رباعيات متنوعه بقلمي

يهل الليل والمح انا طيفك يشاغلني
اتاريني واهم والفكر هو اللي قاتلني
بحلم واتمني والاماني في الخيال ستره
والفكر ما بيدي والقلب دايب ياناس مني
الله يجازيك يا قلبي دايما باليني وقاهرني
وعجبي ،،،
=====ابو حسام ========

قالـــــــــ العيــــون لغة **** قلتــــــ انا لوغريتمات
قال رموشها تجرحـــــــ**** قلت انا أأأأأأأأأأأأأهات
قال عين تسركـــــــــــ *** وعين تغركـــــــــــــــــ
قلت انا عيون الغالي تسيب ف القُليب نسماتـــــ
وعجبي برضه ،،،،
=======ابو حسام ========

ياقلب ونبض الوجع فيك فيه دقه بزياده
شقيان من كتر دقاتك وزاد الهم بزياده
لا قادر خلاص تشكي من وجع ولا لوم
تعبت منك يادنيا امانه تخفي الغلب بزياده
وعجبي ؛؛؛؛؛
============ابو حسام========

صبح الصباح والكل ع المولي متوكل
خارج يشوف حاله وع الرحمن متوكل
ليله كان شكله ايه لاحد عالم وداري
ارمي حموله ع الكريم واهو ماشي متوكل
وعجبي؛؛؛؛؛
==========ابوحسام=======

وياليل ياعين وتتغني في المواويل
وكل واحد علي ليلاه عمل مواويل
واه ياليل وقاسي بتبكي نجومك فيك
حتي نجومك شبعوا منك ياقاسي بكا وعويل
ونرجع نقول برضه وعجبي؛؛؛؛؛
=====ابو حسام======

بلهجه غضب يصرخ اخرس متنطقشي
والحق ياخده لوحده وغيره ميزعلشي
كلامه كضرب السيوف وهو لم حاسس
عود لسانك العدل والله الامــور تمشي
وعجبي برضه ،،،،
======ابو حسام ===========

امانه يا قبر جايلكـــــ جـــدع زين متعاجب
كان يمشي يتغندر بكحل العين والحاجب
القبر رد وقال بتوصيني ليه وانــــــا مالي
صاحبك عمل زين او شين هيتحاسب
وعجبي ،،،
=======ابو حسام ==========

ويا كتر خوفي لما يهل عليا الليلــــــ بجنونه
بشيل هم وحدتي وعذابي فـــــــ سكونه
سهران ياقلب وحدي مع جروحي واحزاني
وحبيبي نــاسي ولا مره ينظر لي بــعيونه
وعجبي ،،،،
===========ابو حسام ======

كلام وحروفه في القُليب مكتوم
لا الجرح طاب ولا ينفع معاه شكوي
كلام وصاب كما سهام والقُليب مصدوم.
كطلق نار عيار وصاب علي سهوه
وعجبي ،،،،،
====ابو حسام===

وياجي الليل وبسمع للقلبـــــ انين
بهمومه يشجيني ويزيدنـــي حنين
بسمع صدي صوتي في همسكــ
واحن لماضي اشوفه وتبكي العين
وعجبي،،،
===ابو حسام=====

غبتي عن عيني قلت ................انا عني غاب الضي
غاب القمر عن السما .................بقيت ضلام عندي
لا النجوم ف السما هتسد..........ولا ليها خلاص لازمه
من بعد عين حبيبي مفيش حاجه تساوي خلاص عندي
وعجبي ،،،،،
=====ابو حسام ======

يــــاه علي الدنيا لما انت عليها تصعب
بتضحك تداوي والجرحـــ بيكون اصعب
بتحس بطعم الهوانــ ويا الذل من تاني
لاشفقه هتقبل ولاكرامتك عليك تصعب
وعجبي ،،،،
====ابو حسام ====

يـــاعيوني مالكــــ وليــــه النومــــــــــ مجــافيكي
العقل سارحــــ في حالكــــــــ وايــه اللي باليكي
يـاقلب اسكت وخلي الدموع علي الخدود سايلين
لو حكيت لكـــ علي حالي هتقولــــ الله يجـــازيكي
وعجبي ،،،،
=====ابو حسام====

يا غلبـــــــــــ مالك انتــــــ والايامــــــ تعاندوني
جايينــــ عليـــــــــا وعــركهــــ معايا تشاكلوني
راحوا الحبايبــــــ بقـــــالهمـــ عــــــام وفاتوني
ولنظــرهـــ منهمـــ محتاجه كــــــده عــــيوني
يرقــــ القلبـــــــ يصفــي ولا همـــا نسيـــوني
فاكــــر ليالي الصفــا وشايلهــا فـــــ جـــفوني
ياعيونــــ متحرم عليها اللقا وعمرك ماهتخوني
عيشي ع ذكري وماضي وليهم خلاص صوني
دا امر واقعـــــــ وبيه يــــا عين خـــلاص ارضي
دموعك ولا تسوي من النوم خلاص قـــــــومي
وعجبي،،،،
====ابو حسام====

عشنا وشفنــا السفيهـــ واهو عاب في اسياده
يتلفظــــ بــــــالــــفاظ ولا يـــــعرفـــــــ معانيها
مستقويـــــ بعصابــــــه وعـــــاملهمــــ اصحابه
لانـــه سفيه رابـــــــط وماسكـــــــ قوي فــيها
مع شلة انـــدال ولا ليهم فـــــــ الفنون مـــــوال
لو وسط الرجال قـــــال كلمه هيقيدوا اللي جابه
وعجبي،،،،
=====ابو حسام =============

صدقني فــــــ وسطــ الرجال ولاتســـاوي جنيه
عاملي قــــوال وهبلكـــــــ احنـا ابتـلينا بيه
ياولدي فوقـــــ ولكلامكــــ خلي لــيه مـــعني
كتر الكلام ويا السفيه بيتعبنا لكن هنعمل ايه
وعجبي ،،،،
=====ابو حسام =========

كلامـــ الاندال عمرهــ ما هيعدل كيف
وفـــــ قعدة رجالـــ والله مايسوي رغيف
حــافظ علي لسانكـــــ وكون ليه موزون
كلامنا قاسي ويوجع وحروفه كحد السيف
وعجبي،،،،
=====ابو حسام========

تبكي ياعين ودمعك سال.... عـــــ الخدود غالي
تنزل دموعك كما نــار .....واهاتك بصوت عالي
يتنهد القلب لحظــــه ...ويحســـ بجحيم دنياهـ
يصرخ لساني يقولــــ.... والله واتبهدلـــــ الغالي
وعجبي،،،،
======ابو حسام=====

اه ياقلبــــ طيبــــــ كاسيك طيابه
يظلموكــــ وتنسي وتقولــــ غلابه
تسامح وتصفح وعليهمـــــ بتجري
والظلم قادر يخلي نابك زي الديابه
وعجبي ،،،،
======ابو حسام ====

حــــــيره
حيــره وحنينــ وحاجات كتيرهــ
الياء فيـــ اوسطها ظنون كتيرهــ
الراء مــن حروفها جواهــا غيرهـ
الهاء اخرها والصبر حبالــه طويله
وعجبي ،،،
====ابو حسام====

ســألوني الناس عن شــوقي وعــن حبي
ســارحــ وهايم واهو دايب في هواه قلبي
اسمه مــحمد محبوبي وتاج على راسـي
صلي عليه البشر وسبق صلي عليه ربـي
====ابو حسام=====

ياقلب مالك حيران وشايل هموم
وكأن الوجع بقي ليك موصوف
ارمي حمولك علي الله هتقوم
وطول ما النبض فيك كتير هتشوف
وعجبي ؛؛؛
===ابو حسام===

نصيحه زجليه
شابــــ وحليـــوه وفــــــ وسط الشباب جلعان
يتباهي بشبابـــه وعافيته مـــــع الـــجدعان
لا يعرف صلاة ولا صـــوم ولا يـــــزور عـــيان
فارد جناحـــه عـــ الـــــدنيا وماشي متغندر
نسي حساب اخرتـــــه مكانتش فــــ الحسبان
تعبـــــــ في يــــوم وملكـــــ الممات اهو جاله
ســــاعة طلوع الـــــروح صعبة والجسد حيران
راح خــــــلاص التمني وفـــات الاوانـــ بأوان
اعمل حساب بكره واحجز في الــجنه مــكانـــ
يــا بن ادمـــ مش دايمــــه الدنيا علي حالها
غروره هي ونصيحه مني توعي لها يـا انسان
عملك هتتجازي عــليه صغير كــبير انـــ كان
وكله سلف ودين قـــالوها لنا اهـــل زمــــان
فوق لنفسك واصحي هــاودني يـــا غــــلبان
ارمي حمولك علي الله ومتقولش يوم تعبان
ربك هيرضي عليك وف الجنه تــــلاقي مكان
وعجبي ،،،،،
===== ابو حسام =====

ياسلام لو الحظ يضحك وتعود الايامــــــ من تـــاني
انسي همومي انا واضحك وانسي كل احــــزاني
واقول ياد الحظ اهو جالك فارد علي الهوي جناحــه
اصل اللي جرا لي منكــــــ يــــا دنيا والله كــــفاني
وعجبي ،،،
==========ابو حسام =====

جلستُ في مجلسٍ للذكرِ بمدحِ فــــــ المُصطفيَ هائمُ
وجدتـــــــــُ قلبـــي في هوىَ أحمدُ المُصطفىَ مُتِيمُ
احيــاَ بِحُـــبِ لطــهَ مـْـديَ الـــْــزمـــانِ وافتخـِـــــر
فحيـــاةُ بـِـغيـــرِ حُـــبِ مُـحَمدٍ مُـــرهْ كطعمِ العلقمُ
====ابو حسام ====

حبيبي كما البدر ف السما عالي ومنور
الاسم محمد شفيع الخلايق والعين بتدور
علي يوم اللقاء وياه ...... وزيارة الغالي
اطوف البيت والبي ...يشرح القلب وينور
لانه غالي عليا وف القلب ساكن ومتمكن
طالب شفاعه منه وللزيارة متمني بقول يمكن
دعوة حبيبى ف يوم تناديني تجلي الهموم وتعمر
وعجبي،،،،،،
=====ابو حسام =====

رأيتُ الجميع يبكي وينعاني .............تراهُم عينايا ولا تراني
اشعُر بالانفاسِ وقد انِقطعت....والجسم ممدودُ يثُبت بمكاني
الخلق من خلفي تُشيُعني................بغزير دموعٍ واحزاني
من يسأُل عني وعن فعلي................فليعلم جديد عنواني
ها انا لدار الخُلد قد راحل..............واصبح دارُ الحق عنواني
تارك الدنيا وما فيها...................من زيفٍ ومن خدعٍ اثراني
غرقت بهمٍ قد زاد...............والمولي من دنيا الباطل نجاني
====ابو حسام ===

امانه عليك يا قلب............... وبين الضلوع موجوع
تداري شوقك ونارك ................. ونبضك الموجوع
يا قلبى سيب البسمه تزين لون الشفايف
وترسم عليها الفرحه........... وعينك كاسيها دموع
وعجبي ،،،،
====ابو حسام ======

ياسلام علي الدنيا لما تكون الحياه وردي
تضحك وتلعب وتصرخ تقول مين قدى
بس يا خلى الدنيا ابداً لم دامت علي حالها
تديلك يوم وتقولك خلاص فرحت دوق غلبي
وعجبي ،،،،
====ابو حسام===

جواك حمول كما البركان وعليها قادر
ياقلب مسكين وتعبان والجرح فيك غادر
عندك هموم كما جبال وللناس لم توريها
تقدر تداري الدمع ف عيونك يبقي انت اكيد شاطر
وعجبي

الفكر خلي الحبيب حاير ف دوامه
يسرح يعاتب النفس بقساوه وملامه
ياقلبي كان مالك ماكنت م الهوي خالي
وكنت تلوم علي المبلي اديك وصلت بسلامه
وعجبي،،،،،
=====ابوحسام===

قاعد وناسي الكون وف الملكوت اهو سارح
لا عمره فكر ف واسطه توسع الرزق ومصالح
طيب يشتكي ليه قسوة الايام وافعالها
ورزقه موجود مهو رب واحد للنهارده وامبارح
وعجبي

بعيني انا شايف القمر راح في غروب
وموج البحر بيقوله دا احنا لسه يادوب
وانا واقف اقوله امانه عليك يا خلي
قرب بلاش تبعد دا القلب دايب دوب
وعجبي

يطول عليك الليل بس الفجر راح يظهر
اوعي تغرك الضحكه دي بس للمظهر
القلب موجوع وساكت وعامل حساب بكره
والحق ضاع ف الدنيا بس في الاخر راح يظهر
وعجبي

عجبي عليك يا قلب ضاحك وجواك موجوع
تسهر علي راحته وعيونك كاسيها دموع
والصمت اصبح رفيقك وياك ع الدرب ساير
تتمني يوم الفرح يرجع وليك الفرح ممنوع
وعجبي،،،،
=== ابو حسام ====

حبيبي وحروفه ......فيها من اسمي
ف القلب ساكن وعندي اعز م نفسي
ف الروح مشارك وصورته من رسمي
ويا القمر في سماه شايفه انا نفسي
اديته عمري وقلت له فداك نفسي
كان يصعب عليا حبيبي ثانيه ينساني
واقول اه يازمان غدار هانت عليك نفسي
رخصتني كده ليه لانه نسي كمان اسمي
عايش وواهم ان لسه فاكر حاجه من همسي
ساكت وشاري وللقب قلت عديها
لا ..فيوم جابت نتيجه ولا صعبت عليه نفسي
وعجبي
==========ابو حسام ===

القلب شايل كتير وساكت
يبكي بحرقه ودموعه ما تنشاف
يقاسي الجفا واهو ساكت
والبسمه ع الخدود تنشاف
والعيون ترسم الضحكه واهو ساكت
ويشكي ليه وشكوته ما تنشاف
وﻻ حد حاسس بيه طول ما هو ساكت
ووجعه بالعين العاديه لم ينشاف
اصبر ع القسي والويل وخليك ساكت
واعلم بان رب العباد لكل عليل شاف (شافي)
ابو حسام

يا عيون حياري في عز الشوق وبتنادي
يا عيون حبيبي غيابك عني زود سهادي
في البعد عنك القلب مكوي ودايبــــــــ
ياعيون حبيبي انا مكـــــــــوي فؤادي
وعجبي ،،،
====ابو حسام ===========

ياقلب ونبض الوجع فيك فيه دقه بزياده
شقيان من كتر دقاتك وزاد الهم بزياده
لا قادر خلاص تشكي من وجع ولا لوم
تعبت منك يادنيا امانه تخفي الغلب بزياده
وعجبي ؛؛؛؛؛
============ابو حسام========

حبيبي عليا قاسي ودايماً ملاوعني
اتحمل منه الغضب واقول وايه يعني
اصله حبيبي وف العيون خلاص ساكن
ميعرفش ضي العين قسوته بتوجعني
وعجبي ،،،
=====ابو حسام ========

ياضحكه ع الشفايف ومرسومه بلونــ فضي
تسري الناظرين ليكي واهي نظرة وتعدي
مكوي الُقليب جواه وف الماضي اهو سارح
نار وقايده وحبيبي قال والحطب من عندي
وعجبي،،،،
====ابو حسام=====

يادنيا مالك جايه عليا لــيه وكويـــــاني
كل ما اقول ضحكتي تقسي من تاني
الضحكه متلحقش تترسم ع الشفايف
وترجع جروحي تصحي تكويني م تاني
صبرت كتير وقاسيت وغلبك عليا زاد
اروح لمين اشتكي بعد رب العباد تاني
زادت جروحي والحزن سكن في وجداني
خلاص يادنيا منك انا راحل بأحزاني
طويت صفحتي وطفيت شموعي من تاني
وعجبي ،،،،
====ابو حسام ======

كتبت انا كتاب ............وطير الحمام وداه
جف مني القلم ...........علي الترحال وداه
امانه يا طبيب ما تعرف تداوي الجرايح ؟
دا فى غياب الغالي....يا تعب القلب وشقاه
وعجبي،،،،
====ابو حسام====

الله عليك يا خلي لما توفي بعهودك
تحفظ ودادك وتحافظ علــي وعودك
عمله نادره يا صاحبي في زمان اغبر
وانت اللي هايم ولا حد حس بوجودك
وعجبي ،،،
====ابو حسام ======

نار الحنين جوه الضلوع وف الروح قايده
تذهب العقل وعلي القلب اهي عايده
طعن الحنين كسهام الحروب محسوس
وان غابت الروح م الجسم يبقي مفيش فايده
وعجبي ،،،
====ابو حسام=====

معذبني الحنين ف بعدك وطال سفري
والسكه لسه طويله واتمني ليه عمري
ما الدنيا من غير وجودك والله ولا تسوي
نظرتك ضحكتي وفرحتي وسهري
ارجع لي ياخلي ياللي في هواك قدري
وعجبي
=====ابو حسام ======

الله الله الله
هو ده الكلام بصراحه
المتألق دوما في سماء الرباعيات والموال الشعبي
مدير الومضات ....او حســـــــــــــــــــــــام
انا من سعدت حقيقة بالنظم الجميل لهذه التجليات الرائعه
عشت ودمت مبدعا
ولا حرمنا الله من جميل ابداعك
...........

ربنا ما يحرمني منك ولا من تشجيعك المستمر ليا يا كبيرنا

دنيا والله رديــه والكبر مــاليهــــا
غروره يا خلي هي بكل ما فيها
تذل الاصيل وتكشر له عن نابهـا
ابعــد عن عتابها وربك هيقضيهـا
وعجبي ،،،...

» رباعيات ..بقلمي
» ليل طويل بقلمي ابو حسام
» يقتلني الحنين بقلمي
» اغاني خليجيه متنوعه
» سُباعيّات .. بقلمي :