كـــرسي الاعتراف

ايه رأيكم يا اعضاء السها في الموضوع دا

دا عباره ان فيه عضو هيشرف كرسي الاعتراف لمده يومين

واي عضو عندو سؤال هيسألهولو

وطبعا احنا هنرشح العضو اللي هيقعد ع الكرسي

واول ميكون فيه اجماع علي العضو هيبقا هوا اللي هينور كرسي الاعتراف

ولحد اليومين ميخلصوا وييجي اللي وراه وهكذا .....

ارجو المشـــــــــــــــــــــــــــــــــــــــــــــــــــــاركه

وانا هأبدأ الترشيح

ارشح مين ؟ مين ؟مين ؟

اه هرشح

سعيد

موضوع جميل جدا ياجمال وانا تحت امركم

فى اى سؤال ان شاء الله

الاستاذ جمال

دائما تاتى بموضوعات تسترق

انتباه الاخرين

وطبعا لازم نشارك

ولكن فين برنامج من سيربح المليوووووون

اللى وعدتنا به

اخ احمد اعزرني احنا مش كنا متفقين الاسبوعين الاجازه

هنعمل فيها البرنامج بس للاسف حصلت فيهم الثورة

بس انشاء الله في الاجازة الكبيرة هاعملها انشاء الله

المهم دلوقتي الاخ سعيد نور كرسي الاعتراف عاوزين نهروه اسأله هههههه

وعاوز الكل يشارك معانا

اسمحولي ابدأ انا السؤال الاول

اخ سعيد اعزرني ان حدث مني اي خطأ فانت استاذي الذي اتعلم منه

لكل منا ذكريات طفوله لا تنسي حدثا عن طفولتك

كيف قضيتها وهل كنت مستمتعا بها ام لا؟؟؟

اولا :شكرا جمال على هذا المديح الذى لا استحقه وبلاش حكاية استاذ

دى احنا مفيش بيننا اى تكليفات وانا بصراحه مش بحب التكليفات

والاخوات مفيش بينهم تكليف.

ثانيا : بالنسبه لمرحلة الطفوله الحمد لله عشتها كما ينبغى ان تكون

وظلت الاهتمامات الخاصه بها ملازمانا الى فترات قريبه حتى انها

طغت على باقى المراحل وهى بصراحه من اجمل المراحل العمريه

التى مررنا بها اما عن كيفية قضاءها فكانت بين اللعب والمدرسه

والنوم وفقط .اللعب بكافة اشكاله وخاصة كرة القدم دى لها مكانه

خاصه جدا اما المدرسه ده شىء اجبارى بس كنا بنروحها كمان

علشان نلعب يعنى الموضوع كله كان محصور بين اللعب والنوم

والحمد لله كانت فتره جميله فى حياتنا وهى دوما اجمل فتره فى

حياة اى انسان ولا يمكن ان يستطيع نسيانها .

الحياه الجامعيه بها العديد من المواقف والغرائب
المعروفه لدي كل منا
فما اطرف موقف مر عليك في هذه المرحله
شكرا لك

من اطرف المواقف اللى حصلت معاى فى الجامعه

وانا رايح امتحان الصبح قابلت احد الطلاب معنا فى الدفعه

وكان عندنا امتحان مادة ادارة بس فوجئت بالاخ ده بيراجع

فى مادة اقتصاد قلت له لوسمحت انت الفرقه الثالثه كلية

تجاره قال لى مظبوط قلت له بس احنا النهارده عندنا مادة

اداره قال لى لا عندنا اقتصاد وصمم لحد مانزلنا من العربيه

فسالنا الطلاب اللى معانا قالوا عندنا اداره سمع الكلمه دى

انا تصورت انه هيزعل جدا وهيتأثر فوجئت به بيقولى

ممكن اخد المذكره اللى معاك اراجع الماده فى النصف

ساعه اللى فاضله دى .قلت الحمد لله على نعمة العقل

وكفى بها من نعمه .شكرا ام سندس على السؤال والمشاركه

والشكر كل الشكر لجمال على الموضوع الجميل

اخ سعيد منور كرسي الاعتراف يارب الكرسي بس يكون

مريحك في الاجابه ميكونش عاملك ازعاج ولا حاجه

السؤال بقــــــــــــا

من المعروف ان حياه الطلبه كانت بعيده عن الاهل Crying or Very sad

ولليس هناك من يطهو لك ويعد لك الطعام

احكيلنا عن اول طبخه بوظتها Sad

اسمح لى أسال يا سعيد واشارك جمال ام سندس

صاحب فضل عليك كان له اثر كبير فى حياتك

اذكر لنا موقف له وفائدة استفدتها منه ؟

لا الكرسى مريح ياجيمى حتى الان وربنا يسهل ان شاء الله

للأسف ياجيمى انا ملحقتش اطبخ هو يوم واحد اللى قعدته

فى السكن وشفت المعاناه بتاعة الاكل والشرب رجعت الى

قواعدى سالما وخاصة ان الجدول كان كويس 3ايام بس فى

الاسبوع فرجعت البيت وبقيت اروح واجى وكان الموضوع

افضل من السكن وخصوصا ان المشوار لقنا مش بعيد

من اكثر الشخصيات التى اثرت فى حياتى الشيخ الشعراوى

واجمل مواقف عندما رفع المصلون سيارته فوجدوه يغسل

دورات المياه حتى لا يأخذه الغرور وهذه قمة التواضع .رحم

الله شيخنا الجليل .شكرا ام شروق على السؤال

ماشي يا اخ سعيد

اكتر مطرب او مطربه كنت تسمعه دلوقتي او وانتا صغير؟؟

واكتر اكله بتحبها؟؟

وقلنا علي اكتر مشروب بتحبه بالمرة؟؟

ماشى ياجيمى انا بحب اسمع كاظم واصاله

واكتر اكله بحبها هى السمك

واكتر مشروب بحبه هوالمانجو

تمام يا اخ سعيد

طيب احكيلنا عن موقف حصل معاك

ووقفت عاجز لا تستطيع فعل شئ امامه ؟؟

مفيش شىء محدد يا جمال بس هو موقف واحد اتذكره

حادث بالطريق امام البلد كنت اتمنى انى استطيع المساعده

بس ساعتها مكنش فى إيدى شىء استطيع عمله نظرا

لصغر السن وعدم استطاعة التصرف وقانا الله الحوادث

بس كان حادث صعب علشان كده الواحد مش ناسيه

استاذ سعيد الموضوع مغرى
بطرح العديد من الاسئله
اولا ما هو احسن عضو او عضوه فى المنتدي
ثانيا ما هو احسن موضوع اعجبك
ثالثاما هو احسن رد اعجبك
شكرا استاذ سعيد

احسن عضو فى المنتدى من وجهة نظرى هو كل اعضاء المنتدى

واحسن موضوع اعجبنى هو كل موضوع سطره قلم صاحبه

احسن رد اعجبنى هو الرد الذى يضيف للموضوع اويعلق تعليق

على الموضوع اجد فيه اضافه ويفتح مجال للنقاش

-شكرا اختى ام سندس على الأسئله واتمنى ان اكون قد وفقت

فى الاجابه ان شاء الله .

اخ سعيد معلش تاعبينك معانا

احكيلنا عن موقف كوميدي حصل معاك شخصيا ؟؟

انا حكيت الموقف ده قبل كده ياجيمى بس بصراحه

المواقف الكوميديه كانت قليله جدا مش فاكر غيره

تقريبا لأنه كان من فتره قريبه .

اكتر موقف كوميدى اتعرضت له فى امتحانات الكلية

كان فى ايام الأمتحانات وصحيت من النوم متأخر

او محدش صحانى وكان عندى امتحان مادة ادارة

اعمال فصحيت من النوم وانا فى قمة العصبية

وسمعوا منى كلام مفيش داعى لذكره بس كنت

فى قمة الغضب علشان الأمتحان اللى راح على

وسابونى حتى هديت وقالوا خلاص قلت كل ماعندك

قلت لهم ايوه ايه الهدوء اللى انتوا فيه ده ولا كأنه

هاممكم.قالوا طيب يافالح النهاردة الجمعة والأمتحان

بتاعك بكره .

شكرا اخ سعيد علي اجاباتك المميزه

فلقد استمتعنا كثيرا معك

بارك الله فيك

اعضاء السها لكم الان الحريه في اختيار

من سيجلس علي كرسي الاعتراف بعد الاخ سعيد

انا اللى هختار ياجمال وانا اخترت حضرتكِ لوموافق

نبدأ الاسئله موافق ولالا ياجيمى ؟

اكيد يا اخ سعيد

انا تحت امرك في اي وقت

الامر لله وحده يا جيمى وطالما وافقت نبدأ بالاسئله :

س1-نبدأها ضحك الاول وعايزك تحكى لى اطرف موقف قابلك فى حياتك؟

استاذ جمال
ما الاكله المفضله لديك

سعيدالعارف الضبع كتب:: الامر لله وحده يا جيمى وطالما وافقت نبدأ بالاسئله :

س1-نبدأها ضحك الاول وعايزك تحكى لى اطرف موقف قابلك فى حياتك؟

من حوالي شهرين كنت بلعب كورة في الشارع قدام بيتنا ولما خلصنا كان معاي واحد صاحبي

معاه موتسيكل جديد فقلتله عاوزلي لفه قالي انتا تعف تسوق قلتله اه بس الطلعهع بتاعته

معفهاش يعني لما الموتسيكل بيمشي في الاول

المهم اح وقف جنبي وخلاني طلعت بيه وقلتله خلاص سيب علي كدا

وسابني احنا كنا متفقين ان يعني قدام بيت واحد جارنا هلف وارجع تاني انا ملفيتش

انا قلت هطلع بالموتسيكل والف بيه شويه في البلد وصحابي اللي كانوا بيلعبوا معاي

شافوني طلعت بيه لقدام وملفيتش زي مقلتلهم وافتكروا اني معرفش اوقف الموتسيكل

وقعدوا يطيروا وراي علشان يوقفوهولي وانا امشي بالموتسيكل وهما يطيروا

لففتهم البلد كلها وهما يطيروا وراي والناس تبص معارفاش ايه اللي حاصل وهما بيطيروا وراي

ليه كان المنظر كوميدي قوي انا فضلت اضحك لحد منزلت من علي الموتسيكل

طبعا بعد مقطعت نفسهم هههههههه

ام سندس كتب:

استاذ جمال
ما الاكله المفضله لديك

اكتر اكله بفضلها علي الفطار

فول بالزيت الحار وطعميه سخنه

وياريت كمان لو كان معاهم بصل اخضر

تبقا الحاله كدا تمام التمام

شكرا ام سندس علي السؤال

ماشى ياجمال موقف مضحك فعلا ندخل على السؤال التانى

مين المدرس اللى أثر فيك ومش قادر تنساه وبتحس انك اتعلمت منه حاجه؟

حاليا وانا في الثانوي عندينا مدرس اسمو عماد فخري

مدرس لغه انجليزيه قمه في الادب والزوق والاخلاق

اتعلمت منه ازاي يكون احترام الاكبر مني والاصغر مني

غير كدا اني فخور جدا اني احد تلاميذه

طيب ياجيمى عايز اعرف منك 3اشياء بتكرههم جدا و3اشياء بتحبهم جدا

مش مهم المجال مهما كانوا ومهما اختلفوا ؟

انتا قلت مهما كانوا ومهما اختلفوا

اكتر 3 اشياء بحبهم

الصديق

الكورة

احترام الكبير

اكتر 3 اشياء بكرهم

النفاق

والغرور

تقييد الحريه

طيب ياجيمى هل انت من هواة عمل المقالب فى الاخرين ولا انت

بتحب الرزانه وعدم الضحك بكثره ؟

طبعا بموت في حاجه اسمها عمل المقالب

بعمل مقالب في قرايبي

واصحابي وكدا يعني

اخر مقلب عملتو كان في خالي

اتصلت عليه بالليل وصحيتوا من النوم وفهمتوا اني واحد صاحبوا ومستنيه

تحت قدام القهوه وفعلا سمعت انه نزل وملقاش حد خالص

الكلام دا كان حوالي الساعه 12 بالليل في عز البرد من حوالي شهر ونص كدا

بس ده مقلب صعب ياجمال حرام عليك

طيب انت ايه رأيك هل فعلا فيه شىء اسمه الكدبه البيضا ولا لوحد

كدب عليك مش ممكن تسامحه حتى لوقال لك كدبه بيضا ؟

مفيش حاجه اسمها كدبه بيضا وكدبا سودا

الكدبه كدبه

اما لو واحد كدب علي طبعا هسامحو

مانا ياما كدبت وسامحوني مش معقول كمان انا مش هسامح

ولا انتا ايه رأيك ؟

ادخل فى الحوار بعد اذنكم

الكذب كذب مالهوش الوان

واللى يكذب مره يكذب عشره

اسأل سؤالى

لما بتعمل فى حد مقلب وييجى يواجهك به وهو زعلان وانت تحاول تفهمه ان دا هزار بيبقى ايه موقفك؟

المقلب لما واحد فينا ان واصحابي يعملو في التاني

طبعا التاني مش هيزعل منو لانو عارف ان دا هزار

وان في يوم من الايام هيعمل فيه مقلب زي معملو فيه

ولو حد زعل من المقلب يبقي مش قد الهزار بتاعنا

يبقي منعملش فيه مقالب تانيه لاننا هنكون عرفنا انو مش هيستحمل

بس انا معملتش مقلب في حد قبل كدا وزعل لانو لو كان

حد زعل مني كنت هانسي حكايه المقالب دي نهائي

شكرا ام شروق علي السؤال

شكرا جمال على الاجابات الصريحه

والموضوع الجميل

ايه يا اخ سعيد كدا انا خلصت ؟؟

اخ سعيد عاوزين نشوف مين اللي

هيقعد علي الكرسي

رشح انتا واحد وانا هوافق معاك علي طول

» الأهرام تنفرد بالوثائق الخاصة بإستبعاد أبو إسماعيل .. الشيخ حازم اطلع علي الأوراق أكثر من مرة ويرفض الاعتراف بحقيقتها