كل جديد ومتميز وحصرى تجدونه هنا فى ومضات السها


واحـــــة الإبــداع والفــن والتــألق
 
الرئيسيةالتسجيلدخول

شاطر | 
 

 خطاوي ....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الفتاح عبد الشافي
مؤسس المنتدى
مؤسس المنتدى
avatar

عدد المساهمات : 11454
العمر : 57
الموقع : قطر

مُساهمةموضوع: خطاوي ....   الأحد أبريل 09, 2017 8:51 pm

خطاوي ..
سابقاني مني الخطاوي
عاشقه لريحة
الـــزرع ..
عطشانه تسمع حكاوي
مرويه بلبن
الضـــرع ..
حابّه المدن والــريف
والسهره صباحي
ماسكه بإيدها رغيف
بس القــــدم حافي
والنومه في فرشتي
وغطاها بلحافي 
عاشقة نسيم الصيف
في وقت عصريه
والمشي ع الكورنيش
ساعة الصباحيه
وعنيها تِقرا (اليُفط )
متسيبشي ولا كلمه ...
لوكاندة آمون رمسيس
ومجوهرات مِنّه ...
وساندويتش جلال
وكبابجي ابو سنه ....
دكتور رجب محمود ..
باطني وجراح ..
ترزي المحبه .. بوتيك
فطومه للأفراح ..
سمسار جلال الضبع
لبيع الشقق والارض ...
سمعان عيسي المحامي
المستشار بالنقض ...
عاشقه لمولد الحسين 
والسيده نفيسه ..
سيدي ابراهيم ف دسوق
والسيده عيشه ..
عاشقه الخطاوي الوطن
من قبلي او بحري ..
اسوان شمال سينا
فيهم هوا سِحري ..
مطروح ودلتا النيل
وقناتنا ببلادها ..
فيهم خدمت البلد
وكتبت امجادها ..
سابقاني مني الخطاوي
عاشقه الفضا والكون ..
حاضنه النجوم والقمر
والنومه مش بتهون ..
عاشقه الصحاري جبال
فيهم تصلي العيد ..
وتغني 100 موال
لكل دم شهيـــــد ..
محظوظه هي الخطاوي
شايفه اللي لسه مجاش ..
حتي ساعات الفرح
كانت كده ببلاش ..
الحلم كان ف الحكاوي
وكلامه متغناش ...
ايام تِِمَــــوّت حلم
من قبل صاحبه ماعاش ..
*******

_________________
[ندعوك للتسجيل في المنتدى أو التعريف بنفسك لمعاينة هذا الرابط]
***ما ندمت علي شئ ندمي علي يوم*** ***غـــــــــربت شمـــــــــــــــــــسه نقص فيه اجلـــــــي***ولم يزد فيه عمــلي***
الرجوع الى أعلى الصفحة اذهب الى الأسفل
 
خطاوي ....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: