رباعيات الغراب والبومه

ااااه يا غلبك ياليل وياما فيـــــــك مبالي
الغراب متسلطن اكمنه ع الفـــــــرع عالي
نسي المـــــــوكوس ســـــــــواد لــــــونه
وفي حبك يــــــابومه بيقاسي ويــــــعاني
اتاريك يالليل ستار وقاسيت كتير منـــهم
ســـكـــاري وحــــياري والـــحب بهــدلهم
الغراب يعشق البومه ومفيش شبه بينهم
وانت ياليل ستار يارب م الهبل ما تحرمهم

يابومه مالك لاويه الــــــبوز علي ايه
لا جمال ولا صوت عشان تتباهي بيه
أيـــوه انــــا غراب لكن ع الفرع عالي
وانتي فالك شؤم علي أي دار تحطي عليه

حاسب عيونى بالشر تنظر لك
كما السهام فى الحدة تغرسلك
اخطب ودادى بلاش تتباهى بالعالى
لو على عرش دهب برضه غراب وشوم شكلك

انا اصلي ع الفرع ساكن ومن يومي
ايوه غــــراب وكاسي السواد لوني
وانتي نحس يابـــومه مكان ماتحطي
زي البقعه منتنه ولازقه في هدومي

من كتر النحس العيال و عيت لك
بيخافوا من اسمك وبيكرهوا شكلك
مانتي الفــــقر فيك والله ما يخلص
ملعون ابوكي علي ابو كمان شكلك

وايه اللى رماك على وف غرامى دايب دوب
ومستنى منى بس لو نظرة يا دوب
وساهر ليلك تناجى فى سحر عيونى
حالك سوادك بس ف غرامى ما بتتوب

عيني انا شفت الفقر فيكي يا متعوسه
لكن الحب اعمي واتمنيتك ليا عروسه
جهزت حالي ومعاكي نسيت انا نفسي
ونسيت كلام امي عن نحسك يامنحوسه

حلاوتك وانت بتقوق ف وش الناس .
...يسمعوك يستعيذوا من شر الخناس..
..وانا بس اللى بسمعك واقول يا سلام .
..ما انا اصلى حبيتك واعمل ايه فى دا الاحساس

وصفولي كتير وقلت انا سيبك دول حساد
ابعد ياغراب عن كلامهم وكفايا هجر وعناد
ويااااااااه طلعت انا الخايب يابومه يافقريه
اتطسيت انا انا ف نظري والجاي لقيته سواد

من دى الساعة هنتفارق

...قربى وبعادى معاد وياك يكون فارق
..انوح على حالى فى خرابة العميان .
...هستنى ايه من غراب حتى للعجين سارق

سلامة ودانك ياحلوه ....اكيد طرشتي وسامعه همسي كما غنوه
ايوه ما هو الحب صحيح اعمي.....ومعايا كما البسبوسه تكون حلوه
ياخسارة سهادي وسهري الليالي.....عيوني عميت وبدلتي احوالي
لا جمال ولا مال ولا منظر........عاوزه يتولع فيكي ف ساعه الذروه

يصعب عليا يا حبي الفراق منك
اصلك ف قلبي والحب كان منك
خلي ذكري هواكي تكون حلوه
الغاز من عندي والولعه خلي عنك

لا غاز ولا ولعه ولا ريشى تقرب له
...ياللا يا حبيبى على عشك تغرب له

...هصرخ والم عليك البوم يا متغندر ...
.سامع كلامى ولا تحب صوتى تجرب له

فراق ايه اللي جاي انتي تنادي بيه
فارقت انا حبك خلاص اللي اتبليت بيه
لو علي القلب اهو خلاص مبلي
وانتي ف سوق الهوي ما تسوي جنيه
ما انتي بومه وفقر والفعل كان منك
ذنب وخلاص شيلته ابلي غيري حرام ليه

هانت عليك العشرة يا غراب الشوم .
...لما جاى دلوقت تنحل كمان فى ريش البوم ..
.جرب حياتك كده من غير رموشى يوم .
..تهون عليك المودة لكن عليا ما بتهون

مبجيش انا لحد وخلاص بسهوله
انا قلبي كبير وشاف كتير من دوله
لا انتي ولا بومك كله يعنيني
فكك خلاص مني وانسي يامعدوله

انا علي العشره والنعمه باقي وابصم بالعشره
انتي يابومتي غاليه عندي وهذيع حبك ف النشره
لكن قساوة قلبك ومعايرتي بسواد لوني تعبوني
بقيتي ف عيوني وانا باصص م العالي
اقل واصغر حجم من الحشره

» الغراب مكاااار
» رباعيات حماده شحات
» يطير الغراب للشاعر محمود المغربى
» رباعيات متنوعه بقلمي
» رباعيات الحرية