من تخاريف ابو حسام

تخاريف
خايف عليك من قسوة عنادك
بتهجر وتقسي سيادة جنابك
وبفِكرك لوحدك بترمي عتابك
بتقاضي وتحكم و تقرر عقابك
ودايما ظالمني واتحمل عذابك
مفيش مره مني تسمع جنابك ؟
يا ما قلت اني زهرة شبابك
وعايش كأني كلمه ف كتابك
توعد وتخلف وتشكي اللي صابك
من الفكر شايل طب ايه اللي نابك
قرارك لوحدك ومكشر لي نابك
ما انا قلت ياما..... الفكر عابك
وتظلم ف قلبي وعمره ما سابك
تجرح وتكوي ومتحمل عنادك
لامره خنت ولابوحت بجوابك
مفيش مره تسمع سيادة جنابك ؟؟؟
بترمي سهامك واهو السهم صابك
ومن بُعدي تشكي وتقولي غيابك
طب لما انت شايف ف بعدي عذابك
طب ليه بتكوي بنارك صحابك
مفيش مره تعقل وترجع صوابك
خليني واثق في سيادة جنابك
خليني احبك واقول لقلبي عمره ماسابك
===============ابو حسام=======

» تخاريف ابو حسام لسه بتسأل افتكرتك
» نسيت انساك \ بقلم ابو حسام
» تخاريف / بقلم ابوحسام
» اسمر وطبعه الدلع \ ابو حسام
» ليل طويل بقلمي ابو حسام