ياسر على : المشهد فى التحرير مبهج

[ندعوك للتسجيل في المنتدى أو التعريف بنفسك لمعاينة هذه الصورة]

كتب : أحمد عبد العزيز
أكد الدكتور/ ياسر علي- المتحدث باسم الرئاسة- أن الرئيس محمد مرسي اُنتخب بإرادة شعبية حرة وهو صاحب الحق في أخد ما يراه ضروريًا من أجل الوصول بالبلاد إلى نقطة الاستقرار الدستوري والتشريعي, المتمثل في انتخاب مجلس الشعب ووضع دستور, مؤكدًا أن الرئيس محمد مرسي يريد أن يُنهى الفترة الانتقالية في أقرب وقت ممكن, وأكد مرسي أكثر من مرة أن كل الإعلانات الدستورية التي خرجت ستلغى جميعها في حال إقرار الدستور الجيد وانتخاب مجلس شعب جديد.
وقال ياسر علي في مداخلة هاتفية على برنامج "أخر النهار" إن المشهد الآن في ميدان التحرير مشهد مبهج, فهناك قدرة على عرض الأراء وهناك من يرفض وهناك من يؤيد القرارات, مؤكدًا على أن الحوار مفتوح وباب الرئاسة مفتوح أمام كل القوى الوطنية, وذكر على, أننا شركاء في الوطن ليس هناك مجال للصدام والتخوين, فهناك جملة قرارات تم اتخاذها من أجل مصلحة البلاد ومن يريد المناقشة وعرض رايه فباب الرئاسة مفتوح, مضيفًا أن محاولة إيهام أن الإعلان الدستوري جاء من أجل التكريس أو الاستبدادية والدكتاتورية, فهذا حديث عارى تمامًا من الصحة, فلا داعي للقلق؛ لأن الإعلان الدستوري ينتهى مع وضع الدستور.
وأضاف متحدث الرئاسة أنه كان هناك إشكاليات قانونية كانت تمنع الرئيس من أخذ خطوات تؤدى إلى استقرار دستوري وتشريعي فكان على الرئيس أن يتخذ ما يراه مناسبًا للمرور بالفترة الانتقالية والوصول إلى سلطة تشريعية منتخبة ودستور يرسم الطريق الذي نسير عليه فى الفترة القادمة.
وتابع ياسر علي حديثه قائلًا: "لا نريد أن نسمى ما يحدث الآن انقسام وإنما نقول هذا اختلاف فى الرأى حول دواعى هذا القرار وهذا موجود فى العالم كله" ,مضيفًا أن مرسي هو وحده من سيحاسب أمام التاريخ فمرسي هو الشخص الذى اختير بإرادة شعبية حرة من أجل تحمل لحظة تاريخية ورأي أنه يتوجب عليه أن ياخذ هذا القرار للعبور بالاقتصاد المصري إلى بر الآمان, لأن هبوط الاقتصاد المصري سيشعر به المواطن البسيط بدرجة شديدة إذا استمر الوضع على ما هو عليه.

نقلا عن الدستور

شكرا سعيد ..ولكن لي تعقيب بسيط جدا

اقرأ معي هذه الفقره من المقال

فمرسي هو الشخص الذى اختير بإرادة شعبية حرة من أجل تحمل لحظة تاريخية
...........

اذن الرجل جاء باراده شعبيه ومن يأتي باراده شعبيه

لا يحق له ان يصدر قرارات ثوريه اليس كذلك ؟

وماصدر من قرارات للسيد الرئيس من تحصين مجلس الشوري والناسيسيه

هي قرارات ثوريه لا يصدرها الا رجل قام بثوره وهو قائدها

وهنا كان الخطأ حتي ولو كان التحصين هذا لفتره محدوده
...........

رأيك يُحترم يا ابوجمال ولكن كما يقول اخوتنا فى التحرير

الثورة لا تزال قائمة وطالما ان مصر لم تتخلص من اذناب

النظام السابق حتى الان فنحن فى مرحلة الثورة واقالة النائب

العام مطلب ثورى . اما عن تحصين القرارات فأنت تعلم جيدا

ان هناك تعنت من القضاء وظهر ذلك جليا فى اصرارهم على

حل مجلس الشعب رغم ان ذلك لا يعتبر من سلطاتهم . للأسف

الشديد القضاء فى مصر مُسيس وذلك واضح جدا للجميع الا

لمن يريد ان يراه كما يحب

اهههههههههههه

يا سعيد انا مش عاوز ادخل معاك في مجادلات لاني عارف رايك مسبقا

نعم اقالة النائب العام مطلب ثوري ..ومرسي برافو عليه وياريته عملها من زمان

لكن التحصين هو المشكله لان مجلس الشوري والتاسيسيه مش قرآن كريم

عشان نحصنهم ...انت راجل مسكت البلد بارادة شعبيه وصندوق انتخابات اذن

قراراتك يجب الا تكون احاديه من طرفك انت بس يجب ان ياخذ فيها راي الناس اللي

جابتك للسلطه ....القضاء قد يكون مسيس او غير مسيس ...لكن الامور متتاخدش قفش كده

يارجل حسني مبارك نفسه مكانش يجرؤ يصدر قرار ويقول القرار ده محصن من القضاء

ولا يجب مناقشته او الطعن عليه ...صحيح كان ينفذ لكن مكانش يصادر راي القضاء

كان يخلي الناس تنقد وتناقش وياخد حكم لصالحه في النهايه ....يعني الحكايه كان فيها حرفنه

مش قفش كده
.....

انا معاك فى كل اللى قلته وضد التحصين اى ان كانت اسبابه

بس مننساش كمان ان لجنة الانتخابات الرئاسية كانت محصنة

ضد الطعن او التقاضى رغم انها مش منزهة ولا اعضائها ملائكة

وزى ما انت شايف اول ما مرسى خد قرار اول حاجة ضغطوا عليه

بيها هى الانسحاب من التأسيسية علشان كده حصنها يعنى انتم فيها

مش فيها هتكمل هتكمل وده الصح من وجهة نظرى لان الناس دى

مش معترضة على مواد محددة لكن واخدين الموضوع من مبدأ

سيب وانا اسيب . الجميع يعرف انه فى مرحلة بداية الانتخابات كنت

معجب جدا بحمدين صباحى وكان نفسى ينجح لكن بعد اللى شفته

منه بعد نجاح مرسى بقول انى لم اكن اعرف الرجل ابدااا . والله

الذى لا اله الا هو انا لو شايف مرسى غلطان لهقول غلطان لكن

للاسف احنا معانا شوية معارضة يجبروك على التعامل معهم بهذا

الاسلوب خاصة الزند وحمدين صباحى والسيد بدوى والبرادعى اللى

عايز يخلى امريكا تتدخل فى شئون مصر . يا ابوجمال فيه حد

يقول لرئيس دولة مش هنقعد معاك غير لما تلغى الاعلان الدستورى

نهائيا ده كلااااام . طيب انا واحد من الناس لو موجود فى مصر

ومرسى الغى الاعلان الدستورى هكون اول واحد يتظاهر ضده

وفيه ناس كتير جدا هتعمل كده وبقولها لمرسى لا تراجع ولا استسلام

وخليك صعيدى ولو مرة فى حياتك وصدقنى مش هتندم

تحصين اللجنه العليا للانتاخابات

ايامها مكانوش الاخوان ماسكين حاجه في البلد

كان التحصين ليا وليك اي لكل اطياف الجمهوريه السياسيين

لكن حاليا الوضع اختلف ...اصبح مرسي في يده السلطه التنفيذيه

بصفته الرئيس ...ماشي الحال ...واصبح في يده السلطه التشريعيه بعد

حل مجلس الشعب ...ماشي الحال ...ماذا تبقي في الدوله من سلطات؟؟

طبعا السلطه القضائيه ....وهاهو يريد تحييدها ويجبرها علي عدم التدخل

في قراراته ...اذن اصبحت جميع السلطات الثلاث في يده وهذا امر غير مقبول

ولا يجوز الا لرجل صاحب ثوره او انقلاب هنا فقط لا يلومه احد لانه

خاطر بحياته وتحمل المسؤوليه وحده ونجح ..اما الرئيس مرسي فالوضع مختلف تماما
.......

هههههههه طيب ما المجلس العسكرى كان واخد السلطة التنفيذية

وطمع فى التشريعية وحل مجلس الشعب والكل هلل وكبر وقال

والله احسن والقضاء ايامها كان فى جيبه اليمين يعنى مش محتاج

يستولى عليه اصلا وبعدين يا ابوجمال مين اللى حل مجلس الشعب ؟؟؟

مش المجلس العسكرى بمساعدة من القضاء العادل . طيب بلاش دى

مرسى مش رجع مجلس الشعب وقال علشان ميبقاش معاى سلطتين

وساعتها القيامة قامت ومرتاحوش غير لما حله ودلوقتى عايزين يحلوا

مجلس الشورى وعايزين يحلو التأسيسية يبقى دول عايزين ايه ؟ وعندى

سؤال بسيط يا ابوجمال ( لما الدستور يكتمل مش هيتعمل عليه استفتاء

؟؟؟؟؟ طيب طالما هما شايفين انه مش ممثل للشعب ما يحشدوا رجالتهم

دول ويصوتوا ضد الدستور ويبقوا الغوا التأسيسية بالصندوق الانتخابى

؟؟؟؟؟؟؟؟؟

لا ...اسمح لي

العسكري عمل كده بناءا علي مليونيات شعبيه

كانت تطلع وكان ينصاع للتنفيذ تحت هذه الضغوط

ثم ان العسكري مش رئيس دائم زي مرسي ..لا ..كانت فتره

انتقاليه وهتعدي...لكن تحصين الدستوريه حاليا ....يعني فصلوا

علي مقاسنا ومحدش هينازعكم .... وبعدين التصويت هيكون علي الدستور كله

مش علي ماده ماده ....يعني لازم تقول نعم لان السم في العسل

مش هيبان بسهوله وان بان وظهر فطعم العسل وشكله مغري

يعني الموت هيكون بالبطئ

يعني امساك السلطه هيكون بالتدريج وساعتها هيكون كله بالقانون وحسب مواد الدستور

اللي اتفصل بالمقاس.....طبعا محدش هيقدر يقول دا مش دستوري ساعتها
........

اتفق معك فى العديد من النقاط يا ابوجمال لكن كل ما اتمناه

ان فترة مرسى تمر على خير لانها فترة مهمة جدا وهذه الفترة

لا يصلح لها الا الاخوان لانها فترة عصيبة جدا واى رئيس سيتم

تشويه صورته لكن الاخوان سواءا عملهم كويس او وحش

فالاعلام مشوه صورتهم يعنى مش هتفرق . بعد فترة مرسى

ما تعدى على خير كل شىء هينصلح ان شاء الله . والله والله

انا خايف على الرئيس القادم اكتر من خوفى على الرئيس الحالى

لانه لو فترة مرسى معدتش على خير ايامه هتكون سودة اى

ان كان هو مين لان الاسلامين هيحسوا بالازدراء اللى حصلهم

ومش هيسيبوا حد يتهنى برئاسة بعدهم