21
يا اهل الغرام اعلمونا عن جرايحكم
ديما أسارى الغرام عما جرى يحكم
والدمع فوق الخدود عما جرى يحكم
وآدى أمير الجمال صاحب قوام عادل
من بعد عرض الضنا واللى جرى يحكم
22
قوامك الغصن فى روض البها عادل
ووجهك البدر ماله فى الجمال عادل
من يوم عشقتك أراك عن مغرمك عادل
قضيت زمانى فى حبك جسم من غير روح
أشكى صدودك لحاكم فى الغرام عادل
23
أصل المحبه الوداد كل شئ مكتوب
وغلبت اسطر بدمعى كل يوم مكتوب
عجبى على ناس يقولوا يا متيم توب
يا شبكتى باختيارى عندما حبيت
لو كان خلاصى بإيدى لامنع المكتوب
24
من حق سود العيون يا بو خديد وردى
قالت أنا أجرح بلحظى من جنا وردى
أنا شفايا بنظره . ياترى وردى
مفيش كده أحسن . لاقبلك ولابعدك
ولاخلافك بطول العمر فى وردى
25
ليه حاجب الظرف يمنعنى وانا مدعى
لرى روض المحاسن من دما دمعى
كم افتكر ف احتجابك واشتكى وانعى
سلمت فى الروح ورضيت بالملام والنوح
قل لى وحق المحبه ما سبب منعى
26
يا للى عليك الليالى نبكى ونناهد
خلفت لى جرح بين القلب والناهد
إلى متى نسألك بالوصل ونناهد
من يملك الحسن مثلك يسترحم العشاق
العفو بالله سبيت القلب والناهد
27
أهل السماح الملاح دول فين أراضيهم
أشكى لهم ناس لم بعرف أراضيهم
وكم حفظت الوداد ونسيت مواضيهم
إن غبت عنهم بنار البعد اتكوى
وانمسنى قرب تجرحنى مواضيهم
28
يا بدر شوف مهجتى بالذل تشكى لك
راح فين ودادك وفين خطك وتشكيلك
يا طول عذابى بتلوينك وتشكيلك
وكل ما اطلب وصالك وارتجى قربك
ألقى لحاظك بسيف الفتك تشكى لك
29
مر الغزال الفريد من بعد ما سلم
شاكى سهام اللواحظ يا سلام سلم
فيا نسيم الصبا روح للحبيب سلم
وقول له عبدك المضنى تعالى شوفه
من يوم فراقك وهو بالروح بيسلم
30
الليل اهو طال وعرف الجرح ميعاده
وجف دمعى وجفنى من دمى عاده
عجبى على القلب فى حبه وأوعاده
لا نار اقول نار وهيه فى الفؤاد ابرح
وان باح بشكواه لا زاره ولا عاده
http://www.alalwani.net/vb/showthread.php?t=261887