قصيدة جلابية فى الزمالك

جلاّبيّة فى الزمالك

*******

أِشعار الدكتور صبرىإسماعيل

******

جلاّبيّة فى الزمالك

ساقطة من سقف المتاهة

فاكرة إنّ الجرى فى الملعب وجاهة

بين ضلوعها 100 سؤال

للبلد ساعة النقاهة

جلاّبيّة سجلّوها علينا جوون

جرح متلمِّس ب عاهة

سجّلوها كارت أحمر ,خرّجونا بالبداهة

كان ولد من قلب نيلها,أسمرانى بسّ خايف

من بقايا عهد زايف

اللّى نازل ليه مايعرف

صرخته فوق الشفايف

شقّت الصدر الحزين

م اللى شافه م الرجايف

واللّى شايف بسّ أعمى

واللّى أعمى بس شايف

لخبطوا فيه المعانى,بس لونه شكل تانى

لون خدودك ياصبيّة,والشعار الجلاّبيّة

ياترى مين الضحية

هوّ يجرى !!!!!, والهرم ينده عليه

مش مصدّق إنّ نيلنا بيناديه

والشهيد مادد إيديه

لاجل مصر تبقى فوق

واللّى ضحّوا لاجل كلّ الناس تِفووق

ثورة طالعة بالشروق

يسألوا نفس السؤال

فى الحوارى فى النوادى فى المقال

ليه مصممّ تِبقى أحزان الوطن قصّة وحكاية

ليه يكون الجهل خانة فى البطاقة والفساد يسكن معايا

ليه يكون العِلم هامش ,مش هدف أو حتّى غاية

ليه يكون الدجّالين والكذّابين همّا أبطال الرواية

همّا أبطال الرواية

شكرا ام شروق على القصيدة الجميلة وللأسف الجلابية

اصبحت من كوكب اخر ومش بعيد تكون لبس الارهاب وممنوع

ارتداءها فى مصر لدرجة انه علشان واحد نزل بجلابية

الدنيا قامت ولم تقعد وكأنه ارتكب ابشع جريمة فى

التاريخ .اصبح الجهل ملازمنا واصبح العلم وسلية وفقط

لذا سيعمنا الجهل وسينقرض العلم وسيزيد الفساد فى

عالمنا الذى نحياه .شكرا ام شروق

مش عارفه يا سعيد ركزوا عليه بالطريقه الغريبه دى ليه

مالها الجلابية مش فاهمه

شكرا سعيد

شكرا ام شروق

والشكر موصول للشاعر

ياناس ياهو الجلابية دى رداء مصر

التقليدى كل بلد فى الدنيا لها زيها

التقليدى الذى تتفاخربه حد يقدر يقولى

ايه الزى التقليدى لمصر غير الجلابية

البدلة والبنطال احنا مستوردينهم مش

بتوعنا غراب علينا زينا التقليدى هى

الجلابية التى يرتديها اكثر من 40% من

شعب مصر الجلابية ليس زى الصعيد فقط بل

كل الريف المصرى فى وجه بحرى وقبلى وشرقى

وغربى يرتدى الجلابية

عزيزتى تقبلى تحياتى

الناس نسيت اصولها يا استاذ محمد

وبقت الجلابية نشاذ

خلينا فى البودى والرمودا

والعفاريت المرسومه على التى شيرت

والبنطلون الساقط

شكرا استاذ محمد

زهرة بنت ساحة الطيب كتب:: جلاّبيّة فى الزمالك

*******

أِشعار الدكتور صبرىإسماعيل

******

جلاّبيّة فى الزمالك

ساقطة من سقف المتاهة

فاكرة إنّ الجرى فى الملعب وجاهة

بين ضلوعها 100 سؤال

للبلد ساعة النقاهة

جلاّبيّة سجلّوها علينا جوون

جرح متلمِّس ب عاهة

سجّلوها كارت أحمر ,خرّجونا بالبداهة

كان ولد من قلب نيلها,أسمرانى بسّ خايف

من بقايا عهد زايف

اللّى نازل ليه مايعرف

صرخته فوق الشفايف

شقّت الصدر الحزين

م اللى شافه م الرجايف

واللّى شايف بسّ أعمى

واللّى أعمى بس شايف

لخبطوا فيه المعانى,بس لونه شكل تانى

لون خدودك ياصبيّة,والشعار الجلاّبيّة

ياترى مين الضحية

هوّ يجرى !!!!!, والهرم ينده عليه

مش مصدّق إنّ نيلنا بيناديه

والشهيد مادد إيديه

لاجل مصر تبقى فوق

واللّى ضحّوا لاجل كلّ الناس تِفووق

ثورة طالعة بالشروق

يسألوا نفس السؤال

فى الحوارى فى النوادى فى المقال

ليه مصممّ تِبقى أحزان الوطن قصّة وحكاية

ليه يكون الجهل خانة فى البطاقة والفساد يسكن معايا

ليه يكون العِلم هامش ,مش هدف أو حتّى غاية

ليه يكون الدجّالين والكذّابين همّا أبطال الرواية

همّا أبطال الرواية

أختى الفاضلة أشكرك على نقلك هذه الرائعة التى جعلتنى أن اسجل فى المنتدى ولكنى أختلف معكم
لأن الشاعر لم يقصد الجلابية
كما قال هو نفسه فى منتدى أخر
ولم يستخدمها الا لكى يلفت الأنظار الى العنوان فقط فهو قصد جميع من نزل الى أرض الاستاد سواء لبس الجلابية أو البنطال أو غيره وأنا أرى فى القصيدة خطاب لكل الفاسدين بغض النظر عن المباراة
أشكرك وبارك الله فيك
[b]

شكرا اختنا شمس

وسعداء بالمصادفة التى جعلتك تسجبين فى المنتدى

والقصيدة علمنا مجمل كلامها لا بنحصر فى نطاق الجلابية

انما المقصد رثاء لما يحدث من مهازل ..وامل فى غد مشرق

به مزيد من التفاعل مع القضايا الحياتية الهامة واغلاهم قضية الحرية
والصحوة الانسانية ..لكنا تحدثنا عن ما تعرض له لابس الجلابية من تعليقات وتعقيبات

وذلك غيرة على زينا الاصيل

شكرا لكِ واهلا بك معنا

أنا بس باتكلم عن وجهة نظر الطبيب الذى فسرها فى منتدى ابن مصر
واشكرك على الرد والاهتمام
اختك الشموس

نسال الله ان يصلح لنا الحال

وسواء اكان بجلابيه او بدونها

ما حدث كان خطأأ بكل المقاييس

شكرا ام شروق

شكرا ابو مرح والخطأ كان من فلول النظام البائد لاحباط الثورة وتشويهها

ربنا يرد كيد الكائدين

» الراجل ابو جلابيه بتاع الزمالك
» الراجل ابو جلابية على مودرن الان
» اخر اخبار الزمالك
» الزمالك يفوز على الشرطة
» الاهلى يفوز على الزمالك