زمان الشباب فيه شابو

زمان فيه الشباب شابو
==============
عجبي عليك يا زمان
كل ساعه بحال
يوم حلو ويوم مر
وكل ساعه بحال
بتمني الضحكه منك
وعارفها اصلي محال
من كتر قساوتك وقهرك
ميلت ياما جبال
لا مره رحمت وقلت عود اخضر
وكسرت والله رجال
رجال في عز الشباب شابو
من كترة الافعال
ياااااااه عليك يازمان
والصبر علي مرك طال
نفسي ادوق حلوك ولو مره
ياخي ويبقي حلال
بتميل ع الاصيل ليه
وتخلي حاله حال
وتاجي للدون تعليه
ويبقي عال العال
لو راجل واقف علي حيلك
والله لااقول خمال
تصدر منك العيبه
وف حق الاصيل تتقال
خليت للردي ايه
في حقك عشان تتشال
تظلم وتقسي وتبهدل وتنسي
طب بالذمه دا يبقي حلال ؟
لكن هقول ايه واعيد تاني
ياما اتقال فيك العبر وانا عملتها موال
لكن ياصاحبي الصبر طيب
في سنة النبي ياما قال
اصبر تنول والصبر له اجره
ورب العباد قادر يبدل اﻻحوال
======== ابو حسام =======

» طرب زمان
» كان ..زمان!!!
» كنا زمان
» نكت زمان
» اين زمان الاوفياء ؟