| إوعى تزعل يا زملكاوى | |
|
+3حماده محمد سعيدالعارف الضبع زهرة الجنوب 7 مشترك |
كاتب الموضوع | رسالة |
---|
زهرة الجنوب ...........
عدد المساهمات : 26070 العمر : 43
| موضوع: إوعى تزعل يا زملكاوى الخميس أكتوبر 06, 2011 4:54 pm | |
| إفرحـَــلك كـَــــام يــُــــوم ... دة إنــت سـَــبع سنين محـَــرووووومْ
الشاب اللى عنده 18 سنه شاف فى السبع سنين الأخيره : كسوف الشمس 4 مرات ,خسوف القمر 7 مرات , عدى عليه 2 تسونامى , بركان آيسلندا , إعصار كاليفورنيا , سقوط رؤساء , مذابح فلسطين , إنقسام السودان , ثوره تونسيه وثوره مصريه , إحتباس حرارى , إنفلوانزا خنازير آى فون وآى باد , جوجل وفيسبوك ويوتيوب , لكن عمره ما شاف الزمالك بيأخد الدورى ولا مره
===========\\=============\\==========
بارك لاخوك الزملكاوي . . ابتسم في وجهه . ... . سيبو يفرح و يتريق عليك براحته. . حسسه انه شخص طبيعي . .وكمان متنسـاش تنمى روح الوطنية عنده إبقى فكــره بس وقوله " شعب واحد .. وطن واحد .. سـَـتة واحد " أنت متعرفش الرجل ده شاف ايه في حياته وللاسف احنا كنا السبب . . اشترك في حملة : إفرحلك كام يوم .. ده انت 7 سنين محروم
منقوول | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: إوعى تزعل يا زملكاوى الخميس أكتوبر 06, 2011 5:11 pm | |
|
ههههههههههه انا عن نفسى اول مشترك فى الحملة دى
ومن دلوقتى هسيب الزملكاوية يفرحوا ويقولوا اللى هما
عايزينه علشان ما يحسوش انهم مضطهدين فى البلد ونقوى
روح الانتماء . شكرا ام شروق على الموضوع الطريف
| |
|
| |
حماده محمد مشرف المنتدى العام
عدد المساهمات : 2178 العمر : 64
| موضوع: رد: إوعى تزعل يا زملكاوى الخميس أكتوبر 06, 2011 5:17 pm | |
| جميل جدا ... معني كده أنك صاحبة حملة خدوا سته رايح خدوا أربعه جاي .. كفايه .. سبيهم يفرحوا الجماعة تعقدوا يغيروا مدربين يغيروا حراس مفيش فايده سبيهم يا أم شـــروق لأعصار أنبـــي | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: إوعى تزعل يا زملكاوى الخميس أكتوبر 06, 2011 5:24 pm | |
| انا تور الله فى برسيمه فى حكاية الكوره دى وانا شايفه ان الحاج حماده وسعيد بيتريقوا انا فاعلة خير ليس الا لما ييجى حد بقى من الزملكاويه يرد عليكم فينك يا حماده فينك يا مصطفى | |
|
| |
ايمن العارف الضبع عضو vip
عدد المساهمات : 1424 العمر : 35 الموقع : الرياض
| موضوع: رد: إوعى تزعل يا زملكاوى الخميس أكتوبر 06, 2011 5:26 pm | |
| هو ممكن يكون تعاطف اكتر منه تريقة يا ام شروق
وبعدين هي فكرة حلوة خليهم ياخدوا نفسهم شوية
تعبوا وعانوا جامد الله يكون في عونهم .
| |
|
| |
زهرة الجنوب ...........
عدد المساهمات : 26070 العمر : 43
| موضوع: رد: إوعى تزعل يا زملكاوى الجمعة أكتوبر 07, 2011 9:18 am | |
| كلامك برضه يا ايمن مش مريح فيه استضعاف لهم صح ولا انا غلطانه انا بولع الدنيا بس مش اكتر | |
|
| |
ايمن العارف الضبع عضو vip
عدد المساهمات : 1424 العمر : 35 الموقع : الرياض
| موضوع: رد: إوعى تزعل يا زملكاوى الجمعة أكتوبر 07, 2011 1:18 pm | |
| وعلي ايه خلي المنتدي هادي احسن
وبعدين الاهلوية روحهم الرياضية
عالية ولو الزمالك اخد الكأس هتلاقينا
اول المهنئين
| |
|
| |
زهرة الجنوب ...........
عدد المساهمات : 26070 العمر : 43
| موضوع: رد: إوعى تزعل يا زملكاوى الجمعة أكتوبر 07, 2011 1:24 pm | |
| انا نفسى يباد الاهلى على الزمالك على الكوره كلها ونرجع للفروسية والعوم ويكون التركيز عليها اكثر تخلف انا عارفه كده بس دى وجهة نظر ليس الا | |
|
| |
ايمن العارف الضبع عضو vip
عدد المساهمات : 1424 العمر : 35 الموقع : الرياض
| موضوع: رد: إوعى تزعل يا زملكاوى الجمعة أكتوبر 07, 2011 1:32 pm | |
| وجهة نظر سليمة مائة بالمائة فالفروسية والعوم
من اهم الرياضات ولكن كرة القدم ايضا رياضة
جميلة ومفيدة للجسم اذا قمنا بممارستها وليس مجرد
التشجيع الاعمي والتعصب لها دون فائدة . | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: إوعى تزعل يا زملكاوى الجمعة أكتوبر 07, 2011 7:58 pm | |
| | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: إوعى تزعل يا زملكاوى الجمعة أكتوبر 07, 2011 9:22 pm | |
| دافع عن نفسك يا زملكاوى ضد القهر مش تقول لا تعليق | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: إوعى تزعل يا زملكاوى الجمعة أكتوبر 07, 2011 9:39 pm | |
| ايضا للمرة الثانيه لاتـــعــــلــيق
| |
|
| |
زهرة الجنوب ...........
عدد المساهمات : 26070 العمر : 43
| موضوع: رد: إوعى تزعل يا زملكاوى الجمعة أكتوبر 07, 2011 9:46 pm | |
| ماشى بس دى هزيمه وهتشمت فينا الناس كده برضه | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: إوعى تزعل يا زملكاوى الجمعة أكتوبر 07, 2011 9:49 pm | |
| ولا تفرق معانا اصلا اي ردود افعال لانها الغيره لخروجهم من الكأس من دور ال16 وانتي السبب من الاساس
| |
|
| |
زهرة الجنوب ...........
عدد المساهمات : 26070 العمر : 43
| موضوع: رد: إوعى تزعل يا زملكاوى الجمعة أكتوبر 07, 2011 9:54 pm | |
| ايوه كده طوبه على طوبه على رأى مارى منيب | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: إوعى تزعل يا زملكاوى الجمعة أكتوبر 07, 2011 10:05 pm | |
| ههههههههههه احنا نغير وبعدين كاس ايه اللى يهمنا ده
احنا لما بناخده مش بنحتفل به اصلا علشان ملهوش لزوم
بس الكعكة فى إيد اليتيم عجبة | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: إوعى تزعل يا زملكاوى الجمعة أكتوبر 07, 2011 10:08 pm | |
| | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: إوعى تزعل يا زملكاوى الجمعة أكتوبر 07, 2011 10:09 pm | |
| براحتك يا عم ما انتوا افتريتو علشان نهائى الكاس
| |
|
| |
مصطفى عدلى مشرف منتدى الادب والفنون
عدد المساهمات : 346 العمر : 39
| موضوع: رد: إوعى تزعل يا زملكاوى الجمعة أكتوبر 07, 2011 10:58 pm | |
| بالرغم من عدم جدوى التعليق على الاهلاويه هذا لأنهم بكل بساطه لا يعترفو بالحقائق التى تقول ان الاهلى كان من النظام القديم وعندما سقط النظام القديم بقياده مبارك سقط معه النادى الاهلى ولن تقوم له قائمه بعد اليوم وهذه بعض الحقائق التى تؤكد ان الاهلى كان جذء من نظام مبارك كانت الثلاثون عاما الماضية وهي فترة الحكم البائد برئاسة مبارك قد شهدت ارتباطا وثيقا بين رجال النادي الأهلي ونظام الحكم في مصر والحزب الوطني حقق خلالها العديد من المصالح على المستويين الإفريقي والمحلي وتعززها الشواهد , واستطاع النادي الأهلي في هذه الفترة آن يحقق انجازات غير مسبوقة تراها جماهير القطب الزملكاوي أنها كانت مدعومة بقرارات " عليا " يديرها اتحاد كرة قدم " احمر " خالص وكلها كانت تصب في مصلحة النادي الأهلي أولا وقبل إي ناد آخر.
ويرتبط رئيس النادي الأهلي حسن حمدي الذي يتم التحقيق معه ألان من قبل جهاز الكسب غير المشروع في العديد من المخالفات المالية بصفته مديرا لوكالة الأهرام للدعاية والإعلان بعلاقات شخصية " جدا " مع صفوت الشريف " سيناريست الحكومة الأول " ومع ابنه " وتورطا معا في العديد من القضايا المالية المتعلقة بالفساد فضلا عن ارتباطه " الوثيق " بالهارب بأموال الدولة إيهاب طلعت الممول السابق لصفقات النادي الأهلي , كما انه يرتبط بعلاقة وثيقة مع ياسين منصور رمضان " عضو مجلس إدارة النادي الأهلي السابق " والهارب خارج مصر " وهو شقيق وزير النقل الأسبق وله صلة قرابة مع زهير جرانة وزير السياحة السابق واحمد المغربي وأنجز مع النادي الأهلي صفقات من العيار الثقيل بأموال الأراضي المنهوبة .
كما يرتبط مجلس إدارة النادي الأهلي بعلاقات وثيقة مع" مجدي راسخ " صهر علاء مبارك نجل الرئيس المخلوع المتهم أيضا بالاستيلاء على أراضي الدولة وبيعها " بعد تسقيعها " والعديد من قضايا التربح والفساد .
كما أن رجل الأعمال صفوان ثابت عضو مجلس إدارة النادي الأهلي المتورط في قضايا فساد أيضا كان احد " تروس " العجلة الحمراء .
ولم يحالف التوفيق الكابتن عدلي القيعي عندما حاول أن يبرأ ارتباط النادي الأهلي بالنظام في برنامجه الأسبوع الماضي وكان عليه أن ينظر حوله جيدا وان يقرأ الأحداث قبل أن يقدم على هذه الخطوة .
والغريب أن القيعي حاول أن ينسب النظام السابق إلى نادي الزمالك " وعلى رأي جماهير نادي الزمالك " كان زمانه فاز بالدوري 35 مرة " , أو على الأقل ما كان نادي الزمالك يعاني طوال الست سنوات الماضية من أزمات إدارية, فضلا عن سرقة العديد من اللاعبين " عيني عينك " والمساعدات التي يقدمها الحكام بشكل مستمر للأهلي وتمنحه الألقاب على طبق من ذهب . وانتظرو الاهلى بدون نظام مبارك ولنر ماذا سيحقق من بطولات | |
|
| |
مصطفى عدلى مشرف منتدى الادب والفنون
عدد المساهمات : 346 العمر : 39
| موضوع: رد: إوعى تزعل يا زملكاوى الجمعة أكتوبر 07, 2011 11:03 pm | |
| وحقا اوع تزعل يازملكاوى وفخر لنا حقا ان نكون زملكاويه فهذا فى حد ذاته فخر لنا مدرسه الفن والهندسه مسيرها راجعه زى زمان من تانى هنفتح المدرسه بقياده شيكا بالا الفنان ومهما قالو عليك يازمالك مش هياثر فينا كلام العملاق ديما عملاق حتى ان ظلمونا الحكام لابناخد دورى بالواسطه ولا بيساندنا الاعلام ولا بنتمحك فى السلطه ولا عندينا حد نظام حبك يازمالك ف قلوبنا مسيرنا هنخطى الاحزان نرجع تانى ملوك افريقيا ناخد الكاس والدورى كمان وكفايه يااعلامنا يامصرى بطلو دبح وكتر كلام والزمالك مش لاعيبه الزمالك قلعه كيان من عاشق مدرسه الفن بهدى لجمهورنا احلى سلام حبك يازمالك فى عقولنا اسمك جو صدورنا وسام
| |
|
| |
ايمن العارف الضبع عضو vip
عدد المساهمات : 1424 العمر : 35 الموقع : الرياض
| موضوع: رد: إوعى تزعل يا زملكاوى الجمعة أكتوبر 07, 2011 11:24 pm | |
| والله انا خايف علي الفرحة دي متدومش ويكون عمرها قصير
علشان الزمالك متعود يحبطكوا كل شوية علي العموم مش
عاوزين نكدب علي نفسنا ونقول ان الاهلي كان بياخد البطولات
بسبب النظام السابق والنظام السابق كفاية اللي هو فيه هنضيف عليه
كمان بطولات الاهلي . وبعدين لو رجعنا لما قبل مبارك
يعني علي ايام السادات ومن قبله جمال عبد الناصر ومن قبلهما ايضا
كان الاهلي مسيطر علي البطولات في مصر سواءا الدوري او الكأس
فهل كان هناك فساد يقف الي جانب الاهلي ايضا واذا كان الاهلي
اخذ بطولاته بالفساد فلماذا لا يكون الزمالك ايضا قد اخذ بطولاته
بالفساد ام ان الفساد حكر علي الاهلي فقط كالبطولات . | |
|
| |
مصطفى عدلى مشرف منتدى الادب والفنون
عدد المساهمات : 346 العمر : 39
| موضوع: رد: إوعى تزعل يا زملكاوى الجمعة أكتوبر 07, 2011 11:30 pm | |
| قس البطولات التى حققها الاهلى طيله الثلاثون عاما الماضيه
وما كان قبلها
وما سيكون بعدها ستجد الفرق واضح وضوح الشمس
وحتى ان لم يحقق الزمالك بطوله الكأس كفانا ظهوره بمظهر مشرف
فلسنا نشجع لاعبون ولكننا نشجع هذا الكيان
______
والزمالك مش لاعيبه الزمالك قلعه كيان
____________
وبرضه احنا لا نقصد الأسائه الى جماهير الاهلى لأنهم اهلنا وأخواننا
ولكننا نقصد الأشاره الى اداره الاهلى التى كانت من تروس النظام السابق
__________
مسائك فل ياايمن بيه | |
|
| |
ايمن العارف الضبع عضو vip
عدد المساهمات : 1424 العمر : 35 الموقع : الرياض
| موضوع: رد: إوعى تزعل يا زملكاوى الجمعة أكتوبر 07, 2011 11:38 pm | |
| مساء الورد يا استاذ مصطفي
بس انا برده معرفتش ايه دخل الفساد في المستطيل الاخضر
الجميع يعلم ان المستطيل الاخضر لا يعترف الا بالعرق
والمجهود وحتي لو وجدنا نسبة حظ فإن الحظ لا يأتي الا لمن
يتعب اكثر والفساد الذي قد يساند الاهلي من المستحيل ان يستمر معه
كل هذه الفترة وان كانت ادارة الاهلي الحالية فاسدة فماذا عن صالح سليم
ولا ننسي ان لاعبي الاهلي كانوا معظم لاعبي
المنتخب في الفترة الاخيرة فمعني ذلك ان المنتخب لم يأخذ
بطولاته بتعب ولا مجهود ولكنه اخذ بطولاته نتاج فساد
الاهلي الذي وفر له افضل لاعبي مصر . | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: إوعى تزعل يا زملكاوى الجمعة أكتوبر 07, 2011 11:42 pm | |
| | |
|
| |
مصطفى عدلى مشرف منتدى الادب والفنون
عدد المساهمات : 346 العمر : 39
| موضوع: رد: إوعى تزعل يا زملكاوى السبت أكتوبر 08, 2011 12:45 am | |
| الفساد قد يطول اى شى حتى كره القدم
والمنتحب كان منتخب مصر وليس الأهلى
ودعنا فى الاستطراد فى مناواشات لن تنتهى
فاليوم بالذات كانت هناك مبادره لنبذ التعصب بين الاحمر والابيض
وجماهير الانديه الشعبيه فى مصر
فدعنا ندعم هذه المبادره ونبتعد عن هذا الشحن الذائد
مساء التفاؤل يأهلاويه
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: إوعى تزعل يا زملكاوى السبت أكتوبر 08, 2011 12:49 am | |
| مساء الفل يا زملكاوى
وسيبكم بلا وجع قلب والله ما فيه غير الجمهور
اللى تعبان لكن اللاعيبة ولا تفرق معاهم . واحنا
نسينا الحملة بتاعتنا ضد التعصب للأسف | |
|
| |
محمد ابوالعبادى مشرف المنتدى العام
عدد المساهمات : 933 العمر : 59
| موضوع: رد: إوعى تزعل يا زملكاوى السبت أكتوبر 08, 2011 1:16 am | |
| اخوتى الاعزاء زملكاوية واهلاوية
وخصوصا اخى العزيز مصطفى بيك عدلى
خلينا من السياسة والادب الان ونتكلم شوية فى
الدائرة المستديرة
من قال ان الاهلى كان يرتبط بالنظام البائد
وعموما يا اخى عقدة الاطهاد التى يعانى منها
اصحاب الذى الابيض دى طبيعة اى اقلية فى الدنيا
دائما يشعرون ويحاولون بشتى الطرق اقناع العالم
با الاكثرية تطهدهم اما ما استشهدت به من رجالات
الاهلى فرئيس النادى الاهلى لم يزل على كرسيه
واذا كان حرامى ومرتشى لقبض عليه فورا المهم
ياعزيزى ولو ثبت تورطه فى شئ اول من سيحاسبه
هو جمهور الاهلى ولكن لماذا تناسيت مرتضى منصور
بك صاحب موقعة الجمل الشهيرة وهو رئيس نادى
الزمالك لماذا تناسيت ممدوح بيه عباس اكبر
اقتصادى فى مصر يرتبط بعلاقات اقتصادية وثيقة مع
اسرائيل اليس هو ايضا رئيس نادى الزمالك لماذا
تناسيت حسام بيه ابو الفتوح صاحب اكبر قضية
دعارة فى مصر مع الراقصة دينا اليس هو من كان
سيخلف والده حسن ابو الفتوح على كرسى رئاسة نادى
الزمالك لماذا تناسيت رجب هلال حميدة بيه وهو الان
فى العمبوكة يحاكم على دوره فى قتل المتظاهرين
وهو من هو فى نادى الزمالك ثم لنعود الى الخلف
شوية اذا كان الاهلى فى السبعة اعوام السابقة فاز
بالبطولات لان النظام كان يسانده طيب الدورى اقيم
اول مرة عام 1948 الاهلى فاز به 34 مرة مقابل
11 مرة للزمالك هل كان ايضا نظام الملك فاروق
ونظام الزعيم جمال عبد الناصر والسادات يساندون
الاهلى
هل تريد تاريخ النادين ومتى انشئا وكيف تم
انشاء كل نادى ومن الذى انشاه فى الحلقة القادمة
اوعى تزعل منى فرفش دحنا فى ثورة
وعموما هنعملكم حملة للوقوف على ابواب المساجد
للم التبرعات عشان تدفعوا المية والكهربة
المتاخرة عليكم بقالها كام شهر
واهو كله بثوابه
اوعى تزعل يا درش
دى تخاريف كورة تحياتى | |
|
| |
مصطفى عدلى مشرف منتدى الادب والفنون
عدد المساهمات : 346 العمر : 39
| موضوع: رد: إوعى تزعل يا زملكاوى السبت أكتوبر 08, 2011 1:47 am | |
| ههههههههههههه
ياعم محمد انت عارف انى مقدرش ازعل منك انت بالذات
وبعدين أحنا بنقول خلينا حبايب وبلاش نقلب فى المواجع لأنها لن تنتهى
وعلى فكره انتو اللى ابتديتو فى الكلام
ولكننا برضه احنا روحنا الرياضيه وحبنا لبلدنا قبل الزمالك والاهلى فوق كل شىء
منتظرينكم يوم الثلاثاء علشان تقولولنا مبروك عليكم الكأس
واحنا هنتنازل ونقولكم الله يبارك فيكم
مساء الرياضه يأأستاذ /محمد | |
|
| |
| إوعى تزعل يا زملكاوى | |
|