ادب الصلاة على النبى

أوصانا الحبيب عليه افضل الصلاة والسلام ان نكثر من الصلاة عليه ومن صلى عليه صلاة صلى الله بها عليه عشرة
جميل ان جدتى لما تحكيلنا حدوتة تقول صلو على النبى الاول او مثلا وانت ناسى حاجة تصلى على النبى عشان تفتكرها لكن فيه بعض المواقف باشوف الناس بتصلى على النبى واقول ياريته ما صلى عليه


مثلا:-

-واحد بيعاكس واحدة يقوم ماسح مسح جغرافى لكل تضاريسها بعينيه ويقول اللهم صلى على جمال النبى ده ينفع؟


-واحد عاوز يوصل لك رسالة انك لازم تسيب حقك وتاخد على دماغك وتسكت يقوم يقولك ياعم صلى على النبى


-واحد بيفتح معاك نميمة وانت بتقوله دع الخلق للخالق يقولك صلى على النبى ده كيت وكيت وكذا وكذا


-والافظع بقى زفة فى فرح والكل ناسى يلبس هدومه والراقصة الفاميلى سايز تترنح والكل يصفق صلى على النبى صلى على النبى او صلى صلى واللى ما يصلى مش عارف ابوه ايه وامه ايه ده ينفع


- طيب مثلا يعنى دول ناس بيئة مثلا وياى منهم

الناس بقى اللى مش بيئة فى اول الفرح (والكل برضو بينسى يلبس هدومه صيف وشتاء) تلاقى هشام عباس يغنى اسماء الله الحسنى والناس آخر خشوع وأول ما يقول اللهم صلى على اسعد مخلوقاتك هوببا تلاقى الكل بيتمايل ويصفق والبعض يرقص فيه ايه ياناس
واللا اللى بيرقصو على اغانى سامى يوسف واللى برضو بيصلى فيها على النبى

ياجماعة لازم ذكر النبى له احترامه وآدابه ماينفعش نقرنه بافعال غير مناسبة طيب ارقصو على حكيم او العنب لكن كله الا ذكر النبى


مستغرب من ان المسلمين لا يحترمون ذكر نبيهم بالقدر الكافى مهما اختلفت الافكار ولكن فعلا نحن نحتاج لتنزيه نبينا عن مجالس اللغو ونخشع فى ذكره وغير ذلك ان الاغانى حرام


وفى الاخير لن املك الا ان اقول لاحول ولا قوه الا بالله العظيم


اللهم اصلح احوالنا والمسلمين
صلى الله عليك وسلم

العنوان الاصلى : ليته ما صلى على النبى ليته سكت

لا والله ما ينفع

وياريته ما صلي علي النبي من اصله

شكرا سعيد لهذه الانتقادات لعادات سيئه اصبحت

دارجه بمجتمعاتنا وملئ السمع والبصر
...............

والله يا ابوجمال فيه حاجات زى كده تحرق الدم

ربنا يهديهم الى الحق ويعرفوا معنى الصلاة على

النبى وكيف يكون الادب فى قولها وكيف نقدر

معنى الصلاة على رسول الله صلى الله عليه وسلم

شكرا ابوجمال على المرور الجميل