بس ياسيدي ..والشيخه ماجده راحت معيطه

احتشد أمام مستشفى المعادى العسكرى اليوم الأربعاء، العشرات من أبناء
مبارك، وبعضهم دخل فى حالة بكاء هيستيرى، بعدما ترددت أنباء عن تدهور حالة
مبارك الصحية.

كما تواجدت الشيخة ماجدة -العالمة الروحانية - أمام مقر المستششفى ودخلت
فى بكاء هيستيرى قائلة "السلفيين والإخوان وحماس وحزب الله وإيران ساعدوا
على إسقاط مصر، مصر هتنضرب وهتحتل، خلي بالكم من الجيش، خلي بالكم من
الأبرار البواسل، مصر هتحتل".

وتابعت الشيخة ماجدة قائلة: "كل اللي في التحرير متآمرين على إسقاط مصر، كلهم قابضين من إيران وحماس وحزب الله".

كانت حالة من التضارب والغموض حول حقيقة الحالة الصحية للرئيس السابق حسنى
مبارك منذ أمس، بعد انتشار أخبار تفيد بوفاته إكلينكيا، وأخرى تنفى وتؤكد
بقاءه على قيد الحياة ودخوله فى غيبوبة، فى ظل التزام الحكومة متمثلة فى
وزارة الصحة والداخلية والفريق الطبى المعالج لمبارك الصمت، ورفض إعلان
حقيقة الوضع الصحى له.

يذكر أن، الشيخة ماجدة إحدى أشهر أنصار الرئيس السابق حسنى مبارك، ويمكن
اعتبارها الأم الروحية لشباب "أنا آسف يا ريس" ، فهي ظهرت فجأة على الساحة
من خلال مظاهرات التأييد لمبارك ، وقد دعت من قبل لمليونية كي يعود حسنى
مبارك ونائبه عمر سليمان للحكم لإنقاذ مصر من الدمار الذي سيحل على مصر
إذا لم يخرج مبارك من محبسه، بحسب ادعائها.

حلو قوى العنوان يا ابو جمال
يحيى العظام وهى رميم
واللى اتكسر يتجبر ان شاء الله
ياللى جدك سيدنا النبى وستك السيدة الزهراء
الشيخة ماجده هتكرهنا فى الرؤيات عن قريب

انا مستغرب من الاعلام ازاى يستضيفو الخرافات دى
هما ليه بيستهترو بقول الناس بواحده دجاله وعبيطه كده
ولا ايه هى الحكايه .... بس وهى راحت معيطه ههههههه

ملقيتش عناوين تانيه تليق بالحدث الجلل

غير العنوان ده

بس كويس انك جبتيها فيديو

ربنا يشفي ان شاء الله

شكرا زهره
.........

العلام مش مستضيفها عشان ياخد منها

تصريحات او اخر الاخبار يا محمد

لازم يكون فيه شئ من الطرافه لاحسن الناس تنفجر

عجبتك وراحت معيطه اههههههههههه ؟؟
.........

رغم ان الشيخة ماجدة دوما ما تكون وجبة دسمة لااعضاء الفيس بوك

والمنتديات ورغم انها بتقول كلام غريب ومضحك احيانا لكن بصراحة

هى الوحيدة اللى موقفها ما اتغيرش من يوم الثورة وده شىء يُحسب

لها والله بجد مش تريقة احنا فى زمن قل فيه الوفاء والست دى عندها

وفاء حتى لو كان فى غير محله . ربنا يصلح الحال ويهدينا جميعا

شكرا ابوجمال على الطرح القيم

وانا شاكر ايضا علي التعليق الجميل

بس ده مش سبات علي مبدأ او موقف لانهم بيقولوا مش عيب ان الواحد يغلط

لكن العيب التمادي في الغلط

ودي لسه محستش انها غلط؟؟

شكرا سعيد

ما هو ده اللى بيسموه الحب الاعمى يا ابوجمال

هى مش قادرة تشوف اخطاؤه لانها مقتنعة انه معملش حاجة

غلط وكما قالوا الحب اعمى يقوده الجنون ومش هى بس

اللى بتحب مبارك كده زيها زى اللى بيحبوا شفيق واللى بيحبوا

مرسى وبصراحة ولا واحد فيهم يتحب ربنا يصلح حالهم

وحالنا يا رب .اكرر شكرى ودعواتى للشيخة ماجدة انها تفوق

من اللى هى فيه ده

وجهة نظر برضه

ربنا يصلح الاحوال

شكرا سعيد
..........