عتاب الايام

موضوع: عتاب الايام الأربعاء سبتمبر 21, 2011 1:23 pm

عجبي عليك يازمان كل ساعه بحال

يوم حلو ويوم مر ومبدل الاحوال

يوم بتفرحنا وكتير تبكينا ومغير الاحوال

شايل همومي علي اكتافي والجرح معايا طال

الفرح عمره قصير والحزن عمرة طال

ياتري يادنيا هياجي عليكي اليوم وتوبي

وتفتكريني بالفرح ولا الحزن مكتوبي

عايش سنين فيكي حيران ومن الفرقه بتألم

شايل جبال من الهم ومش قادر اتكلم

خايف يلوموني الناس وانا لسه بتعلم

غدرك كواني وجرحك في الحشي علم

بقول يانفسي توبي وللرحمن ارجعي تاني

عديتي حدود الصبر والدنيا لهياني

مشيتى ورا الاطماع ومش قابله رجوع تاني

بعدتي كتير وكتير بلتيني في الاول وفي التاني

ماشي في طرقي يوم لقيت خبر جميل جاني

وكأنه هادف بيتكلم وكلامه بيرن ف وداني

همس وقالي مكنت علي الشط وايه جابك هنا تاني

بر الامان تركته هناك عاود ليه ياحبيبي من تاني

سكت لحظات ... وقفت براجع حسابي القديم تاني

وقلت اه يازمن جبار مافيك حاجه وغلباني

صبحت ادور عليها واتاري النفس نسياني

ماشي بدور عليها وهي معايا وشيفاني

وانا من كتر الهموم مش قادر امشي في مكاني

رقدت عليل مدة ايام ولا واحد حبيب جاني

شلة اصحابي كانت معاي صحاب السوء مأنساني

ليالي طويله سهر ومرح ومفيش حساب تاني

نسينا الصلاه والصوم ولسه في حساب تاني

ياتري يوم اللقا الموعود هنتجمع كدا تاني

حسابات بتدور في عقلي وكلام كتير جاني

والمرض صبح ممكون في الجسم السليم تاني

جاني طبيبي وكشف وقال والكشف مجاني

وقالي طبيبي مفيش دوا ينفع معاك تاني

دواك في التوبه وما لهوش بديل تاني

قلت ياعيني كفياني بكا ونواح والايام تعود تاني

ركعت للرحمن ودعيت يارب اقبلني من تاني

غلط انا وأسيت وعصيت وراجع لبابك ياربي من تاني

تقبل التوبه مني ولرحمتك اعود انا تاني

النفس امارة بالسوء وتوبه علي مشي الخسيس يعود تاني

ابو حسام

ايه ده ...ايه ده ....ايه ده

دا انت مدكن علي كده واحنا مش داريين

كل ده ؟؟؟.....ماشاء الله

جميله والله يابو حسام

مش بقول لك غواص في بحر السها

تغطس وتطلع لنا بهذه الروائع القيمه

بجد جميله جدا ...انا قرات اول بيت ومحسيتش الا لما لقيت نفسي

عتد الخط الاحمر ....ابو حسام

كل الشكر علي هذه الابيات الرائعه
............................

عمي وحبيبي واستاذي
انا لااستحق كل هذا الاطراء
هي مجرد خواطر ليس الا والله
وبعدين نروح احنا فين في بحورك ياعمنا
يادوب بنحاول نخرج حاجه صغيره نقلدك فيها
ربنا مايحرمنا منك ولا من تواجدك المتميز
شاعرنا الكبير واستاذنا الغالي وعمنا الحبيب
دمت لنا نجم السها الاول ابو جمال

دوما مبدع يا ابوحسام وتخرج علينا بجميل الالفاظ والمعانى

وزى ما قال ابوجمال تلاقى نفسك فى النهاية عند الاسم بالاحمر

انا كنت فاكره زجل من بتاع ابوحسام الذى يجيد انتقاؤه بعناية

وفوجئت عندما وجدت الاسم فى نهاية هذه الكلمات الجميلة

ليكتمل جميل الانتقاء مع روعة الكتابة .شكرا ابوحسام على

الكلمات الرائعة وننتظر المزيد من هذه الروائع لاننا لانشبع

منها ونشتاق دوما اليها . تقبل وافر التقدير والاحترام

ربنا يخليك يا سعيد
نورت الموضوع بتشريفك ليه
واحنا بنتعلم منكم ياريسنا ربنا مايحرمنا منك

عتاب النفس للنفس وتصفية الحسابات مع النفس

صورة من اروع ما يكون للغة الخاطرة والمحاورة مع النفس والدنيا

وهذه تحدث مع الناس الطيبين اذ دوما لهم وقفات مع انفسهم معترضين على الحال القائم

سرد زجلى جميل يا نجم الفن الشعبى مش غريب عليك

وبه شجن تحبه اختك وتراجيديا مآساة شىء اسمه الدنيا نعيش فيها

شكرا عبقرينوو لا حرمنا الله من كتاباتك

لحقتي خليتي اخوكي نجم وشهاب كمان هههههه
عارفك تموتي من غير نكد يا زهرة
ربنا مايحرمنا من تعليقاتك الطيبه يا ام شروق

» من غير عتاب يازمن
» *عتاب النعـــــم*
» عتاب ..بلا جواب!
» عتاب ..ولكن!!!
» عتاب وأشواق \يوتيوب