغم اعتراض ايمن له بل هناك اناس مسلحين وانطلقت اول شرارة اشعال الفتيل لتضيع مطالب الثورة الحقيقية فى اليوم الاول واصبحت الثورة بشبه خناقة بين الشعب والشرطة وتبادلت طلقات النار فوقع من وقع وهرب من هرب ولكن ايمن ظال ثابتا فى مكانه يحاول تهدئة الناس اذا تجره الايام الى موقعة الجمل وراح ايمن ضحيتها دون ان يرى وليده مع تحياتى يسرى هارون " اسف انا حكيت لكم هذه القصة من الجانب الذى رايته بعينى فى موقعة الجمل انما هى من واقع خيالى ومقتطفة من مسلسل عبقرينو دوت كوم وهو من تأليفى

جميل جدا يا استاذ يسرى واقتراحات ابوجمال جميلة

وكنوع من المشاركة هقول ممكن تسميها (ولادة مستعصية )

شكرا استاذ يسرى على السرد الجميل

الشكر لكم جميعا اخوانى وعلى هذه الردود الجميلة وارجوا التلاقى سويا على الموقع الاجتماعى
الشرطة بيتى وبيتك على الفيس بوك