>منتيش حبيبتى <

موضوع: >منتيش حبيبتى < الجمعة مايو 27, 2011 6:31 pm

غصب عنى
أعمل ايه
لما تقسي ولما تقسي ولما تقسي أعمل ايه
أطوي جوعي بعد جرحك واعصر القضبان عليهم
وانسى دمى وانسى رملك
وانسى حضن الليل فـِ ليلي لما ضمك
ولَّا أخرج من حياتك
للي خانك واللي باعك واللي خلى العمر فاتك
وانتى لسه ف عشريناتك
يا صبية
ولّا أكتبلك بقسوة زى كرباجك عليا
ولّا ولّا
ألف ولّا لو تجينى
تلعنيني
تكرهي بينك وبينك
تقطعى شريان حياتك من حياتى
صدقيني
عمري ما كرهتك ف سري
وانتى كنتى بتخنقينى
كنت بشهدلك تملي
حتى وانتى بترفضينى
واما قلتى لأه كانت
لأتى سابقاكى شاهده ع التاريخ
واما قلتى حره كات ريحت البارود ماليانى
لكن منتشي
فرحان كأن الليله ليلة زفتى وانا ف الميدان
والكل بيهنينى بالموت اللي راسم قصتى
وياكى بحر ومركبين
فمتزعليش انى كتبتك يوم ف شعري
- م الوجع - أيام زمان
"منتيش حبيبتى"
ده انا كنت سيد الكدابين
وحروفها كانت دابحه لكن
قلت جايز تفهميني وترفضي
واما رفضتى القهر قطعت الورق
عبيت بارود السفاحين جوايا
وحرقت القصايد كلها
وكتبتلك "مبروك عليكى المعجزة
ياللي حبيبتى"
- والوجع بيسد عينى عن ترابك للسما –
طالع شهيد .

م ن ق و ل

شكرا ام شروق

كلمات جميلة ومعبرة

تقبلى تحياتى

كلمات جميلة جدا ولا تليق الا على مصر

شكرا ام شروق على الموضوع الجميل

والانتقاء المتميز وحب مصر سيبقى يسكن

القلوب حتى لو قست مصر على ابناءها

محمد ابوالعبادى كتب:: شكرا ام شروق

كلمات جميلة ومعبرة

تقبلى تحياتى

شكرا استاذ محمد
الكلمات فعلا معبرة وجميلة

سعيدالعارف الضبع كتب:: كلمات جميلة جدا ولا تليق الا على مصر

شكرا ام شروق على الموضوع الجميل

والانتقاء المتميز وحب مصر سيبقى يسكن

القلوب حتى لو قست مصر على ابناءها

قسوة الام على الابناء

قسوة مشوبة بالحنية

لا الام تقدر تسيب ولادها

ولا ولادها عينسوها

شكرا سعيد

» إنى أرى برهان ربى يا حبيبتى
» حبيبتى لا تغارى
» حبيبتى والليل
» حبيبتى من تكون
» لا تنامى حبيبتى