مالك !!!؟؟؟؟

موضوع: مالك !!!؟؟؟؟ الأحد فبراير 12, 2012 12:35 am

........................

من اجمل الروائع التي شدت بها المتألقه سميره

سعيد في زمن الفن الجميل

اداءاً وكلماتاً والحاناً

وعذوبة صوت....شئ رائع جدا

اتمني لكم وقت طيب واستماع

ممتع
==================

مالك ؟؟ .......مش زي عوايدك ليه

انا بس غلطت ف ايه؟؟

زعلان من ايه وشايل

دا الشوق عامل عمايل

لو كنت صحيح حبيبي

وحياتي لانت قايل ..

مالك
..................

فيه حاجه لا سامح الله

او ذنب منيش عرفاه

لا لا مش انت حبيبي
.........................

ياحياتي ياعمر عمري

يامالك كل امري

ليه يبقي الحب حيره

وغيره ما لسه بدري

تعب وشكوك وظنون وعذاب

وسؤال محتار محتاج لجواب

اتكلم ...فضفض ...يلا وقول

الصمت بقاله كتير ع الباب

متحيرنيش... ياهواي معاه

انطق ...كلمني ..ايه جواك

لا لا مش انت حبيبي

زعلان من ايه وشايل

دا الشوق عامل عمايل

.........

من ناحية حبي متسألنيش

اسأل ايامنا ترد عليك

من جهة الشوق متزعلنيش

دنا بشتاق ليك ونا حاضنه ايديك

وان كنت سمعت كلام من حد

اياك تسألني معنديش رد

هتقول لي كدبت عليك ما حصلش

للكدب ياروحي معاك موصلش

هتقول لي بخبي وداري

معقول . لا لا مقدرش

لا لا لا مش انت حبيبي
..................

ياني ياني ياني ياني

اعمل ايه كلمني تاني

كل كلمه قولتهالك

كل كلمه كل حاجه شرحتهالك

ايه جري ......وبعد هالك؟؟

خليك انت اللي مكاني

لا بقي .. ..قول الحكايه غير كده

قول الخصام والهجر مشواره ابتدي

لا لا لا

زعلان من ايه وشايل

لو كنت صحيح حبيبي

وحياتي لا انت قايل ....مالك
...................

موضوع: رد: مالك !!!؟؟؟؟ الأحد فبراير 12, 2012 7:36 am

الكلمات جميلة جدا واكيد الاداء هيكون رائع بصوت سميرة سعيد

والتعليق النهائى بعد الاستماع علشان اللى سمع غير اللى قرأ رغم

ان الكلمات فى حد ذاتها جميلة جدا . شكرا ابوجمال على الانتقاءات

الجميلة .جزيل الشكر

موضوع: رد: مالك !!!؟؟؟؟ الأحد فبراير 12, 2012 7:45 am

اسمع ومش هتندم

اصلها بتفكرني بحاجات كتيره قوي

خاصة الجزء الاخير منها

صباحك فل يا رياسه
...............

موضوع: رد: مالك !!!؟؟؟؟ الأحد فبراير 12, 2012 7:47 am

هههههههههه هسمع وعارف انى مش هندم ان شاء الله

انا بثق فى اختياراتك ثقة عمياء يا عمنا وعلى فكرة فيروز

امبارح كانت رائعة

موضوع: رد: مالك !!!؟؟؟؟ الأحد فبراير 12, 2012 7:51 am

تسلم يالغالي

اصل وقت وله اذان زي ما بيقولوا

فيروز ليها اوقات تحس فيها بفيروز

وام كلثوم كذلك وهكذا
............

موضوع: رد: مالك !!!؟؟؟؟ الأحد فبراير 12, 2012 7:52 am

اجمل شىء فى الدنيا ان الانسان يعرف امتى يختار الشىء

الجميل وفعلا الاغنية دى اجمل اوقات سماعها هى لحظات

الهدوء والسكون .

موضوع: رد: مالك !!!؟؟؟؟ الأحد فبراير 12, 2012 7:54 am

بالضبط عفيه عليك

الله ينور
...........

موضوع: رد: مالك !!!؟؟؟؟ الأحد فبراير 12, 2012 10:27 am

اختيارات معتادة من الصقر
دائما يختار اجمل الاشعار المغناة وبأنقى الاصوات
جزيل الشكر ابو جمال

موضوع: رد: مالك !!!؟؟؟؟ الأحد فبراير 12, 2012 7:38 pm

تعب وشكوك وظنون وعذاب

وسؤال محتار محتاج لجواب

اتكلم ...فضفض ...يلا وقول

الصمت بقاله كتير ع الباب

متحيرنيش... ياهواي معاه

انطق ...كلمني ..ايه جواك

والله صقر السها بصحيح
الاغنيه وكلماتها كمان علشان اللي ما يسمع يشوف ويتكلم لوحده ويقول لحبيبه مالك
غنتها سميره سعيد في شبابها وفي عز مجدها بجد اما الان انا اري انها اتجهت لتقاليع الموضوه وتماشت معها
لكل زمان لحظاته المضيئه فعلا
شكرا عمنا الغالي علي حسن الاختيار الموفق

موضوع: رد: مالك !!!؟؟؟؟ الأحد فبراير 12, 2012 11:19 pm

بعد الاستماع يمكننى القول ان الامر ليس غريبا على الصقر

والانتقاء قمة فى الروعة والجمال شكرا ابوجمال على الانتقاء

الاكثر من رائع والصوت الجميل جداااااااااااا

والشكر لك ايضا زهره

علي الزياره والتعليق

..............

ههههههههههههههههههههه

لا لا يا حماده ..احنا مش حاطين الكلمات علشان اللي ما يسمع يشوف

كلنا بنسمع والحمد لله

لكن وجود الكلمات بيخلي الانسان ممكن يتابع صوت وصوره زي ما بيقولوا

واحيانا فيه كلمات بتبقي مبهمه او بمعني اخر اللحن بيعمل فيها ادغام شديد

يخلي الواحد مش عارف هي بتقول ايه في الكلمه دي

نعم ..تألقت سميره سعيد في بداية مشوارها الفني

ولكن مع الاسف ..ركبت موجة الفن الحديث او الهابط ...وفقدت الكثير

من رونقها وبريقها لدي من يحبون الطرب الاصيل
............