جدران مسكونة

أبـي صـوره تسولـف عـن بعـض ذاتــي
أبي كلـن يشاهدهـا تنـزف دمعـة عيونـه
أبيهـا ترسـم أشباهي حـزن آخـر محطاتـي
هموم وذكريات ونـاس ،،، مـا تـدري بمكنونـه
أبيكم تذكـرون إنـي تركـت الشعـر وإبياتـي
تركت الناس وأصحابي "وحـزن" مـا تعرفونـه
تركت الحـرف للدفتـر لا أدري عـن الأتـي
سوى إنـي قفلـت البـاب والعـزاف ولحونـه
أبي إبكـي أبـي أصـرخ أبـا أتكلـم معاناتـي
لاكني رحلت بصمـت أخـاف آشبـاح مجنونـه
أنـا سلمـت للأقـدار بنكـس كـل راياتـي
كرهت السجن والسجان وشـي" مـا تحسونـه "
حفظت من الألم قصـه تقـول إنهـي رواياتـي
كتبتي آشعار للأحزان على جـدران مسكونـه
بـروح آلملـم أشلائـي أدور عـن محطـاتـي
أدور عن بقايـا بيـت فيـه آحـلام مدفونـه
تمر جراح بعيونـي أمسـح غيـض دمعاتـي
أسلـم للقـدر أمـري لأنـي رحـت مغبونـه
لي ألله يا بقايـا نـاس مـروا فـي مساحاتـي
أثرهم باقـي أطلالـه علـى الذكـرى يمرونـه
بكيت أشيـاء تبـي ترحـل تتركنـي لغرباتـي
على الميعاد يا روحي طعـون رمـاح مسنونـه
أنا أحتاج للوحـده لبعـض أشيـاء فـي ذاتـي
لعلي أستمـد الصمـت مـن آحـلام مطحونـه
أبسكـت أقلـب الصفحـه أبتلـذذ جراحـاتـي
أرفع راسي للرحمـن سألتـه راحتـي وعونـه
بودع بيتي الخـاوي وخـوف يحشـرج أهاتـي
طفولة غلفـت جرحـي بحـزن مختلـف لونـه
على شاطى حـزن لوحـه بـدت أول قناعاتـي
مفاهيم الحزن عالم ،،، لملـوك الشعـر مرهونـه
دخيـل الشعـر بجروحـي ،،، تذكرنـي بداياتـي
دخيل آخر رمـق باقـي كتبنـي قبـل يقرونـه
على سكة سفـر أشعـر بـدت أول متاهاتـي
كبر حلم الآمل فيني ،،، تعبت وطحت مـن دونـه
ألأ ياحظـي العاثـر ،،، كـذا صـارت نهاياتـي
ظننت أن الزمن وافي
حلفت وقلـت ماخونـه
حمل كل الأسى فيني بكيت من الآسـى ذاتـي
تغربها ظنـون الشـك تغيـب ويختلـف لونـه
دقيقه يازمن لحظه .. وجاوبنـي علـى الاتـي
الآ ليه النقا ( فطره ) بناس ،،، وناس ملعونـه
رسمتك للحزن صـوره تسولـف لـك نهاياتـي
رسمتك للآمـل صـوره علـي واقـع تعرفونـه
تسولف للفرح عنـي تشـرح لـه معاناتـي
قراها الغير فعيونـي ،،، لمحـت الدمـع بعيونـه
حمل رمش الهدب دمعه .. وانا فـاول بداياتـي
سقط دمعي على خدي ! بـــ لحظة طيش مجنونـه
خذت مني ،،، حكـت عنـي ،،، بداياتـه نهاياتـي
حزن يسكن زوايا الذات ،،، زوايا الذات محزونـه
حزن رتب حكاياتـي
حـزن بعثـر حكاياتـي
حزين الناى غناني صدى صوتي مـن لحونـه
أمل يسكن مساحاتـي
ملـل رافـق مسافاتـي
أمل مدرى ،،، آلم مدري ،،، خيال(ن) أرقب مزونـه
كذا كانت هى الرحله وأنـا فــــ أول محطاتـي
صخب يسكن زوايا الآمس بقايا الآمس وطعونه
همس جرح ،،، وهدم صرح ،،، خابت كل هقواتـي
الا يـا ماكبـر الصدمـه ،،، قلبـي لا تلومونـه

» ورق جدران كليبسو ثلاثي الأبعاد