إذهب حيثما تشاء /بقلم زهره بنت ساحة الطيب

جبتها منين دى يا ابو جمال
ذكريات وتتبدل الايام والاعتقادات ايضا
سبحان الله

أصلها جمييله بجد والله يازهره
لا حرمنا الله من جميل ابداعك
.............

سأعود  للكتابة ان شاء الله يا ابو جمال
ولكن سيختلف النمط

ان شاء الله دعواتك

ونحن بانتظار العوده
وباي نمط ستكونين جديره
بكل احترام وتقدير

حتى لو كان رعب؟؟؟

لا ... رعب ؟؟؟؟؟؟؟؟؟؟ احنا متفقناش علي كده
الرعب ده خليه في مذكراتك الله يخليكي بلاس تفكرينا بيه
.....

طاب قصة واحدة من نفسى اكتبها
وابقى غمض عينيك وانت بتقرا

طيب اقرا بوداني يعني ؟؟
عملتي زي واحد كان معانا في الخارج
وكانوا زمان يرسلوا اشرطة تسجيل
للواحد مننا مكانتش التليفونات والنت اتطوزوا بالشكل ده
فكان صاحبنا كل ما يجيله شريط من البيت
يحط الشريط في الكاست والسماعات في ودانه
ويلبس نظاره نظر كانت معاه
اقول له طيب السماعات ماشي الحال لكن النظاره ايه لازمتها
يقول ربما كلمه توقع كده او كده اشوفها
...

الله الله والله زمان يابنت الاصول فين الكتابات الجميله دي بس
افتقدناها منك كثيرا
تحيه لك عمي ابو جمال علي امتاعنا بتلك الذكريات الجميله
من زهرتنا ونحن في الانتظار يا ام شروق

ام شروق يابو حسام لو تهاودني بس
وتقدم في الاذاعه
هتبقي حاجه كبيره قوي
...............

اذاعة ايه اللي هتكفيها دي
دي عاوزه اذاعة لندن كمان والبي بي سي ورويترز
علشان يقدروا يجاروها في فنها وابداعها المتألق دي موهبه فاذه ونابغه علميه معمليه فاذه برضه هههههه
هي بس اللي مش عارفة قيمة نفسها عاوزين نتشهر بقي يا عمي ومن جاور السعيد يسعد هههههه
ربنا يهديها علينا وترجع تتحفنا بمثل هذه الاعمال لانها طنشت كتير جدا وبقالها مده مش معبرانا ولا بعمل واحد يوحد الواحد

اهههههههههههههههه اياك اعني واسمعي ياجاره
لا بجد
عندها طريقه في كتابة القصه
مش معقوله ابدا
تحس انك في بريد الاهرام
او بابا شارو
او همسات اذاعيه طبعا انت مش بتسمع اذاعه اهههههههه الاذاعه للعواجيز بس امثالي
حاجه كده بجد والله ماشاء الله فعلا

مين اللي قال مش بسمع اذاعه
دا انا خبره كبيرة في مجال الاستماع بس للاسف
بيطلع كله علي الفاضي اكون جايب اذاعه الشرق الاوسط
الاقيها قلبت اذاعة fm ههههههههههه
هي بجد عندها موهبه خرافه بس ياريت تستغلها وتعمل لنا الحاجات الحلوه دي كتير

ايوه الله يابو حسام
ربنا يبارك لها في عيالها وراجلها
يارب ويبارك لك يابوحسام
في عيالك وبيتك يارب
اسيبك انا بقي كان نفسي اقعد معاك شويه لاني متوحشك والعالم ربنا
بس معليش عندي شغل بدري بكره
تصبح علي خير

اللهم امين يارب يا عمي يبارك لها وعليها
ويبارك لك انت كمان يا حبيب القلوب
اتفضل حضرتك وانت كمان واحشني جدا والله ومفتقدك
بس هتتعدل ان شاء الله ومفيش غياب بعد الان

كل دا اتقال على فى غيابى ؟
بص ضحكتنى  يا ابو جمال والناس نايمه دلوقت يقولوا اتجننت دى  على اللى بيلبس نضاره وهو  بيسمع الشريط
ثانيا  انتم ناويين على طردى من البيت وواحد فيكم يأوينى عنده علشان تقولوا لى  اشتغل فى الاذاعة
وصوت المرأة عورة ...قاللى ايه ابو شروق زمان ..قاللى لما تبقى تردى ع التليفون وتلاقى صوت رجالى ابقى حطى فى بقك اى حاجه علشان تتخنى صوتك
ومش عارفه يعنى احط فى بقى اكل مثلا ولا لبان ولا اعمل ايه  تقوللى اذاعة ؟
انا عندى صحيح طموحات كتير  بس بيتحقق قدر بسيط وانا راضيه الحمد لله  بلاقى نفسى قوى لما اعمل نص مسرحى والاقيه بيتعرض والابطال متجسدين قدامى زى ما انا متصوراهم بيبقى شىء جميل بالنسبه لى  بس العرض ده  بيكون فى نطاق ضيق  وكمان  بامكانيات ضعيفة
يعنى مثلا العرض بتاع ولادك يا محروسة  وكان فيه مخرج جا  من القاهره يقيم العمل  عجبه  لكن قال يفتقر الى الاستعراض
وهو فعلا يفتقر الى الاستعراض بس دى مش مسؤليتى  احنا خلينا كده هنا على جنب نكتب نفضفض  احسن ما كنا ندفن اللى بنكتبه فى اجندات اهو نصدع بيه دماغتكم  انتم مننا وعلينا وتستحملوا
وان شاء الله انت يا عبقرينووو اللى هتقرا قصص الرعب بتاعتى ابو جمال انا عارفاه هيتهرب

لا والله المسرحيه النص بتاعها روووعه
وقصه هادفه تحمل رساله معتبره
بس الامكانيات فعلا هي اللي ضعيفه
وربنا يحقق الامال يارب

الحمد لله كله خير يا ابو جمال