بعض العبارات المضحكة التى يكتبها السواقين على سياراتهم

هذه عادة لا يوجد مثلها فى دوله من دول العالم سوى مصر على ما أظن
وهى عادة الكتابة على سيارات الأجرة والميكروباص والنقل والكارو وأخيراً التوك توك
والمقصود بالكتابة هنا هو كتابة الأدعية والآيات القرآنية والتعوذ من الشر والحسد ...الخ
فنحن لا نرى سيارة من سيارات الأجرة أو النقل إلا ونجد عليها على الأقل جملة من تلك الكلمات
ومن بين تلك الكلمات بخلاق الأيات القرآنية

(( العين صابتنى ورب العرش نجانى - عضة أسد ولا نظرة حسد - ما بتصلهاش يا عبيط الحلوة بالتقسيط - الحلوة ماشية تاتا تاتا وبتصرف على إخواتى التلاته - ما تبحلقش كده يا لوح دي جت بطلوع الروووح - الحلوه مش ورث دى جايه بطلوع الضرس - الحلوة خوخه جت بعد دوخه - الحلوة تفاحة للسفر والسياحة - متقولش دى بكام دى جاية بدهب المدام..الخ ))
هذا فيما يتعلق بالحسد
ولكن أحياناً يكتب السائق عبارات يخاطب بها غيره من السائقين على سبيل كل لبيب بالإشارة يفهم مثل
(( تعمل حسابي أقدرك تهزر معايا أعورك - الحلوه لما تتدلع تخلى الاسفلت يولع - سوقوا بالراحه يابهايم أصل سواق العربيه نايم - يا تهدى يا تعدى - دلعها فى الغيارات وريحها على المطبات - تركب معايا اسليك تنزل اولع فيك - لما كنت عصفور كلونى ولما بقيت اسد صاحبونى - ما تزعليش يا اموره بكره يركبلك مقطوره .... الخ ))
هذا بخلاف الأسماء التى يكتبونها عن أنفسهم مثل ( الكِرِع - الدكر - اللول - أبو رجل مسلوخه - سلطان زمانى - الصاروخ .... الخ ))
وبالطبع هذه ثقافات موروثة من أيام الحناطير والسوارس أيضاً ويتم الإضافة إليها بما تجود به القريحة المصرية المبتكرة لكل غريب

الشعب المصرى خفة دمه فى كل شىء وفعلا العادة دى

مش موجودة غير فى الشعب المصرى وبس .لكن الجملة

دى (متقولش دى بكام دى جاية بدهب المدام) اول مرة

اقراها بس دمها خفيف جدا .شكرا ام شروق على الموضوع

الطريف والجميل

الاعتراف بالحق فضيله
الراجل عايز يقول محدش ينق علينا
دى المدام باعت صيغتها علشان يشتروها
شكرا سعيد

مع ان قانون المرور بيمنع مثل هذه الكتابات

علي السيارات ويخالف فاعلها او مرتكبها

الا ان الناس لازالت تفعل ذلك

بل هناك من يضع حذاء طفل صغير اسفل لوحة السياره الاماميه

منعا للحسد ايضا
..........

لا حكاية الحذاء دى انا مشفتهاش
انما هى العبارات المكتوبه فى السياره من الخلف
عندما تكون عبارات تذكيريه او حكم الواحد بيطمئن لما يلمحها بيكون فال حسن
شكرا ابو جمال

وما خفي كان اعظم يازهرة في بلاوي تاني
كتيره برغم انها مضحكه والله لكنها تودي ورا الشمس هههه

تودى ورا الشمس من ناحية السياسه يعنى ولا ايه
طيب عايزين نروح نزور الشمس يا عبقر