ليه يابلادى بتقتلى الحريه
ليه يابلادى أغلب فروعك غبيه
ليه يابلادى سجونك بأولادك ملية
ليه يابلا دى بالشرور والفساد غنية
ليه يابلادى صوت الباطل فيكى علا عليه
ليه يابلادى الانسان فيكى مهدور الكرامة ومالوش دية
ليه يابلادى مبتمسحيش دموع عينية
ليه يابلادى غدرك بقى مترصد بيا
ليه يابلادى حضنك مبقاش فيه حنية
ليه يابلادى كل نهارك ظلمة ووحوش مستخبية
ليه يابلادى النصب فيكى اصبح رغبة وغية
ليه يابلادى الحب فيكى مات من غير معددية
ليه يابلادى بدلوا الصدق فيكى كذبة ورزية
ليه يابلادى زوروا صوتى وكتفوا ايديه
ليه يابلادى سرقوا حقى وقالوا الحق عليا
ليه يابلادى وظفوا اللى أقل منى عشان معاه توصية
ليه يابلادى بقيت أخاف منك وأنتى أمى ونور عنية
ليه يابلادى وأنا حبيبك من غير غرض أو غيية
تعادينى وتعشقى علية
ياريت تفهمينى ازاى ترفضينى وتقبلى الحرامية
وانا اللى حبيتك من غير هدف أوغية
وكنت دايما بدعيلك ربى يحميكى من الأخوانيه
وطيور الظلام اللى للعنف والدم مشتهية
يارب أحمى بلادى حبيبتى من الأخوانيه
ولصوص المال والجهل والتخلف والبلطجية
واجعل الديمقراطية عقد حب بينى وبينها للأبدية
.....................ابراهيم عبيدى.........................
ت/ 00201226677594
الإثنين يوليو 28, 2014 2:59 pm
