أبويا قالىّ نصـــيحَه وعادها ميتْ مَرّه
اوعاك تآمن فى يوم لرباية الضّــــــرة
ابنك خاويه علـّمه راح يسندك فى الكبر
ماتعَـوّدوش ع السّهر واوْعَاه يبات برّه
,,,,,,
لو مال عليك الزمن لأجل الظروف طاطى
وان جار عليك العويل ماتحطـّلوش واطى
شوف حدْ صاحْبـُه يكـُون متـْرَبىّ ع الغالى
واوعاك ياغالى فى يوم تمشى ورى الواطى
,,,,,,
اوعـاك تســـيبْ الكلام والشـُّوره للنـّـسْوان
وان عوزت سرّك فى بيراخفيه عن النسوان
احْـفظ كَـرامة الـولاد والـْـبسْ تيـَاب الأدبْ
لاتبقى خيـبـْـتك عجَب تلعبْ بيكْ النـّسْـوان
,,,,,,,
الـْحَـقّ لو تشــتريه ماتملّ يــُوم طلبـُـهْ
والقرش حافظ عليه ينفع فى يوم طلبهْ
ماتبيعش صاحْبك رخيص ترجع تلفّ عليه
تحْـتاجُه يوم ماتلاقـيهْ ويْعزّبـَكْ طـلبهْ
,,,,,,,
دارى على شمْعتك تمـْـلـَى حــياتك نـُورْ
عاينْ على سلـْعتك بيع واشترى فى النورْ
والصّدق لو يقـْـتلك موت الشهــيدْ يكـْـفى
والكدْب دايما بيطفى فْ وشّ صاحبُه النور
,,,,,,,,
اوعاك تخون اللىّ آمنك واللىّ فضله عليك
أو يوم تبـيعْ اللىّ عوزته ماعزّ نفسه عليك
افـتحْ حسَابْ للرّصيد بالحب عـَـند النـَّـاسْ
واعـْـمل بمالك مداس للىّ جـَمايله علــيك
,,,,,,,,
اصرف نظر ع اللىّ كان وصَبَحْ كأنه ماكان
دخل فى وسط الرجال مالقاش لنفسه مكان
دى الدنيا فــيها بشرْ باعُوا برخـْصْ التمن
متعلقــينْ فـــى الزمن بـيقولــوا كنـّا وكان
,,,,,,,,
أنا مش هاعـيشــلك وأيـَّامْ الزمن بتفــوت
وكلامى لكْ بأعـْـلنـُه واضح بعلوْ الصُّوت
ايّـاك فى كلّ الأمُور من غير أساس تـبنى
دى نصيحه يابنى ياريت تسمعها قبل مَامُوت
,,,,,,,سعد الشرقاوى
الإثنين فبراير 27, 2012 10:02 pm
