عملية للسان

موضوع: عملية للسان السبت ديسمبر 24, 2011 9:32 pm

أجرت طالبة بريطانية في التاسعة عشرة من العمر عملية جراحية لتطويل لسانها حتى تتمكن من تحدث اللغة الكورية بلهجة أبناء البلد.

وقالت
صحيفة "صن" إن ريانون بروكسبانك واجهت صعوبات في نطق بعض الكلمات باللغة
الكورية، وابلغها طبيب بأن لسانها أقصر من الحجم الطبيعي مما منعها من نطق
الصوت المميز في اللهجة الكورية.

وأضافت أن
ريانون قررت إجراء عملية قام خلالها الجراحون بقص جزء من الجلد الذي يربط
اللسان بالفم، مما جعل لسانها يطول بمعدل سنتمتر واحد ويصل إلى حجم اللسان
الطبيعي.

ونسبت الصحيفة إلى ريانون قولها
"إن الجراحة هي الخيار الوحيد رغم أن البعض يعتقد أن هذا الإجراء مبالغ
فيه، لكنها مكّنتي من تحدث اللغة الكورية بلهجة أبناء البلد".

وتأمل ريانون العيش في كوريا بعد حصولها على شهادة في الدراسات الكورية من جامعة شفيليد البريطانية.

موضوع: رد: عملية للسان السبت ديسمبر 24, 2011 9:44 pm

هههههههههههههه الناس عايزة تقصر لسانها ودى بتطول

لسانها دى تستاهل الضرب . شكرا ام شروق على الخبر الغريب

وربنا يكفينا شر اللسان الطويل

كاتبين على توك توك
عشت عصفوره دبحونى
عشت صقر احترمونى
واللسان الطويل دلوقت بقى له مميزات
بيقولوا الطيب ملهوش بخت

موضوع: رد: عملية للسان الأحد ديسمبر 25, 2011 9:21 am

طول اللسان في الزمن ده مطلوب

...........................

الظاهر كده يا ابو جمال
الظاهر السكوت والهدوء اصبح عملة غير مرغوب فيها
شكرا ابو جمال

والله يا زهرة طول اللسان بينفع في معظم الاحيان
لكن صاحبه في بعض الاوقات بيهان
ويتبهدل بسببه في كل مكان
وساعات كتيره بيكون السند وسط الغيلان
والاكتر غرابه انه بيمشي مع الخرفان
ومش محتاجين نقول اسباب ولا حتي ندلي ببيان

طولة اللسان انا بستبيحها فى حالة واحدة
الدفاع عن حق بس دا كتابة
يعنى على ارض الواقع لسانى اصغر من 5 ملى
مش عارفه القوة بتروح فين يجوز خجل او تغاضى لكن مش راضى يطول

لا ياستي هو يدخل تحت بند التغاضي والتلاشي

بس من حولك ممكن يفهموا ان التغاضى ضعف
مش كرم اخلاق
وهنا تبقى المعادلة مش مظبوطة وقصير اللسان يصير ليس له مكان وسط الغيلان

في حاله مثل هذه يا زهرة لازم يكون له نيبان بدل من طول اللسان
يقدر يقطع بيهم اي وحش مفترس جعان
لانه فكر لحظه ان كرم الاخلاق والتسامح ضعف

هو فيه مقولة صادقة جداا
اتق شر الحليم اذا غضب والتغاضى مش بيطول لو الشخص تعرض لاساءة متكرره
وساعتها بس اللى حواليك ممكن يفهموا ان فيه فرق بين التغاضى والضعف
خاصة وان طولة اللسان لو دخلنا فى تحليل علم النفس سنجد ان صاحب اللسان الطويل من اضعف ما يكون
انما هو فقط يريد التمويه عن ضعفه بالصوت العالى....انت هتدخلنا ليه فى ميتافيزيقيا الانسان ونتكلم كلام دسم دلوقت

لالالالا وعلي ايه الطيب احسن
خلينا علي قد حالنا منتي عارفه اخوكي علي قدهومكملش تعليمه بلاش احراج هههههه

ماشى يا باشمهندس انا عارفه انك واخد مؤهل متوسط
وخلاص مش عايزه احرجك

ان شالله اشوفك وزيرة قريب يارب

دى دعوة ظاهرها فيها الرحمة
وباطنها فيها العذاب
مقبولة منك

بس انتي قولي امين ومالكيش دعوه
وربك يعلم ما تخفي الانفس وما في الصدور

خلاص يبقى
آمييييييييييييييين

بس خلاص