| موسوعه لشاعر العاميه صلاح جاهين | |
|
|
كاتب الموضوع | رسالة |
---|
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: موسوعه لشاعر العاميه صلاح جاهين السبت مارس 26, 2011 6:41 am | |
| الدرس انتهى لموا الكراريس بالدم اللى على ورقهم سـال فى قصـر الأمم المتــحدة مسـابقة لرسـوم الأطـفال
ايه رأيك فى البقع الحمـرا يا ضمير العالم يا عزيزى دى لطفـلة مصرية وسمرا كانت من أشـطر تلاميذى دمها راسم زهرة راسم رايـة ثورة راسم وجه مؤامرة راسم خلق جباره راسم نـار راسم عار ع الصهيونية والاستعمار والدنيا اللى عليهم صابرة وساكته على فعل الأباليس الدرس انتـهى لموا الكراريس ..
ايه رأى رجـال الفكر الحر فى الفكرادى المنقوشة بالدم من طفل فقير مولود فى المر لكن كان حلو ضحوك الفـم دم الطـفل الفـلاح راسم شمس الصباح راسم شـجرة تفاح فى جناين الاصلاح راسم تمساح بألف جناح فى دنيا مليانة بالأشبـاح لكنـها قلـبها مرتــاح وساكتة على فعل الأباليس الدرس انتـهى لموا الكراريس …
ايه رأيك يا شعب يا عربى ايه رأيك يا شعب الأحـرار دم الأطـفال جايلك يحـبى يقول انتـقموا من الأشـرار ويسيل ع الأوراق يتهجى الأسـماء ويطـالب الآبـاء بالثـأر للأبـناء ويرسم سيف يهد الزيـف ويلمع لمعة شمـس الصيف فى دنيا فيها النور بقى طيف وساكتة على فعل الأباليـس الدرس انتهى لموا الكراريس
منقووووول | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين السبت مارس 26, 2011 6:55 am | |
| الحدود ** واحنا فايتين ع الحدود مستمرين في الصعوود اختفى النيل الجميل من تحتنا و المدن و الريف و أول عمرنا و ابتدى شيء ينجرح جوه الوجود و ابتدينا أسئلة ملهاش ردود ميلنا عالشباك نخبي دمعة فرت مننا
باصة مالشباك على البحر البعيد واحنا داخلين بالأمل عالم جديد كنت فاكرة يا مصر اني زهقت منك و إكتشفت إني محال أستغنى عنك حتى دوشة صوت جيراني و الزحام وحشوني تاني بسمة حلوة لطفلة صغيرة لما كنت أديها حتة سكرة قبل مانفوتك وحشتينا يا مصر يا أمنا و ابتدى شيء ينجرح جوه الوجود و ابتدينا أسئلة ملهاش ردود ميلنا عالشباك نخبي دمعة فرت مننا
كنت بتذكر و أنا في غاية الأسى لعبنا الكورة في حوش المدرسة و الشقاوة واحنا لسة صغيرين و البراءة و الصحاب الطيبين لما سألتني اللي جنبي إنت مصري ؟؟...دق قلبي إسم زي السحر رفرف عالمكان زي نسمة مهفهفة بصوت الآذان أيوة مصريين لآخر كل نقطة في دمنا و ابتدى شيء ينجرح جوه الوجود و ابتدينا أسئلة ملهاش ردود ميلنا عالشباك نخبي دمعة فرت مننا
الوجوه من ثلج و عيون من قزاز شوقي زاد للعشرة و الناس العزاز و إبتديت أكتب و أنا فوق السحاب إبتديت يا حبيبي في أول جواب مصر إنتي حتة مني مش مجرد إسم وطني قالوا فاضل نص ساعة عالوصول قلت ايه معنى الساعات و الا الفصول إلا في الأرض اللي فيها ذكرياتنا و حبنا و ابتدى شيء ينجرح جوه الوجود و ابتدينا أسئلة ملهاش ردود ميلنا عالشباك نخبي دمعة فرت مننا ** منقوووووووووول
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين السبت مارس 26, 2011 7:01 am | |
| النخل في العالي والنيل ماشي طوالي معكوسة فيه الصـور .. مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي .. وهامتي كأن فيها حديد وعينيا رمل العريش فيها وملح رشيد لكني بافتحها زي اللي اتولدت من جديد على اسم مصر.
مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج وعجيج حوافر خيول بتجر زغروطة حزمة نغم صعب داخلة مسامعي مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج وجميع خيوط النسيج على نبرة مربوطة اسمعها مهموسة والا اسمعها مشخوطه شبكة رادار قلبي جوه ضلوعي مضبوطة على اسم مصر.
وترن من تاني نفس النبرة في وداني ومؤشر الفرحة يتحرك في وجداني وأغاني واحشاني باتذكرها ما لهاش عد فيه شيء حصل أو بيحصل أوح يحصل جد أو ربما الأمر حالة وجد واخداني انا اللي ياما الهوى جابني ووداني وكلام على لساني جاني لابد اقوله لحد القمح ليه إسمه قمح اليوم وأمس وغد ومصر يحرم عليها .. والجدال يشتد على اسم مصر.
ولما زماني رماني عليل نسيت كل شيء عن حبيبي الجميل لكن هو أبداً انا مانساهوش نسيت مشيته وصوته كان شكله إيه ورسمة شفايفه ولمسة إيديه نسيت نظراته نسيت لون عينيه وقوس الحواجب وسهم الرموش لكن هو أبداً انا ما انساهوش نسيت إسمه وحكايته وعرفته فين وعشنا سوى العمر والا يومين وكان م البشر والا طير بجناحين نسيت حتى كان له وجود أو مالوش لكين هو أبداً أنا ما انساهوش قطعوا الأغاني وطارت نشرة الأخبار دارت على كل دار في الكوكب الدوار يا حاضرين اعلموا الغايبين بأنه في مصر اتغير الاسم منذ الآن فأصبح .. مصر ضحك التاريخ ضحكته المشهور بها واندار ودخل مناقشة مع الجغرافيا عما صار هل نعترف بالبيان اللي أذيع العصر أم ننتظر مصر تطرد اسرائيل بالقسر وساعتها تحصل بكل جدارة يوم النصر على اسم مصر.
على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر.
مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر.
مصر السما الفزدقي وعصافير معدية والقلة مملية ع الشباك .. مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال على اسم مصر.
رحـيـلاً رحـيـلاً بغيـر هـوادة رحـيلاً فإن الـرحـيل سعـادة عبادة إرادة سيادة ولادة رحـيـلا .. إلى أين لـيس يـهـم ولـيس يـهـم بأي وسيـلة .. أجيـراً بلقمـتـه في البـواخـر .. عـلى واحـد من جيـاد القبيلة .. على مقعـد في ذرى الجـو فـاخـر وتمـلأ الكـأس بنت جمـيلة .. على قدمي .. أو بفكري .. أهاجر أبادر أغادر أخاطر أسافر ولـكـن إلى أيـن .. لـيس يـهـم إلى حيث لا تعبـر الأفـق شمس إلى القـطب .. أو حلقة الاستواء .. إلى حـيث يـسمـع لـلجـن همس إلى بـاطـن الأرض أو في الـفضـاء إلى مـرفـأ الغـد .. أو أرض أمس أرى كل شيء ومن أين جاء وافعل ما قاله القدماء من الفقراء أو الحكماء أو الأمراء أو الأشقياء أو البلهاء فليس يهم لقد قيل وهو الكلام المهم اللي يعيش ياما يشوف واللي يمشي يشوف اكتر
شفت الجبرتي بحرافيش الحسين وبولاق بان البلد ماشي زي النمس في الأسواق بالفلاحين ع المداخل من بعيد وقريب بالأرنؤوط بالشراكسة بكل صنف عجيب مترصصين سور رهيب مزراق في ريح مزراق كأنهم لا بشـر ولا خلقـة الخـلاق ومصر فلاحة تزرق بين رقيب ورقيب من غير أبو الهول ما ينهض ناهضة شايله حليب والصبح بدري الجبرتي ينام وقلمه يسيب على اسم مصر.
مصر اللي عمر الجبرتي لم عرف لها عمر وطلع لقاها مكان مليان عوام وزعر جعيدية غوغاء يجيبوا تملي وجع الراس وخليط أفارقه هنادوة روم ملل أجناس والترك في القلعة والمماليك خدودهم حمر كان عمرها ستلاف سنة .. كلها سنين خضر بس الزمان يختلف زي اختلاف الناس ناس تبني مجد وحضارة وناس بلا احساس وناس تنام لما يزحف موكب الأحداث على اسم مصر.
أنا اللي اسمي حتحـور .. أنا بنت رع مثـال الأمـومـة ورمـز الحـنـان تفـيض حـلمـاتي وتمـلا الـتـرع وتسـقـي البـشـر كلهـم والغـيـطان
أنـا ربـة الحـب حتـحـور أنـا أنـا السيـدة المـنـجدة المـغـرميـن وكـم مـن محـب ف هـواه انـضـنى دعـاني وطيـبـت خـاطـره الحـزيـن
أنـا طـيبـة انمـا طـبـعي صـعـب وديعـه .. ولـو ثـرت بـطشـي مـهـول ما اشـوفش اللي قدامي لو ألف شعب أدوسـهـم وتجـري دمـاهـم سيـول
ويـوم رع ما فـات بسنـاه في السـما وكل العيـون خايفـة تنـظر اليـه وجـالـه القمـر خلقتـه معتـمة وعـدى قصـاده .. وضـلم عـليه
يا ويـل الـلي فتـح في ابـويا العـظيم يا ويل من تطاول يا ويل من ضحك يا ويـلك يا مصـر مصيرك الـيم أنا اللي اسمي حتحور انا ح امسحك يحـاول يهـديني رع ما اسمـعـوش وادمـر واطـيـح في البلاد والعبـاد أنـا الـطيبـه .. كنت زي الوحـوش سفـكـت دماء البـنـات والـولاد
دبـحت المحبـين في عـز القبـل هـدمت المعابد على المنشدين قلبت على النحـاتين الجبل حرقت الغيـطان هم والفلاحين
لحد ما رع نـادى ع الآلهة وقال صـبوا في النهر كل النبيذ وشفت الميـاه حمرا ومزهزهة وظنيتها دم الضحايا الـلذيذ
شربت انتقامـاً شربـت شربـت وأنا بالـعن المفتـري والغبـي وحبـة بحبـة عن الوعـي غبت ونمت على النيل في ضي أبي
وقمت .. بكيت من فؤاد أم ثكلى ونهنهت فوق صدر مصر العريض على العالم المبدورين جنبي قتـلى وكان دمعي ينصب في النيـل يفيض
واقول ليه يا مصـر ولادك كـده يا إمـا المذله يا يتـجبـروا يا خوفـي يا فـرحة قـلوب الـعدا ويا نـدمـي لو ما يتغيـروا
ومن يـومها والنيـل في نفس المعاد يفيض كل عام قبل فصل الخـريف بلون حمرة الـدم يملا البلاد ويملا النسـأيـم بعـطر مخـيف
بعطري أنا الـلي اسمي حتحور أنـا وعـطري مخـيف وحـنون وطـري يفـرح بس مـرة في كـل سنة ويهمس يا مصر اذكـري .. واحـذري
نهايته يا مصر اللي كانت أصبحت وخلاص تمثال بديع وانفه في الطين غاص وناس من البدو شدوا عليه حبال الخيش والقرص رع العظيم بقى صاج خبيز للعيش وساق محارب قديم مبتورة ف أبو قرقاص ما تعرف اللي بترها سيف والا رصاص والا الخراب اللي صاب عقل البلد بالطيش قال ابن خلدون أمم متفسخة تعيش ليش وحصان صهل صحى جميع الجيش على اسم مصر.
حصان عرابي جميل حصان عرابي أصيل حصان عرابي رشيق ديله طويل يسهر مع الخيل طول الليل يتكلم ويقول أراء رغم إنه ماكانش متعلم ويقف في عابدين وياخذ زاوية البروفيل للرسامين يرسموه ونشوفه جيل ورا جيل ويعدي كالريح على المجاريح ويسلم وحافره ع الصخر في التل الكبير علم ولما صابه انفجار القنبلة اتالم على اسم مصر.
والمس حجارة الطوابي وادق بكعابي يرجع لي صوت الصدى يفكرني بعذابي يا ميت ندامة على أمة بلا جماهير ثورتها يعملها جيشها ومالها غيره نصير والشعب يرقص كأنه عجوز متصابي إنهض من القبر احكي القصة يا عرابي يطل لي رافع الطهطاوي م التصاوير شاحب ومجروح في قلبه وجرح قلبه خطير وعيونه مغرورقين بيصبوا دمع غزير على اسم مصر.
مالك سلامتك بتبكي ليه يا طهطاوي قال لك عرابي .. انكسر بسلاح أوروباوي وسلاح أوروبا ماهواش المدافع بس ده فكر ناقد مميز للثمين والغث قلناها ميت ألف مرة ألف مرة بصوت جهير داوي
بس الحماقة لاليها طبيب ولا مداوي ولا حد م الخلق بالخطر اللي داخل حس الغفلانين اللي خلوا العقل صابه مس قالوا الخطر هو فكر أوروبا لو يندس على اسم مصر.
أحسنت في القول صحيح يا ولد يا متنبي جبت اللي جوه الفؤاد عن مصر متعبى وحكمت بالعدل لكن بعضنا انظلموا " يا أمة ضحكت من جهلها الأمم " العلم كان عندنا من صغره متربي لكنه هاجر وعدى البحر متخبي لما الإيران هجموا ثم اليونان هجموا ثم الرومان دمروا ثم التتار هدموا ثم الجميع كل واحد جه مسح قدمه على اسم مصر.
أيها الديك رفيع الموضع يا صفيحاً فوق مسمار يدور صف لنا فعل الرياح الأربع قل لنا .. لو كنت تدري ما يدور
قال صه . فالآن ريح الشرق جاءت تحمل الضوضاء من سوق المزاد وتغني دون لحن كيف شاءت أنا ريح الشرق أدعى شهرزاد
أنا أحكي ثم أحكي ثم أحكي وأمامي السيف كالعشب يميل وبكائي يتساوى مع ضحكي طالما كان بأسلوب جميل
ثم ها قد أرسل الغرب رياحه تزكم الأنف برائحة عجب وتغني كبغى في مناحة أنا ريح الغرب لوني كالذهب
أنا صفراء برمل الصحراء أدفن الخضرة تحتي دون رحمه أوصدوا الباب بوجهي الحقراء حسنا فلتصبح القرية فخمة
ثم ها قد اقبلت ريح الجنوب بدخان الدهن تسري عابقة وتغني انني أدعي الهبوب أنا سوداء كبئر المشنقة
أنا سوداء كأفعى هائلة كرماد النوم ينثر في العيون كالعرايا في المروج الموحلة سعداء .. تعساء ..يرقصون
وتأنى برهة ديك الصفيح يلقط الأنفاس وهو يترنح دائراً دورته مع كل ريح وأخيراً صاح كالأسد المجنح
هللويا ..أقبلت ريح الشمال في غلالات رقاق راعشه وهي تشدو بحنو ودلال ها أنا ريح الشمال المنعشة
إنني وردية مثل العسل ديدمونا .. هكذا يدعونني قد عبرت البحر يحدوني الأمل لعطيل أسمر .. يخنقني !
ومضى ديك الرياح في دعه من يمين ليسار يتذبذب وبدا اضحوكة وإمعه وهو مصلوب شهيد يتعذب
وعلى رأي المثل الديك الصفيح بيدوخ ويا الريح والديك الصفيح م البيضه بيصيح ويقول بالصريح الفكر فوق في الشمال يا الله الحقوه يا ولاد لحقوه ولاد من ولاد الأغنيا الأسياد وهم راجعين رموه في الباخرة في البحر ونزلوا حكموا في ظل الانجليز والقصر ومصر في الشمس بتغربل كلام منعاد عن ابن بنت ابن حنت وطارق ابن زياد والانجليز راضية بالخطباء وخطب الفخر خطيب يهز الرؤوس وخطيب يهز الخصر وخطيب يموت موتة الأبطال قتيل القهر على اسم مصر.
والانجليز معجبين بمراسم التأبين مات مصطفى كامل اتملت البلد صواوين والمشرقين شوقي جابهم لجل يبكوا عليه آه لو عرف هم إيه دلوقت وبقم إيه المشرق الأولاني هو شعب الصين هزم التخلف بتنظيم اشتراكي رصين تنظيم يروح اللومان على طول كده برجليه والمشرق التاني ينحط الحديد في إيديه مليون شهيد يعني ثورة تخض شوقي بيه على اسم مصر.
هل مصر موميا جميلة صورتها فوق النعش يعشقها مجنون ينادي عليها ولا تطلعش هل مصر نار صفصفت والنفخ فيها محال والأرض نشعت على رمادها استحال أوصال سألت أنا الرافعي كان عجٌز ولا بيسمعش لكن عينيه كانوا يحكولي قصص ما اشبعش يقولولي ماتخافش مصر بخير وعال العال مصر الجبرتي ومصر الرافعي حال غير الحال انظر محمد فريد أعظم وأرقى مثال على اسم مصر
خذ الكتاب في يمينك وانظر الترقيم عند المحبة وعند الموت في حرف الميم تلقى محمد فريد بينهم مقيم ع العهد وتلقى وجهه المدوٌر زي قرص الشهد مليان حماسة وكياسة وجدعنه وتصميم على إيه مصمم؟ .. يسهٌم زي كل زعيم ويقول على الثورة اللي وأدوا ثورته في المهد أنا بابني في السر شيء صعب المنال كالفهد على اسم مصر.
محلول مركز من السكر في كباية وف قلبه خيط يتلضم حباية حبايه سكر نبات بللورات الماظ بتضوي ضي وتفضل الألماظات تكبر شوي شوي لحد ما العقد يبقى في الجمال غايه ده الحزب في الشعب نضرب به المثل آيه الصلب والسايل الاثنين سوا ياخي تنظيم محمد فريد في كل قريه وحيٌ بللوره بتشع بالثورة اللي يومها جيٌ على اسم مصر.
العقد الماظ ورقبة مصر لايقاله ضيٌع فريد كل أرضه عليه وأمواله وفجأة حاكموه ويالله نفوه عن الأوطان وحرب عالمية أولى ووفد م الأعيان وثورة والانجليز انحطوا وانشالوا مين اللي نظٌم فلول الشعب ده بحاله ازاي جميع البلاد تنهض في نفس الآن القاهرة اسكندرية منفلوط اسوان وبعيد يا ولداه فريد مرمي وحيد شرقان على اسم مصر.
السيمفونية اسمها الثورة على المحتل سنة تسعتاشر اتعزفت في كل محل تأليف محمد فريد ألفها من سنوات وكتب لها النوتة بوق وبيانو وكمنجات عزفوها من غير قيادته وجمعهم ما اختل غير وقت صرف الأجور لما النفر ينذل من وقتها وغلوشت نغمات على نغمات وسعد زغلول زعيم مشغول في الانتخابات يخطب ويضرب يابده يطبع البصمات على اسم مصر.
وف أوضة عريانة فيها كل شيء بردان رقد فريد وحده بالحمى والهـذيان وقام وقف ع السرير في تلج المانيا ينده يا مصر اسمعي اللي مفاق الدنيا ووصيتي الثورة لاشتراكية والبنيان ثورة بحق وحقيق مش حركة م الأعيان ماتغمضوش عن وحوش الغرب ولا ثانية ح تروح وحوش لنجليز تطلع وحوش تانية وسقط ونطق الشهادة ونظرته الحانية على اسم مصر أنا الذي مشيت ادوٌر باشتياق وحنين على مصر .. والمشي خدني من سنين لسنين لحد ماسنيـنهـا وسنـيني بقم واحد وعاصرتها يوم بيوم لم فاتني يوم واحد وحضرت شاهد عيان مولد وموت ملايين مازعلت من كلمة قد البركة في الجايين مين هم دول يا جدع .. ما توحد الواحد البركة فينا وفي السامعين بالواحد أنا قلتها بنرفزة .. من غيرة الواحد على اسم مصر.
مصر الرمال العتيقة وصهدها الجبار والنيل كخرطوم حريقه وحيد في وسط النار في إيدين بشر نمل رايحه وجاية ع الضفة فيهم مطافي وفيهم كدابين زفة وفيهم اللي تعالى وقال أنا حكمدار وكل باب م البيبان مقفول على اسرار وكل سر بحريقة عايزة تتطفا من أهلي تندهلي وتقوللي تعا اتدفا أنا اللي عمري انكتب إلى يوم ما اتوفى على اسم مصر.
على اسم مصر ارفعوا الانخاب واملولي شدوا الوتر ع القمر يا شباب وغنولي نسكر على حبها بالفن والاحساس نسكر ودمع الحماس يملا لنا تاني الكاس احنا يا حلوه الفدا بس اطلبي وقولي يا سمره بعيون كده وسنتك لولي وغنوه الحب تعلا ويسمعوا الحراس يصفروا ويحضروا بفرقة طبول ونحاس ويتقفل سجن مصر امام عيون الناس على اسم مصر.
والمطبعة تدور وتخطف كل إيد منشور عيش لسة م الفرن طالع ريحته ريحة النور يا فلاحين يا جنود يا طلبة يا عمال عدوكم حلف لاستعمار ورأس المال عاش الطريق لشتراكي قوم يا شعب وثور وحكمكم حكم اقطاعي عميل مأجور عاش الكفاح بالسلاح إلى القنال يا رجال خلوا حياه لنجليز المستقرة محال والشمس نامت ليلتها وفكرها شغال على اسم مصر.
القاهرة في اكتئاب والأنس عنها غاب من عتمة تدخل لعتمة كأنها ف سرداب أو قرية مرمي عليا ضل هجانة الحظر م المغربية بأمر مولانا ومصر في الليل بتولد والبوليس ع الباب صبية ولاٌدة يابا ولحمها جلاب طلع الصباح زغرطت في السكة فرحانه على كتفها مولودتها لسه عريانه وف لحظة كانت جميع الدنيا دريانة على اسم مصر.
على كتفها مولودتها وتجري وتنادي ياولادي من يوم ميلاد الأرض ياولادي ينهض لها امحتب بدواه يقويها وبنتاؤر ينشد الاشعار يهنيها وسعد زغلول يكح يزلزل الوادي وعرابي يهمس ومصر ترد بتمادي تقوله آه برضه ثورة جيش وح احميها بالدم بالروح بكل حياتي ح افديها اما الأسامي معنديش غير اسمها على اسم مصر.
مولودة كبرت وشبت في تلات تيام من هبة هبت .. لثورة لبت الاحلام والعرش عام راح ايطاليا بعيد ورا البراميل يا هلترى دي حقيقة والا وهم جميل ومصر من إمتى كانت حظها بسام ظهر قميص العرق متشمر الاكمام أنا شفته عقلي برق وبدأ لصاحبه يميل نقشت له ف قلبي احلى وأروع التماثيل بدراعي والمطرقة وبإيدي والأزميل على اسم مصر...
منقووووووووووول | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| |
| |
زهرة الجنوب ...........
عدد المساهمات : 26070 العمر : 44
| موضوع: رد: موسوعه لشاعر العاميه صلاح جاهين السبت مارس 26, 2011 8:04 am | |
| جميل يا سعيد موسوعة جميلة جدا الف شكر | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين السبت مارس 26, 2011 11:41 am | |
| شكرا ام شروق على المرور بالموضوع
وسنحاول جمع اكبر قدر من اعمال
الشاعر صلاح جاهين ان شاء الله | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: موسوعه لشاعر العاميه صلاح جاهين السبت مارس 26, 2011 12:17 pm | |
|
شكرا سعيد
علي هذه الرباعيات الجميله
لشاعرنا المحبوب دائما
ملف رائع بارك الله فيك .........
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين السبت مارس 26, 2011 12:20 pm | |
| شكرا ابوجمال على المرور الجميل بالموضوع
ونتمنى ان يجد مانقدمه استحسانكم دوما ان
شاء الله .نورت الموضوع يا ابوجمال | |
|
| |
محمد ابوالعبادى مشرف المنتدى العام
عدد المساهمات : 933 العمر : 59
| موضوع: رد: موسوعه لشاعر العاميه صلاح جاهين السبت مارس 26, 2011 12:37 pm | |
| شكرااستاذ سعيد
على هذا الملف الرائع
انه صلاح جاهين الشاعر الجميل
الذى ارتبط اسمه باسم ثورة
العزة والكرامة ثورة ناصر
عزيزى تقبل تحياتى
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين السبت مارس 26, 2011 1:08 pm | |
| شكرا استاذمحمد ابوالعبادى على المرورالجميل
بالموضوع وجميعنا يعرف قيمة صلاح جاهين
الادبيه والسياسيه ولايمكن انكارها .شكرا استاذ
محمد ابوالعبادى | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الإثنين سبتمبر 26, 2011 1:04 am | |
| | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الأربعاء نوفمبر 02, 2011 10:54 am | |
| | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الأربعاء نوفمبر 02, 2011 10:56 am | |
| | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الأربعاء نوفمبر 02, 2011 10:57 am | |
| | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الأربعاء نوفمبر 02, 2011 11:01 am | |
| | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الأربعاء نوفمبر 02, 2011 11:01 am | |
| | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الأربعاء نوفمبر 02, 2011 11:16 am | |
| | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الإثنين يناير 30, 2012 8:31 am | |
| إن كـنـت فـاكــر قـــول وإن كـنـت نـاكـر قـــول جـاوب قـوام علــى طــول والا انــت يـمـكـن يمـكـن يمـكـن مــوش مذاكــر؟ فـاكر لـما كنـا فـى المعـادى والشــوارع ماشـية عــادى والسـمـك فـى البحـر هـادى والتــروللى بالتــذاكــر ؟ فـاكـــر والا نـاكــر فـاكـرلـما كـنا فـى المحلـة واتـرسـمنـا فـى المجـلـة قـلـت نـلعـب قـلـت يـالله قـلـت امتـى قلت باكــر ؟ فـاكــر والا نـاكـــر فـاكر لما كنا فى سيـدى بشـر ومليـنـا الأرض قـشــر والغـفير كـان اسـمـه خضـر والمـديـر كان اسمه شاكر ؟ فـاكــر والا نـاكـــر فـاكـر لما كنا فـى أبو سمـبل والمـناظـر شيـك وسمـبل وقـابـلـنا شيـرلـى تـمـبـل واتصـاحبنا مع العسـاكـر فـاكــر والا نـاكـــر
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الإثنين يناير 30, 2012 8:34 am | |
| أنـا والـلـى احـبـه يـا نينـة عـايـزيـن نـقـابـلـك يـوم بالصـدفـة كـده فـى جـنينـة أو شــط بـحـــرالـعــوم ولـو رضـيـتــى عـلـيـنـا مـا فـيــه عـلـيـنـا لــوم محبـوبـى شـاب جميـل وقلبى لـه بيميل يا نينـة وحـيـاتـى ما تقـابليهـوش بفـتـور قابليه بكل سرور ده روحـى وحيـاتـى
ابـتـســـمـى ع الـهــادى وكـيــــدى حـســــادى وكـلـمـيـــه عـنـــــى مــن وقـــت مـيــــلادى مـا فيـه عــلينـا لــوم ولـو نقـابـلـك يـــوم مـحـبـوبـى حـبـه عـنيـف ولـو ان قـلـبــه رئـيــف وف مـعـظـــم الأحـيــان عــســل ودمـه خـفـيـف احـكـيـلـه عـن حــبـــك لـبـنـتـــك الـغــالـيـة عـشـــان يـكــون زيــك فـى مـحــبـتــه لـيــا
يــا رب يــا أمـــى بعـواطـفـى تـهـتـمـى وتـطـــمـنـى بـابـا وتـفـهــمـى عـمــى وامـا نـقـابـلـهـم يـوم مـا فـيـه عـلـينـا لـوم | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الإثنين يناير 30, 2012 8:34 am | |
| كان مـرة فيه يا حبيــبتـى اتنيـن شبـهـنـا تـمـام اتـقـابلـوا زى انا وانـتــى فـى حـلـم م الأحـــلام والحلـم دام .. يا حبيبتـى .. على الــدوام ...
كـان كل حـى وطـريقــه بـس القـدر لـه فـنـون يهـدى الصديـق لصديـقـه والبـاقـى كـلـه يهــون لما العيـون يا حبيبتــى قابلــوا العيـــــون ندهـوا العيـون للعيــون واتعاهـدوا عهــد الغـرام على الــــدوام...
لهنا ... وقصتـنـا حـلـوة لكـيـن لا بــد العــذاب والحـيرة والخـوف يا حـلوة ودمعتـيــن العــتـــاب بس الشبـاب يا حبيبتــى هـــــو الشبــــاب والقــلب فـى القـلب داب ونسيـوا طعــــم الآلام على الــدوام ...
قلبـيـن وبينهـم ما بينـهـم يدخـل مـا بيـنـهـم مـيـن رمـوا كل شىء ورا منـهم ولا سمـعــوا للايمـيـــن هايمـيـن سوا يا حبيـبتــى مـتــبــســـمـيـــن للحب ... مستسلميـــن فى قصــة مالهـاش ختام ويـامـا فيـه يا حبيبتــى اتنيـن شبهنــا تمـــام اتقـــابلــوا...
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الإثنين يناير 30, 2012 8:35 am | |
| كــلام الـلـيــل كــده جـمـيــل زى الـنـدى ييجـى النهــار ويــروح مـا يـعــود إلا صــدى كــلام الـلـيــل كــده الـلـيـل نجـومـه كـلام لـولى ودهـب يـا سـلام ونسـيمـه همـس غــرام والـبـــدر سـلطـانـه الليـل نجــومـه وعـود يـا هـنيـا لـلـمـوعـود والصـبح كـل الـعـهـود مـا كـأنـهــم كـانــوا الليـل نجــومـه سطـور بينـا وبينـه بـحــــور أول مـا ييجـى الـنــور تتهــد عـمـــــدانـه ويـنـــادى كــروانـه كــلام الـلـيــل كــده كــلام الـلـيــل كــده جمـيــل زى الـنــدى ييجـى النهــار ويــروح مـا يعــود إلا صـــدى
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الإثنين يناير 30, 2012 8:36 am | |
| يـا مـلـتقـى الـصـحـبـة .. يـا لا لـلــــى يـا ورد فــى الـصـحـبـة .. يـا لا لـلــــى
منـوريـن فى الـقعـدة تمـلى
يـا صـــــهـبـجـيــة .. إيـه يـا لا لـلـى عـاوزيــــن شـــويـة .. إيـه يـا لا لـلـى حــاجـة م الـلـى هـيــة .. إيـه يـا لا لـلـى حبـة آهـات علـى ليـل على عيـن .. علـى يـا لا لـلـى
الحلو قال جاى لى ولا جاشـى بقيت أكلم روحـى وأنا ماشـى
هـى الأسيـة شويـة عليـا ؟!
يـا صـــــهـبـجـيــة .. إيـه يـا لا لـلـى؟ يوعدنـى قـال ويقـول معلشى أورى لـلـنـاس ازاى وشـى
يـا صـــــهـبـجـيــة .. إيـه يـا لا لـلـى ؟
أنا وحبيبـى روحين فـى زكيبة يتعـلمـوا منـا الحـبـيـبـة أمـا العـوازل جـتهـا رزيـة
يـا صـــــهـبـجـيــة | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الإثنين يناير 30, 2012 8:36 am | |
| الصـبـح دق الـبـــــاب .. qأفـتـح .. ألاقــى جــواب .. مشبـوك فى صحبة ورد بيسأل .. وبـيـشــرح الأسـبـــاب .. لـيــــه الـغـيــــاب .. لـيــــه الـعـــــذاب .. مـن غـيــر عــتـــاب .. رقـصــت م الـفــرحــة .. أصــل الـهــوى غـــلاب مـن قبـل ده الـمـرسـال .. مـريـت عـلـى أهـواك .. وبقيـت حـالـى حـــال .. خـاف الـضــلام مـنـه حيـرانـة مـا لـى دلـيــل .. صـابـرة وصـبـرى قلـيـل .. عـشـان حـبيبـى جـميــل .. ومـاليـش غنـى عـنـه مـلا عـلـيـا حـيـاتـى .. وبقيـت باشـوفـه يـومـاتى وفـجـأة فـجـأة اخـتفـى .. إيه اللى جـرى يـا خـواتى .. لـكـن أقـــول الـحــق .. يـا ضـنـايـا قـلـبـك رق .. والخيـر سبـق .. والباب .. دق الصـبـح دق الـبــــاب .. أفتـح ألاقـى جـواب ... إلخ . جانى ملانى حنان .. وحنين ولهفة كمان .. ورد ف ورق سلوفان .. أبـيـض عـلـى بمـبـى الأبيـض يقـولـى سمـاح .. يـوعـدنـى بـالأفــراح .. والبمـبـى خـدنـى وراح .. لحبيبـى روح قـلـبــى أقـول لـه أوعــك تـانــى .. تـكـون سـبـب أحــزانـى .. ده أنا شفت يـوم ما انساهـوش .. غـلبنـى مـوت .. آه يـانـى .. لـكـن أقــول الـحــــق يـا ضـنـايـا قـلـبـك رق والخيـر سـبق .. والباب .. دق
الصــبـح دق الـبــــاب .. أفـتــح .. ألاقــى جـواب .. مشبوك فى صـحبة ورد بيسأل .. وبـيـشـــرح الأسـبــاب .. لـيـــه الـغـيـــــاب .. لـيـــه الـعــــــذاب .. مـن غـيـــر عـتـــاب .. رقـصـــت م الـفــرحـة .. أصـــل الـهــوى غــلاب
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الإثنين يناير 30, 2012 8:37 am | |
| المصريين أهمه فى الدنيا أول أمه متحضرين ومؤمنين المصريين أهمه حيوية وعزم وهمه جيل بعد جيل متقدمين المصريين .. قلبى وياكو يا مصريين فين ما تكونوا إنتو أفراح القلب وهمـه وشجـونـه ومادام قلبنا كده على بعضنا نرضى ربنا والخير ح يزيد وتعيشى يا مصر ف عزة ونصر مرفرف فوقنا علم ونشيد المصريين .. المصرى فى أى تاريخ ميلادى أو هجرى وفى أى مكان وزمـان هو هو المصـرى لاسمر أبو ضحكة ترد الروح أعرفه من بين مليون إنسـان صاحب واجب بفديه بالـروح ولا يرضـى بذل ولا بهـوان والمصريين أهمه
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الإثنين يناير 30, 2012 8:37 am | |
| البيت الكبير يا حبايب البيت الكبير انشالله منور كده دايما بالخير الكتير السـهــرة الليـلـة فـى بـيت العـيلـة مــع كـل العيـلة وحبـايـب العـيـلة وولاد العـيلـة وأحـفـاد العيـلة فى البيـت الكبـير أجـداد الكــل يـا بركـتـنـا بوجـودكـم تمــت فرحـتـنا احـنـا ضيوفـكم جينا نشوفـكم لسـه فاكـرين لنـا شقاوتـنا ؟
الليــلة وف كــل المـواعيـد الزيـنـة بتـتعـلـق عنـاقيـد والهـم يـزول والأنـس يـزيد والعـيـلة تـطـول رقـبـتـنا عيـلـة تــشـرف الإنـسـان وتقـول للصـحـبة والجيـران أهـــــــلا فـى البـيــت الكـبــيــر
"المــــذهـــــــب" آدى نونـو بيمشى على قـده أول مرة بـيــزور جــدو جى برجليه عينى باردة علـيه والوردة الحلـوة علـى خـده
بيتـنا الكبـير بالهـنا مليــان وادى البنـات وادى الشبـــان جايـين عرايسهم والعرســان يدخلوا فى العيـلة كمان برضـه
عيـلة تـشـرف الإنـســان وتقـول للصحـبـة والجيران أهـــــلا فـى البـيـت الكـبـيـر
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الإثنين يناير 30, 2012 8:37 am | |
| أنـــا أنـــا أنـــا أبــريــق الـشـــاى إيـــــدى كـــــدة بــــوزى كــــــدة أصــب الــــشــاى وارجــــع كـــــدة واعـرف بـرضـه يا كتـاكيـت أحـكى حــواديـت كـان فيـه واحـت نيـن تــلاتـة ويـا أربعـة خمسـة تـاتـة تـاتـة راحــوا لعــم علـى الحلـوانـى عـايـزيـن بسـكـوت بالشـكـلاتة الـحـلـــوانـى يـا أطــفــال فكـر لـحـظـة وبـعـديـن قـال بسكــوت بالشكــلاتـة مـا فيـش يمـكـن فـيـه عنـــد البقـــال البقــال قــال اشـتـروا سـكـر خـدوا بفلـوسـكـم كـلهـا سـكـر حتـى اسـألـوا أبــريـق الشـاى كـان ياما كان قفطـان لـونه أحمـر لابسـاه قمــورة اسمـهـا مـرمـر وقـطـط خضـرة وقـطـط صفـرة وأنـا وانتـو بنضـحك ونـكـركـر حاجــة ظــريفـة وعـال العـال لكـن فـجـأة حـصـل زلـــزال أتـاريـه الفـيــل أبــو زلـومـة عمـال يـرقـص فـى الأدغـال … جــوه الأدغــال الـهـنـــديـة الفـيـــل بيغـنـى أغـنـيـــة ويقـول أنـا وانتـى يـا زلـومتـى
نشـبـه ســوا أبـريـق الشـــاى
كـان فيـه فـى بـلاد العجـايــب حفلـة شـاى لتـلاتـة حبـــايـب الـدبــة والـبـوبـى والـنـمـلـة والتعـلـب بـرة مـالـه نـــايـب التعـلـب قــــدامـهـم فـــات وف ديـلـه سـبــع لـفــــات كل الحفلـة قــالـوا لـه يا تعـلـب ابـعـد عـنـا عـشــر يــاردات تعلـوبـة قـال فيهـا يـا اخفيـهــا واقلـب فنـاجيلهـا وكــراسـيـهـا ضـحـك التعلـب ضـحكة نبيهــة قـال أنـا عنـدى فكــرة وجيـهـة وعـشــان أغيـظــكم وأجنـنـكم راح أخبــى أبـريـق الشــــاى كان فيه واحـد مـزيـكـاتى ومعـاه صـاحـبه مألفاتـى غرقت بيـهم مركب .. عامـوا لجزيرة القـرصان زناتـىلتنـين كانوا طـوال وعراض انكمشـوا بفـعل الأمـراض بقوا كـدة م الأمـواج البـاردة والسمك البحرى العضـاض القـرصـان قـال : حـاجـة تعكـر ليـه واقفيـن لـى بهـذا المنظــر الشاعــر قـال لـه : يـا مـوقـر ح نغنـى أبـريـق الـشــــاى
الملحـن : أبـريـق الـشـــــاى ؟ المـؤلف : أبـريـق الشـاى........ الملحـن : الغنـوة دى مـوش عـارفها
المـؤلف : يالله أنـا وانت نـألفـهــا
الملحـن : طــيـب ألــــــف ..
المـؤلف "يوشوشه" : أنــا أنــا أنــا أبـريـق الـشـاى الملحـن "يغنـى" : أنــا أنــا أنــا أبـريـق الـشـاى المـؤلف"يوشوشه" : إيـــدى كــــدة
الملحـن "يغنـى" : إيـــدى كــــدة بـوزى كـــــدة أصــب الشـــاى وارجــع كــــدة لطفـى : ودى ياولادى قصة تأليف وكمان تلحين الغنوة دى
| |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 64 الموقع : قطر
| موضوع: رد: موسوعه لشاعر العاميه صلاح جاهين الإثنين يناير 30, 2012 8:57 am | |
| موسوعه جميله لعمنا صلاح جاهين
وبالفعل يستحق منا ان تكون له موسوعه بالسها
مجهود رائع واختيار موفق جدا
شكرا سعيد ........... | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الإثنين يناير 30, 2012 10:24 am | |
| شكرا ابوجمال على المرور الجميل بالموضوع
وان شاء الله نحاول ان نجعلها موسوعة كاملة
تليق بعمنا وعم الكل صلاح جاهين لانه يستحق | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الجمعة مايو 04, 2012 8:37 pm | |
| أنا قلت كلمة و كان لها معنييـــــــــن
كما بطن واحده و توأمين زي وشين
لو دنيا شر.. التوأم الخير يمـــــــوت
لو دنيا خير .. الشر ح يعيش مــنين
عجبي !! **********************
لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره
عجبي !!
***************
ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!
****************** لولا اختلاف الرأي يا محـــــترم
لولا الزلطتين ما لوقود انضرم
و لولا فرعين ليف سوا مخاليف
كان بيننا حبل الود كيف اتبرم ؟
عجبي !!!!
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الجمعة مايو 04, 2012 8:42 pm | |
| عبثا باقول واقرا في سورة عبس
ماتلومش حد إن ابتسم أو عبس
فيه ناس تقول الهزل يطلع جــــد
و ناس تقول الجد يطلع عبـــــث
عجبي ! ****************
يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!
*******************
يا للي بتبحث عن إله تعبده
بحث الغريق عن أي شيء ينجده
الله جميل وعليم ورحمن رحيم
إحمل صفاته ... وانت راح توجده
عجبي !!
******************* إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: موسوعه لشاعر العاميه صلاح جاهين الجمعة مايو 04, 2012 8:51 pm | |
| أنا كان لي أب . و كان رئيس محكـــمه
ستين سنة .. في قضية واحدة أترمي
ستين سنة و طلع براءة و خــــــــرج
يشكي الحياة و الموت لرب السمـــــا
عجبي !!!! ****************** يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!
******************* يا للي انت بيتك قش مفروش بريش
تقوى عليه الريح . يصبح مفيش
عجبي عليك حواليك مخالب كبار
وما لكش غير منقار وقادر تعيش
عجبي !!
******************
طال انتظاري للربيع يرجــــــــــــــع
و الجو يدفا و الزهور تطلــــــــــــع
عاد الربيع عرمرم شبـــــــــــــــاب
إيه اللي خلاني ابتديت افــــــــزع ؟
عجبي !!!
************************ أوصيك يابني بالقمر و الزهـــــــــــــور
أوصيك بليل القاهرة المسحـــــــــــــور
و إن جيت في بالك .. إشتري عقد فل
لأي سمرا.. وقبري إوعك تـــــــــزور
عجبي !!!!
*********************** يا كل كلمة للعجب في قامــــــــــــوس
انسكلوبيديا لسان العرب أو لا لاروس
تعالوا نجدة . ده لسه في عصـــــرنا
الشمس و البحر العريض بالفـــلوس
عجبي !!!!
********************
دخل الربيع يضحك لقاني حزين
نده الربيع على إسمي لم قلت مين
حط الربيع أزهاره جنبي وراح
وإيش تعمل الأزهار للميتين
عجبي !!
********************** سلام سلام سلام سلام ... سلام
كلام كلام كلام كلام ... كلام
هز الورق يا صاحبي كدهــــوه
يطلع كلام سلام .. و سلام كلام
عجبي !!!!
| |
|
| |
| موسوعه لشاعر العاميه صلاح جاهين | |
|