يا ليل يا ليل / الشيخ محمد عبد القادر

يا ليل يا ليل / الشيخ محمد عبد القادر
يا ليل يا ليل يا ليل
ومفيش نصيب للنهار
علشان النهار صاحى
وبيكشف الأشرار
والليل باله طويل
وعلى الجميع ستار
نهارنا فى النور معلم
وبيغزل الأفكار
فى خرجه كل اللى شافه
وتقول عليه عطار
الليل زرعه خيال
قبل المعاد ينشف
لكن ساعاته سمر
ومن النهار الطف
يا ليل بحرك غزير
واسع ملهش قرار
بينك وبين السما
معراج من الأسرار
يا ليل تبقى جميل
لو جيت من غير هم
وكل والد بعيد
مع الولاد يتلم
فيه ناس من الليل كسبت
فى الذكر نعم التجارة
وناس قطعوه فى لهو
وكان عليهم خسارة
انا كنت بحلم يا ليل
صحيتنى ليه يا نهار
كنت ف جنينى امل
مزروعة بالأنوار
زرعت فيها شجر
بيطرح الإنتصار
وزرعت فيها نخيل
يشبه قامة الأحرار
يا نهار يا ليل يا زمن
عليك يكون الحساب
لحظة فى خير تنجيك
ولحظة سبب فى العذاب
من ربى اطلب صلاة
تهدى لطب القلوب
مشفوعة منى بسلام
لحبيبنا المحبوب

» يا عين / بقلم الشيخ محمد عبد القادر
» لم تنتقصنى / الشيخ محمد عبد القادر
» همسة روح \ الشيخ محمد عبد القادر
» الحسن ومن يراه \ الشيخ محمد عبد القادر
» كلمة الشيخ محمد عبد القادر فى حفل الزهراء