| أمثلة توارثناها!! | |
|
|
|
كاتب الموضوع | رسالة |
---|
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: أمثلة توارثناها!! السبت فبراير 25, 2012 12:15 pm | |
| السلام عليكم ورحمة الله وبركاته
.................
موضوع قديم ....جديد
نتذكر فيه امثلتنا الشعبيه ومعانيها والي ماذا ترمي او
ما هو المقصود منها
كل منا يطرح ما يعرفه من امثال وخاصة الصعيديه منها
فهدفنا هو التعرف علي هذه الامثال
التي توارثناها في مجتمعنا الصعيدي او المصري عموما
يطرح المثل .....ونشترك سويا في تعريفه او المغزي منه
لنبدأ
بسم الله الرحمن الرحيم
(أنا ف همك أتاتي *** وأنت ف قلع وتاتي) | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! السبت فبراير 25, 2012 12:18 pm | |
| الموضوع شيق جدااا ورائع فعلا المثل ده انا اول مره اسمعه فى حياتى لذا وجب عليك الشرح يا ابو جمال الامتحان صعب ونحتاج لمدد | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! السبت فبراير 25, 2012 12:31 pm | |
| طيب ....
شكرا علي التشجيع بداية
والموضوع مفتوح للجميع والمدد من الله سبحانه وتعالي
نمسك المثل واحدة واحدة
أنا ف همَّك أتاتي
اي
انا اساندك واقف الي جوارك في كل ازماتك واحاول ان احل لك
مشاكلك ولا ادخر وسعا في مراضاتك بشتي السبل
وأنت في قلْع وتاتي
وتت بالعاميه معناها الفصيح وتد وجمع اوتاد... او اوتات في العاميه
المعني انه رغم كل ما تقدم من دعم ومساندة ومعاونه مني لك انت تحاول اقتلاعي
من امامك سواء اكان ذلك في العمل او في الجيره او في الصداقه او
اي شئ من هذا القبيل
يعني مقابلة الحسنة بالسيئة
..........................
المثل الجاي عليكي | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! السبت فبراير 25, 2012 12:55 pm | |
| اللى جاى هيحمل نفس المعنى تقريبا خيرا تعمل شرا تلقى | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! السبت فبراير 25, 2012 1:04 pm | |
| خيرا تعمل شرا تلقي
نعم يحمل نفس المعني تقريبا
ولكن ان يقال المثل بهذه الطريقه ففيه حث للناس علي عدم فعل الخير
لان ما سيقابله هو الشر....وهذا خطأ
...........................
خلينا بس نحاول نجيب الامثال الصعيديه شويه
.....
جم يساعدوه في قبر ابوه***** خد طّورِيّتُهْ ومشي | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: أمثلة توارثناها!! السبت فبراير 25, 2012 1:10 pm | |
| هههههههههههه بيدل علي الكسل والطناش وان الناس لما تاجي تساعدك ترمي الحمل كله عليهم وتبلغ فرار ولا كأنك صاحب الرمه
القرعه تتباهي بشعر بنت اختها | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: أمثلة توارثناها!! السبت فبراير 25, 2012 1:17 pm | |
| معلش ممكن اضيف مثل صعيدي انا مخدتش بالي
بيقولوا عامل للزق رقبه | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! السبت فبراير 25, 2012 1:46 pm | |
| لا ................جديد عليا المثل ده
ممكن تفسير؟؟ .............. | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: أمثلة توارثناها!! السبت فبراير 25, 2012 1:49 pm | |
| يعني وعلي حد علمي ياعمي انك تكون مدي انسان حجم اكبر من حجمه وعامل له اهتمام زياده وهو لايستحق هذا القدر من العناء والزق دا شيئ زمان مش قادر اوصفه بس هو ملهوش رقبه املس يعني زي ما تقول كدا ايه راسه مدفونه ولازقه في جسمه وانك تهنن فيه وتوصفه زي الزرافه رقبتها عاليه وكبيره وطويله وهو في الاساس ما ليهوش رقبه من الاصل وهذا والله اعلم هههههههه | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! السبت فبراير 25, 2012 2:07 pm | |
| صعبتم علينا الدنيا وانا معرفش فى الامثال الصعيدى طيب ممكن اقول مثل امه ساكته ومرات ابوه متطينه | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: أمثلة توارثناها!! السبت فبراير 25, 2012 2:30 pm | |
| يعني امه صاحبه الشأن ساكته لو جات لاابنها مصيبه لكن مرات ابوه علشان المظاهر الخداعه امام الناس بتعمل انها بتحب ضرتها وخلفت ضرتها وتقوم تطين بالطين والربراب كمان علشان الناس تقول ياسلام اهي هي دي الست العاقله الواعيه
حب مظاهر يعني
ايه تعمل الماشطه في العكره | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! السبت فبراير 25, 2012 2:39 pm | |
| الماشطه اللي بتسرح الشعر يعني قصدك؟؟
ولا انا مش فاهم والعكره مين طيب؟؟.
لا لا مش هسيبك ابدا اههههههههههههه
............... | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! السبت فبراير 25, 2012 4:14 pm | |
| ايش تعمل الماشطه فى الوش العكر يعنى لو الست اصلا مش حلوه وشكلها معكوك هتعدلها ازاى الماشطه تجيب لها حلاوه منين دا اللى انا فهمته يا ابو جمال صح ولا مو صح | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! السبت فبراير 25, 2012 4:23 pm | |
| انا معرفش بصراحه بس
ده ممكن يكون اقرب جواب للمثل
والمعني عند ابو حسام طبعا ....................
طيب
الوش وش بنتي ** والقفه قفه مرات ابني | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! السبت فبراير 25, 2012 4:35 pm | |
| ممكن تكون زى المثل اللى بيقول فى الوش سلايه وفى القفا حرباية | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! السبت فبراير 25, 2012 4:43 pm | |
| | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! السبت فبراير 25, 2012 5:19 pm | |
| | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الأحد فبراير 26, 2012 3:59 am | |
| يضرب هذا المثل للحما ...اللي هي ام الزوج
وعدم حبها لزوجة ابنها مهما كان
فهي لا تستطيع ان تحبها حتي وان كانت بنتها
والمعني لو ان الشرع اباح زواج الاخ من اخته
ففي هذه الحاله تقول ام الزوج لزوجة ابنها
التي هي بنتها ايضا
وجهك وجه ابنتي ...ولكن ظهرك ظهر زوجة ابني
اي الكراهه موجوده موجوده ..........................
الفالحة تغزل برجل حمار ..... | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! الأحد فبراير 26, 2012 8:47 am | |
| الفالحه تغزل برجل حمار يعنى الست الشاطره تعرف تتصرف مش هتتلكك بعدم وجود الشيخ هتعرف تدبر وتصرف امورها زى الحاجة ام الاختراع تشغل مخها بقى | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الأحد فبراير 26, 2012 12:31 pm | |
| بالضبط فعلا كده ..................
جانا الزمان لما يهِتّنا
ياخد مرات اخونا وجوز بنتنا | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! الأحد فبراير 26, 2012 4:57 pm | |
| لا دى صعبه قوى لو قعدت مية سنه افك طلاسمها مش هعرف | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الإثنين فبراير 27, 2012 7:59 am | |
| ولا صعبه ولا حاجه
لكن المثل بيبين انه دائما
مرات الاخ مكروهه من اخت وام زوجها
وزوج البنت احيانا كثيره مكره من ام الزوجه
لذلك هم يدعون عيهم ان ياخدهم ربنا
خاصة عندما كانت الاسره كلها تسكن ببيت واحد
اي الابن وزوجته واخواته واحيانا تحل عليهم ضيفه
ابنتهم وزوجها ...طبعا البيت بيبقي سمك لبن تمر هندي
جانا الزمان لما يهتنا
اي اللهم ابتلينا بمصيبه
ولكن فقط
هذه المصيبه تأخذ مرات اخونا وزوج بنتنا
عشان نرتاح منهم ومن دوشتهم
مثل دارج في الصعيد ومعروف .......................
كركوبة عقب لبن ............... | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! الإثنين فبراير 27, 2012 8:40 am | |
| طيب ليه مرات الاخ مكروهة ومرات الابن مكروهة امال مين اللى هيحبها مسكينه
...
كركوبة دى يعنى عجوزة عقب لبن نقدر نقول البواقى يعنى يعنى ايحاء بأنها بضاعة مضروبه مثلا | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الإثنين فبراير 27, 2012 8:50 am | |
| مرات الاخ مكروهه من اخت الزوج وامه
خاصة اخته الغير متزوجه
شئ من الغيره من زوجة الاخ ناتج عن اهمال الاخ لاخته
وعدم مساواته بها اي بزوجته
في ما يأتي به للبيت من طلبات ....................
وكذلك مكروهه من ام الزوج لانه بتحس انها بعد ما ربت وكبرت وعلمت
جات واحده غريبه واخدته منها ع الجاهز
طيب مسألتش نفسها هي حين تزوجت واخدت واحد ع الجاهز ؟
من امه وابوه مثلا... ....... | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! الإثنين فبراير 27, 2012 8:53 am | |
| طيب ما دى سنة الحياة لماذا يعتبر الابناء ملكيات خاصة ويكون فيه حساسيات لكنها النفوس البشرية والطبيعة التى خلقنا الله عليها وفى النهاية ينتهى كل شىء وتبقى الكلمة الطيبة | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الإثنين فبراير 27, 2012 9:00 am | |
| نعم هي سنة الحياة كما تفضلتي
ولا يدوم الا الكلام الطيب والمعروف
......................... | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! الإثنين فبراير 27, 2012 9:04 am | |
| طيب اطرح مثل مشابهه للموضوع اللى بنتناقش فيه ربى يا خايبه للغايبه | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الإثنين فبراير 27, 2012 9:11 am | |
| تمام هو ده بالضبط كده
.........................
طيب واشمعني البنت ما ينطبقش عليها المثل ده
ماهي بتربي ايضا وتعلم وتكبر وفي الاخر ياجي واحد
الله اعلم بيه صالح ام قابح وياخدها ايضا ................... | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! الإثنين فبراير 27, 2012 9:19 am | |
| علشان الام دايما فى مجتمعنا بتعتبر الابن الذكر هو الضهر والسند هو اللى هتعتمد عليه مش البنت ....رغم ان البنت هى اللى هتنفعها فى شدتها ومرضها لكن شىء مترسخ فى العقول قداسة الولد | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الإثنين فبراير 27, 2012 9:35 am | |
| ومع ذلك تقول في مثل جديد
( ودَّ العدو ودَّ العدوه ...جرّني جَرِّةْ الجِرُوّه** وودّ الحبيب ود الحبيبه ما لقي لي في البحر طريقه ) | |
|
| |
فراج يعقوب مشرف عام
عدد المساهمات : 467 العمر : 64
| موضوع: رد: أمثلة توارثناها!! الإثنين فبراير 27, 2012 11:01 am | |
| موضوع لذيذ ......بارك الله فيكم جميعا
علمناهم الشحاتة سبقونا عالبييان يارب أغننا من فضلك بجاه الحبيب صلى الله عليه وآله وسلم | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الإثنين فبراير 27, 2012 11:09 am | |
| بارك الله فيك شيخ فراج
علي التشجيع
لكن هل عندك تفسير للمثل السابق؟؟ ..................
نعم علمناهم الشحاته سبقونا علي البيبان
اظن انه يتطابق وبيت الشعر الذي يقول
وانا الذي علمته نظم القوافي*** فلما نظم قافية هجاني ....... | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الأربعاء فبراير 29, 2012 11:07 am | |
| ودَّ العدو ودَّ العدوه ...جرّني جَرِّةْ الجِرُوّه** وودّ الحبيب ود الحبيبه ما لقي لي في البحر طريقه ) | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! الأربعاء فبراير 29, 2012 12:09 pm | |
| | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الأربعاء فبراير 29, 2012 12:11 pm | |
| بس علي حماده مظنش ........ | |
|
| |
فراج يعقوب مشرف عام
عدد المساهمات : 467 العمر : 64
| موضوع: رد: أمثلة توارثناها!! الأربعاء فبراير 29, 2012 3:04 pm | |
| العدوة :زوجة الابن والحبيبة :البنت انقذها ابن ابنها من الغرق ومع ذلك قالت :جرني جرة الكلاب وأهملها ابن البنت ومع ذلك فهو لم يجد لها طريقا في البحر ياستار يارب زوحة الابن مكروهة مهما كانت اللهم ارزقنا حب حبيبك صلى الله عليه وآله وسلم | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الخميس مارس 01, 2012 8:10 am | |
| نعم شيخ فراج
تفسير صحيح للمثل
فهي عنما كادت ان تغرق في البحر لم تتحرك اليها مشاعر ابن بنتها
ةتحجج بعدم قدرته علي انقاذها....فقلت لم يجد لي في البحر طريق
اي طريقه للأنقاذ من الغرق ومع ذلك وصفته بأبن الحبيبه
اما ابن ابنها ..فعندما اوشكت علي الغرق قال ....هذا عاري وعار ابي
والابد من انقاذها مهما كلفني ذلك وبالفعل انقذها وجرها في الماء حتي اتي
بها الي الشاطئ بأمان...ومع ذلك تصفه بأبن العدوةوانه جرها جرة الجروّة
جمع جرو...وهو ابن الكلب اكرمكم الله ......................... | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: أمثلة توارثناها!! الخميس مارس 01, 2012 9:33 pm | |
| الشيخ فراج بارك الله لنا فيه يا كبيرنا فسر المثل خلاص يبقي نقول واحد جديد | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الجمعة مارس 02, 2012 8:37 am | |
| ماشي كلامك
بس مفيش حد غيري انا اللي يقول؟؟
ساعدوني شويه طيب ...............
مُرْكبْ جِلّه قابلت مركب كِرْس
قالت لها...سيري ياريحة الحبايب ..................... | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الأربعاء مارس 07, 2012 1:03 pm | |
| | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! الأربعاء مارس 07, 2012 2:52 pm | |
| اصل انا هدخل كالعاده اقول لك مش فاهمه يعنى ايه اصلا انا مش فاهمه غير كلمة مركب وسيرى يا ريحة الحبايب يعنى امضى وتقدمى هقول ايه طيب | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الخميس مارس 08, 2012 7:45 am | |
| يضرب المثل في للشبيهين من الاشياء الغير محببه
او الغير سويه...... كلصين مثلا او شيئيان متشايهان
في الشكل الغير مرغوب فيه
والجلة اعزكم الله هي فضلات الحيوانات..واذا لم تزال
من الارض لفترات فانها تختلط بالتراب ثم تجف وتصبح
لها اشكال اخري وهنا تسمي الكرس.. المعني ان هذا يشبه ذاك او هذا من ذاك
ولكن في الاشياء المذمومة فقط ............. | |
|
| |
زهرة الجنوب ...........
عدد المساهمات : 26070 العمر : 44
| موضوع: رد: أمثلة توارثناها!! الخميس مارس 08, 2012 8:41 am | |
| يعنى النوع واحد والطينه واحده فهمت شكرا ابو جمال على الشرح | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الخميس مارس 08, 2012 8:46 am | |
| نعم بالضبط ..............
طيب .............
بِيْلَوِّقْ من غير غَلَّهْ ............. | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الخميس مارس 08, 2012 10:31 am | |
| | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: أمثلة توارثناها!! الخميس مارس 08, 2012 9:35 pm | |
| طبعا هنا المقصود بيه انه بينكش علي شيئ ومفيش اصلا حبات او لب الموضوع اللي بيتنبش عليه يعني بمثال اوضح انا عامل زي مسمار حجا ومفيش مسمار اصلا واللوق زمان كان حاجه اسمها الملوقه يدري بيها ويدور علي الغلال ويصفيها من القش وينقيها منه
---------------- اللي متجيبوش العزومه تجيبه الدندفه | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الجمعة مارس 09, 2012 8:42 am | |
| لا لا يابوحسام
فيه ملوقه
وفيه مدرايه
بس انت كتر خيرك والله اللي فاكر الحاجات دي
المدرايه كانوا يلموا بيها الجرن كل ماعرضه يزيد عن عرض النورج اثناء
دراس المحاصيل كالقمح والفول والعدس والبرسيم وخلافه
وتستخدم ايضا ...في الدرايه للجرن اي فصل التبن عن الحب
اما الملوقه ..كان زمان اثناء الفيضان لما الميه تبتدي تروح من الارض بعد فترة غمرها
بفعل الفيضان ...تتحول الاراضي الزراعيه الي طين لين جدا...فيذهب المزارع الي ارضه
ومعه البذور ..فينثرها علي هذا الطين ..ثم ياتي بالملوقه لكي يداري الحب بالطين
حتي لا تأكله الطيور كالعصافير وغيرها
وكانوا يسمون تلك الايام بايام اللوق...وبعد اسبوع او اقل ...تنظر بعينك الي هذه المساحه التي
كانت مغموره بالمياه فاذا هب سجاده خضراء غايه في الجمال ..لان الزرع كله طالع مع بعضه
علي كد ما يجيب بصرك لا تجد الا هذه السجاده الخضراء جميلة المنظر
اما المثل يلوق من غير غله....اي يخلط هذا بذاك دون اي نتيجه مرجوه
من كلامه كالمزارع الذي يخلط الطين ببعضه ولكن لا حب تحته لينبت
اذن لويق من غير غله ...حكاوي ملهاش معني ولا فيها اي ثمره او نتيجه ......................
الدندفه ...اظنها نوع من البرود وعدم الاحساس ...زي النطاعه كده
او السفلقه ...يعني حتي لو معذمتهوش هيجيبه بروده ونطاعته وعدم احساسه ................. | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: أمثلة توارثناها!! الجمعة مارس 09, 2012 12:58 pm | |
| هههههههههههههههههههههههههههه والله العظيم انت باشا ياعمي سيبك انت وعلي رأيك كتر خير الدنيا كويس اني فاكر شوية حجات يعني علي كد الحال يمشونا في الزمن الاغبر دا
----------------
عريان سنه اشتكي الخياط علي يوم | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: أمثلة توارثناها!! الجمعة مارس 09, 2012 1:11 pm | |
| مستعجل قوي يعني ...
مجاتش علي دي
ما انت من يومك كده
........................ | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: أمثلة توارثناها!! الجمعة مارس 09, 2012 1:16 pm | |
| هههههه صح الكلام
اللي ما يسمع كلام كبيره يا كترة تعاتيره | |
|
| |
| أمثلة توارثناها!! | |
|